Ntirho 10:14 - BIBELE Mahungu Lamanene

¹⁴ Loko ndzi dyoha, u hatla u swi vona, u ala ni ku ndzi rivalela.

Xitsonga (Bibele)

¹⁴ Loko ndzi dyohile, u ndzi siya, Wa ala ku ndzi khomela milandzu ya mina.

Ntirho 10:14 Referans Kwoze

Ntirho 7:21

U alela yini ku ndzi rivalela swidyoho, ni ku susa milandzu ya mina, leswi ndzi nga kusuhi ni ku latiwa esirheni ke? U nge he ndzi kumi, loko u ndzi lava, hikuva ndzi ta va ndzi nga ha ri kona.”

Pisalema 130:3

We HOSI, loko onge wa hi hlayela swidyoho swa hina, xana i mani loyi a nga tiyelaka ku yima emahlweni ka wena we N'wini wa hina xana?

Pisalema 139:1

We HOSI, u ndzi kambisisile, wa ndzi tiva;

Ntirho 9:28

mahlomulo ya mina lama taka ma ndzi heta matimba, hikuva ndza swi tiva, Xikwembu a xi nga tshiki ku ndzi veka nandzu.

Tinhlayo 14:18

‘Mina HOSI, ndzi hlwela ku kariha, ndzi tele tintswalo leto tshembeka, ndzi rivalela milandzu ni ku tiarisa, kambe a ndzi tshiki ku ba lava dyoheke, ndzi ba ni vana va vona ku fika eka rixaka ra vona ra vunharhu ni ra vumune.’

Eksoda 34:7

lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Ntirho 14:16

A wu ta hlaya magoza ya mina, kambe swidyoho swa mina a wu ta tshika ku swi languta.

Ntirho 7:20

Ndza swi tiva, ndzi mudyohi, kambe a ndzi dyoheli wena, we mukamberi wa vanhu. Xana u ndzi copela yini hi miseve ya wena, ndzi ku tikela ha yini xana?

Ntirho 33:9

U te: ‘Nandzu ndzi hava, a ndzi dyohanga nchumu, ndzi loyi a tengeke, xo biha a xi kona eka mina.

Ntirho 34:22

Ku hava munyama, hambi wu ri wo chavisa, lowu vadyohi va nga tumbelaka eka wona.

Pisalema 90:8

U andlala ku homboloka ka hina emahlweni ka wena; swidyoho leswi hi swi endleke exihundleni, wa swi paluxa.

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.