Ntirho 11:11 - BIBELE Mahungu Lamanene

¹¹ Xikwembu xi tiva vanhu lava nga pfuniki nchumu, mintirho ya vona leyo biha, xi hatla xi yi vona.

Xitsonga (Bibele)

¹¹ Hikuva xi tiva vumbabva bya vanhu, Xi vona swidyoho hambi xi nga swi chavuki.

Ntirho 11:11 Referans Kwoze

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Habakuku 1:13

Mahlo ya wena a ma tsakeli ku hlalela leswo biha, hikuva ma tengile ngopfu; a wu languti leswo biha, u nga endli nchumu. Kutani ke, hikwalaho ka yini u languta ntsena vaxisi, u miyelela yini loko lavo biha va mita vanhu-kulobye lava lulameke ku tlula vona ke?

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Eklesiasta 5:8

Loko u vona swisiwana swi xanisiwa etikweni, ni loko milawu leyo lulama yi nga ha landzeleriwi, u nga hlamali hi mhaka yo tano, hikuva tindhuna ti fuma hi tindhuna-kulobye, kambe hinkwato ti le hansi ka ndhunankulu.

Pisalema 94:11

HOSI Xikwembu xi tiva miehleketo ya vanhu, xa swi tiva leswaku i moyanyana ntsena!

Pisalema 10:11

Hi mbilu, ú ri: “Xikwembu a xi na mhaka, a xi languti, xi nga ka xi nga swi voni.”

Pisalema 35:22

We HOSI, swi voniwile hi wena, u nga tshuki u miyela, u nga vi kule na mina, we N'wini wanga!

Ntirho 24:23

Xi nga va tshika va titwa va hlayisekile, kambe xi le ku xiyaxiyeni ka tindlela ta vona.

Ntirho 28:24

hikuva mahlo ya xona ma tlhava ni le vugimamusi, xi tiva hinkwaswo leswi nga misaveni.

Ntirho 31:4

Xana Xikwembu a xi voni tindlela ta mina, magoza ya mina, a xi ma hlayeli xana?

Pisalema 33:13

HOSI Xikwembu xi languta vanhu xi ri etilweni, xi va vona hinkwavo;