Ntirho 11:15 - BIBELE Mahungu Lamanene

¹⁵ Loko u endla tano, u ta languta emahlweni u nga soleki, u ta va u hlayisekile u nga chavi nchumu.

Xitsonga (Bibele)

¹⁵ U ta tiva ku yimisa nhloko ya wena u nga ri na xivati. U ta tiya matimba, u nga chavi nchumu;

Ntirho 11:15 Referans Kwoze

Ntirho 22:26

kutani u ta titsakela eka xona, u tlhela u langutana na xona.

1 Yohane 2:28

Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.

1 Timotiya 2:8

Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Swivuriso 28:1

Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Swivuriso 14:26

Ku chava HOSI Xikwembu, swi nyika munhu ku tshemba loku tiyeke, ni vana va yena va ta va ni ndhawu yo tumbela eka yona.

Pisalema 46:1

Xikwembu i khokholo ra hina leri tiyeke; vanhu lava nga khombyeni, xi hatla xi va pfuna.

Pisalema 27:1

Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?

Ntirho 10:15

Siku ndzi dyohaka, ndzi le khombyeni, kambe loko ndzi endla leswinene, ndzi tsandzeka ku tlakusa nhloko, hikuva ndzi tshikeleriwa hi mahlomulo, ndzi vona maxangu ntsena.

Genesa 4:7

Xana loko wo endla leswinene, u nge tsakeriwi xana? Loko u nga endli leswinene, xidyoho xi ta ku bvutamela enyangweni, xi navela ku ku bvanyangeta, kambe u fanele ku xi hlula.”

Pisalema 27:3

Hambiloko vuthu lerikulu ro ta ri ta ndzi rhendzela, ndzi nga ka ndzi nga rhurhumeli, ni loko vanhu va nga hloma matlhari va ndzi tela, ndzi nga ka ndzi nga tsemeki nhlana.

Pisalema 46:2

Hikokwalaho hi nga ka hi nga rhurhumeli, hambiloko misava yi nga hundzuka, kumbe tintshava ti ninginika ti wela elwandle;