Ntirho 1:8 - BIBELE Mahungu Lamanene

⁸ HOSI Xikwembu xi ku ka Sathana: “Xana u vonile nandza wa mina Yobo xana? A ku na la fanaka na yena emisaveni. I munhu wo lulama wa mahanyelo lamanene; wa ndzi tirhela, a fularhela leswo biha!”

Xitsonga (Bibele)

⁸ Yehovha a ku eka Satana: “A ku tsundzukanga Yobo nandza wa mina xana? Hikuva a ku na munhu la fanaka na yena emisaveni, la fambaka hi ku lulama ni ku tenga, la chavaka Xikwembu ni ku fularhela swo biha.”

Ntirho 1:8 Referans Kwoze

Ntirho 2:3

Kavaloko HOSI Xikwembu xi ku ka Sathana: “Xana u vonile nandza wa mina Yobo xana? Ku hava la fanaka na yena emisaveni, hikuva i munhu wo lulama wa mahanyelo lamanene; wa ndzi tirhela, a fularhela leswo biha. Ni sweswi wa ha tiyisela eku lulameni ka yena, hambileswi u ndzi susumeteke ku n'wi tekela swa yena, a ri hava nandzu.”

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Esaya 1:16

Hlambani, mi basa; mintirho ya n'wina leyo biha, yi suseni emahlweni ka mina; mi nga ha tlheli mi dyoha,

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Ntirho 8:20

“Tsundzuka wena Yobo, Xikwembu a xi cukumeti munhu wo tshembeka, kambe vadyohi, xi ala ku va pfuna.

2 TIHOSI 23:25

Exikarhi ka tihosi leti ti n'wi rhangeleke, a ku vanga na hosi yo fana na Yosiyasi: Ú namarhele HOSI Xikwembu hi mbilu ya yena hinkwayo, ni moya wa yena hinkwawo, ni matimba ya yena hinkwawo, a ri karhi a yingisa Nawu hinkwawo wa Muxe; naswona, a ka ha vanga na hosi yin'wana yo fana na yena.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Tinhlayo 12:3

Muxe a a ri wanuna wo titsongahata, ku tlula vanhu hinkwavo emisaveni.

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

Pisalema 18:23

HOSI a yi kumanga nandzu eka mina, hikuva ku dyoha, a ndzi ku chava ngopfu.

Ntirho 34:14

Loko a xo tihanyela xi ri xoxe, ni loko xi tekela swivumbiwa emoya lowu xi nga wu huhutela eka swona,

Ntirho 12:4

Khale a ndzi khongela Xikwembu, kutani xi ndzi hlamula; kambe sweswi ndzi hundzuke xihlekiso eka vanakulorhi, mina munhu wo lulama wo pfumala nandzu, ndza hlekuriwa.

Yoxuwa 1:7

Mhaka leyikulu, u fanele ku tiya, u va ni xivindzi; naswona u landzelela milawu hinkwayo leyi Muxe nandza wa mina a ku leriseke yona; u nga tshuki u tlula ni wun'we wa yona, leswaku hinkwako lomu u nga ta va kona, u ta kateka eswilweni hinkwaswo.

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

Ezekiele 40:4

Wanuna loyi a ku ka mina: “Wena munhu, pfula mahlo u rhiya ni ndleve, u ringeta ku tsundzuka hinkwaswo leswi ndzi nga ta ku komba swona, hikuva hi xona xikongomelo xa ku tisiwa ka wena haleno; kutani u ta ya tivisa Vaisraele hinkwaswo leswi u swi vonaka kwala.”

Pisalema 89:20

Ndzi tihlawulele Davhida leswaku a va nandza wa mina, ndzi n'wi cherile mafurha ya mina layo hlawuleka enhlokweni.

Pisalema 37:27

Loko mi endla leswinene mi fularhela leswo biha, mi ta tshamiseka minkarhi hinkwayo,

Pisalema 36:1

Marito layo biha ya munhu wo homboloka a ma suki embilwini ya mina: Hi ku vona ka yena, a swi pfuni nchumu ku chava Xikwembu.

Pisalema 34:14

tshikani leswo biha mi endla leswinene, lavani ku rhula, mi tiyisela endleleni ya kona,

Nehemiya 5:15

Tindhunankulu leti fumeke loko ndzi nga si ta, a ti tikisela vanhu vutomi; a ti lava swakudya na vhinyo, ehandle ka mali leyi a yi humesiwa ya tisilivhere ta 40. Hambi ma ri malandza ya tona a ma xanisa vanhu; mina sweswo a ndzi swi endlanga hikuva ndzi chava Xikwembu.

Yoxuwa 1:2

“Nandza wa mina Muxe ú file, kutani sweswi suka ni Vaisraele lava hinkwavo mi pela nambu lowu wa Yordani, mi ya nghena etikweni leri ndzi va nyikaka rona.

Ntirho 2:1

Siku rin'wana, swivumbiwa swa le tilweni swi tlhela swi hlengeletana ehubyeni ya HOSI Xikwembu; na yena Sathana a a ri exikarhi ka swona, a nghena na swona ehubyeni ya HOSI Xikwembu.