Ntirho 11:7 - BIBELE Mahungu Lamanene

⁷ “Xana u nga twisisa leswi Xikwembu-xa-matimba-hinkwawo xi nga swona xana? Xana u nga tiva laha matimba ya xona ma helelaka kona xana?

Xitsonga (Bibele)

⁷ “Xana u fikele eku tlakukeni ka Xikwembu, U twisisile ku enta ka Lowa matimba hinkwawo xana?

Ntirho 11:7 Referans Kwoze

Varhoma 11:33

Vukosi bya Xikwembu, ni vutlhari bya xona, ni vutivi bya xona, a hi ku enta ka swona! Makungu ya xona ma nga pimisiwa ku yini, ni tindlela ta xona ti nga twisisiwa ku yini xana?

Eklesiasta 3:11

Xi endlile hinkwaswo swi va leswi fambelanaka ni minkarhi ya swona; naswona xi nyikile vanhu ku twisisa ku landzelelana ka tinguva. Hambiswiritano, matirhele ya Xikwembu ku sukela eku sunguleni ka wona ku fikela emakumo, munhu a nge ma twisisi.

Pisalema 145:3

HOSI i Xikwembu lexikulu, xi dzuneka ngopfu; vukulu bya xona hi lebyi nga pimekiki.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Esaya 40:28

Xana a mi tivi nchumu, a mi twanga nchumu ke? HOSI Xikwembu, xona Xikwembu lexi nga kona hilaha ku nga heriki, lexi tumbuluxeke misava hinkwayo, a xi karhali, a xi heli ntamu, makungu ya xona, a ma tivi hi munhu.

Pisalema 77:19

U boxile ndlela ya wena exikarhi ka lwandle, u tsemakanyile hi le swidziveni, kutani ku hava loyi a voneke minkondzo ya wena.

Ntirho 37:23

Xi ni matimba hinkwawo, hi nge tshineli kusuhi na xona; xi fuma hi ntamu ni ku lulama, xi tele ku tshembeka, xi nge xanisi munhu.

Ntirho 5:9

Xona xi endla swilo leswikulu swo hlamarisa, masingita ya xona i ntsandza-vahlayi.

1 Vakorinto 2:16

Hikuva i mani loyi a tivaka miehleketo ya Hosi, leswaku a ta yi dyondzisa ke? Loko hi ri hina hi ni miehleketo ya Kriste.

1 Vakorinto 2:10

Kambe Xikwembu xi hi pfuletele swilo leswi hi Moya; hikuva Moya wu lavisisa hinkwaswo, hambi swi ri swihundla leswi enteke swa Xikwembu.

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

Ntirho 26:14

Leswi i masungulo ntsena ya mintirho ya Xikwembu, ho hleveriwa swona etindleveni! Kambe loko matimba ya xona ma dzindza, ku nga twisisa mani xana?”

Ntirho 22:12

“Wa swi tiva, Xikwembu xi tlakukile ku tlula matilo, languta ni tinyeleti letikulu le henhla!

Ntirho 33:12

We Yobo, wa hoxa loko u vurisa leswi, ndzi tshike ndzi ku byela: Xikwembu i xikulu ku tlula munhu.

Ntirho 33:13

Hikwalaho ka yini u vilela hi xona, u ku: ‘Marito ya mina hinkwawo, xa ala ku ma hlamula!’

Ntirho 36:26

“Xikwembu i xikulu ngopfu, hi nge xi twisisi; vukhale bya xona a byi pimeki.

Ntirho 37:5

Ku dzindza ka kona ka hlamarisa: Mintirho ya Xikwembu i yikulu, a yi twisiseki.

Eklesiasta 7:24

Ntumbuluko hinkwawo i xihundla eka mina, swa wona swi entile ngopfu, swi nga hlamuseriwa hi mani ke?

Ntirho 27:11

“Mina ndza ha ta mi dyondzisa matirhele ya Xikwembu, makungu ya Lowa-matimba-hinkwawo a ndzi nga mi fihleli.

Ntirho 35:5

Languta matilo ni mapapa ya kona: Ma tlakukile ngopfu ku ku tlula.

Ntirho 42:3

Wena u te: ‘I mani la solaka makungu ya mina hi ku kala vutivi ke?’ Hakunene ndzi vurile leswi ndzi nga swi tiviki, a swi tlula ngopfu ku twisisa ka mina.

Pisalema 139:6

Ndlela leyi u ndzi tivaka ha yona, ya ndzi hlamarisa, yi tlula ngopfu ku twisisa ka mina.

Swivuriso 30:4

I mani la nga tlhandlukela etilweni, a tlhela a vuya xana? Xana i mani la nga tshama a fumbarhela moya xana; la tshamaka a phutsela mati hi nceka i mani xana, i mani la nga veka vugimamusi bya misava xana? Vito ra yena hi yena mani, ni n'wana wa yena i mani xana? Wena u fanele ku swi tiva!