Ntirho 11:19 - BIBELE Mahungu Lamanene

¹⁹ U ta etlela u tsakile u nga chavisiwi ha nchumu; vanhu lavo tala va ta navela ku kateka tanihi wena.

Xitsonga (Bibele)

¹⁹ Ku wisa ka wena a ku nga karhatiwi hi munhu, Lavo tala va ta tsakela mombo wa wena.

Ntirho 11:19 Referans Kwoze

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Pisalema 45:12

We nhwana wa le Tiri, lava fuweke etikweni va ta ku humesela tinyiko, va endlela leswaku u va tsakela.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.

Esaya 45:14

HOSI Xikwembu xi vurisa sweswo xi ri: “Rifuwo ra tiko ra Egipta, ni mabindzu ya vanhu va le Etiyopiya, ni ya vanhu lavo leha va le Seba, swi ta tisiwa eka n'wina, swi va swa n'wina; vanhu lava va ta mi landza, va ta ta va bohiwile, va fika va mi nkhinsamela, va mi khongela va ku: ‘Xikwembu, hi lexi xi nga na n'wina, a ku na xin'wana, ehandle ka xona, xikwembu xin'wana ku hava.’ ”

Swivuriso 19:6

Vanhu vo tala va rhandza ku tsakeriwa hi lava va nga ni swa le mandleni, un'wana ni un'wana ú lava ku va munghana wa loyi a hananaka.

Levhitika 26:6

Ndzi ta endla leswaku ku va na ku rhula etikweni, kutani loko mi etlele, a mi nga chavisiwi hi nchumu; hambi swi ri swiharhi leswo dlaya ndzi ta swi susa etikweni, ni tinyimpi a ti nga mi ngheneli.

Ntirho 11:18

U ta va u hlayisekile, u ri ni ku tshemba; u ta lavisisa matlhelo hinkwawo, u ko u kuma ku tshamiseka u wisa.

Pisalema 4:8

Ndzi ta tilata ndzi etlela hi ku rhula, hikuva hi wena ntsena, we HOSI, loyi u endlaka leswaku ndzi tshama ndzi hlayisekile.

Pisalema 127:2

A swi pfuni nchumu ku hubuta u tirha, u titsona ni vurhongo nimadyambu, u xanisekela ku kuma swakudya, hikuva HOSI Xikwembu xi nyika lava xi va rhandzaka, hambiloko va etlele.

Swivuriso 3:24

Loko u etlele, a ku nga vi na lexi xi nga ta ku chavisa, ni vurhongo byi ta nandziha;

Esaya 17:2

Miti ya tiko ra Siriya a yi nga ha tshami munhu ni siku ni rin'we, yi ta hundzuka madyelo ya swifuwo, swi ta vundza kona swi nga karhatiwi hi munhu.

Mikiya 4:4

Munhu un'wana ni un'wana ú ta titshamela endzhutini wa murhi wa yena wa vhinya kumbe wa nkuwa, ku ri hava loyi a n'wi chavisaka. Leswi swi vuriwile hi HOSI Xikwembu xa matimba hinkwawo.

Sofoniya 3:13

Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

2 TIKRONIKA 20:30

Kutani Yoxafati a va ni ku rhula eku fumeni ka yena, hikuva Xikwembu a xi n'wi lwerile eka valala matlhelo hinkwawo.

Ezekiele 34:28

Vamatiko a va nga ha phanghi swilo swa vona, ni swiharhi swa nhova a swi nga ha va dlayi; va ta tshamiseka, va nga ha chavisiwi hi nchumu.