Ntirho 1:21 - BIBELE Mahungu Lamanene

²¹ a ku: “Ndzi velekiwile ndzi nga ri na nchumu, ndzi ta fa ndzi nga ri na nchumu. HOSI Xikwembu xi nyikile, kambe xi tlhele xi teka. A ku dzunisiwe vito ra xona!”

Xitsonga (Bibele)

²¹ “Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

Ntirho 1:21 Referans Kwoze

Eklesiasta 5:15

Ú velekiwile a nga ambalanga, ú ta fisa sweswo a nga ri na nchumu, a lova a nga rhwali na xin'we xa leswi a tikarhateleke swona.

1 Timotiya 6:7

Hikuva a hi tanga na nchumu emisaveni, naswona hi nga ka hi nga fambi na nchumu, loko hi suka kwala misaveni.

1 Vatesalonika 5:18

Eka hinkwaswo, nkhensani; hikuva hi kona ku rhandza ka Xikwembu ehenhla ka n'wina, ha Kriste Yesu.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Ntirho 2:10

Yobo a n'wi hlamula a ku: “U vulavula ku fana ni wansati wa phuphula. Leswi hi amukelaka minkateko yo huma eka Xikwembu, xana a hi fanelanga ku amukela na wona makhombo xana?” Emakhombyeni lawa hinkwawo, Yobo a nga dyohanga hi ku vulavula ka yena.

Vaefesa 5:20

Masiku hinkwawo, nkhensani Xikwembu Tatana hikwalaho ka swilo hinkwaswo, hi vito ra Hosi ya hina Yesu Kriste.

Esaya 45:7

Hi mina ndzi tisaka ku vonakala, ndzi vanga ni xinyami, ndzi tisa minkateko, ndzi vanga ni mahlomulo, leswi hinkwaswo swi endliwa hi mina HOSI.

Pisalema 49:17

hikuva siku a faka, a nge fambi na nchumu, rifuwo ra yena ri nge n'wi landzi esirheni.

1 SAMIELE 2:7

HOSI yi vangela van'wana vusiwana, yi fumisa van'wana; ya tsongahata, naswona ya tlakusa.

Swirilo 3:38

Minkateko ni makhombo a swi humeleli, loko Loyi a nga henhla-henhla a nga lerisanga.

Eklesiasta 12:7

ntshuri wu nga si tlhelela emisaveni laha wu humaka kona, ni moya wu nga si tlhelela eka Xikwembu, munyiki wa wona.

Genesa 3:19

U ta dya swa nyuku wa wena, u kondza u tlhelela emisaveni hikuva u humesiwile eka yona; u ntshuri, kutani u fanele ku tlhelela entshurini.”

Matewu 20:15

Xana a ndzi pfumeleriwi ku endla leswi ndzi swi rhandzaka hi swilo swa mina xana? Kumbe vunene bya mina bya ku vilerisa xana?’ ”

Pisalema 39:9

Sweswi ndzi ta timiyelela, a ndzi nga ha pfuli nomo, hikuva ntirho lowu i wa wena.

Timhaka 4:28

va hlangene ku endla hinkwaswo leswi u swi boheke khale, hi ntamu wa wena ni makungu ya wena, leswaku swi ta humelela.

Esaya 42:24

Xana loyi a nyiketeke va ka Yakobo emavokweni ya vaphanghi i mani xana? Ndzi ri i mani loyi a nyiketeke Vaisraele eka swigevenga, xana? A hi un'wana, loko a nga ri HOSI Xikwembu lexi hi xi dyoheleke, hi hambuka endleleni ya xona, hi ala ni ku yingisa milawu ya xona.

Pisalema 34:1

Ndzi ta tlangela HOSI Xikwembu minkarhi hinkwayo, ndzi nga ka ndzi nga tshiki ku xi dzunisa.

Ntirho 1:11

Kambe loko wo tlakusa voko ra wena, u khumba leswi a nga na swona, ú ta ku rhuketela erivaleni.”

1 SAMIELE 3:18

Hiloko Samiele a n'wi byela hinkwaswo, a nga n'wi fihleli nchumu. Kutani Heli a ku: “HOSI yi vulavurile, a yi endle leswi yi swi vonisaka swona.”

Genesa 45:5

Mi nga vileli, naswona mi nga tiveki nandzu, hi mhaka ya leswi mi ndzi xaviseke haleno: I Xikwembu lexi ndzi rhangiseke emahlweni ka n'wina, ndzi ta haleno leswaku ndzi ta ponisa vanhu.

Amosi 3:6

Xana loko ku biwa nyandayeyo emutini, vanhu va nga tshika ku tsemeka nhlana xana? Khombo rona, xana ri nga wela muti, loko ri nga rhumeriwanga hi HOSI ke?

Esaya 24:15

van'wana va huwelela va ri evuxeni, va tlangela ku dzuneka ka xona, eswihlaleni ku twala lava nkhensaka vito ra HOSI, xona Xikwembu xa Israele.

Eklesiasta 5:19

Xikwembu xi nga nyika munhu loyi rifuwo lero tala, xi n'wi pfumelela ku ri tirhisa, a nkhensa leswi a averiweke swona, a dya mihandzu ya ku tikarhata ka yena; hinkwaswo leswi, ú lo nyikiwa hi Xikwembu.

2 TIHOSI 20:19

Hiloko Hezekiya a ku ka Esaya: “Rito ra HOSI Xikwembu leri u ri vuleke, i rinene.” Embilwini ya yena, Hezekiya a a ku: “Nchumu hiloko ku nga va ni ku rhula ni ku hlayiseka, emasikwini ya ku hanya ka mina.”

1 TIHOSI 12:15

Hi ndlela leyi, hosi Rhobuwamu a nga yingisanga tiko. A ku ri ku rhandza ka HOSI Xikwembu leswaku timhaka ti fambisa xileswi: A xi lava ku hetisisa marito ya xona lawa xi ma fikiseke eka Yerobuwamu n'wana Nebati, hi nomo wa Ahiya wa le Xilo.

2 SAMIELE 16:12

Kumbexana HOSI Xikwembu xi ta vona ku xaniseka ka mina, xi ndzi nyika leswo saseka, ematshan'weni ya nhlambha leyi.”

Genesa 30:2

Kutani Yakobo a hlundzukela Rahele a ku ka yena: “Xana mina ndzi nga tirha ntirho lowu tirhiwaka hi Xikwembu xana? Hi xona xi endleke leswaku u nga kumi vana!”

Yakobo 5:11

Langutani, lava hi vulaka leswaku va katekile, hi lava va tiyiseleke. Mi twile ta ku tiyisela ka Yobo, nakona mi vonile leswi Hosi a yi kongomile swona, ni hilaha Hosi yi taleke musa ni tintswalo hakona.

Rhuti 1:21

Ndzi fambile endzalweni, kambe HOSI yi ndzi vuyisile ndzi ri hava nchumu emandleni. Mi ndzi vulela yini ‘Nahumi’, kasi HOSI yi ndzi tshikile, xona Xikwembu-xa-matimba-hinkwawo xi ndzi vangele maxangu.”

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

Nehemiya 9:5

Kutani Yexuwa, na Kadimiele, na Bani, na Haxabiniya, na Xerebiya, na Hodiya, na Xebaniya, na Petahiya, va ku: “Yimani mi dzunisa HOSI Xikwembu xa n'wina; xi dzuniseni hilaha ku nga heriki! Dzunisani vito ra xona leri dzunekaka, rona leri tlulaka swilo hinkwaswo leswi dzunisiwaka ni ku twarisiwa!”

Ntirho 9:12

Loko xi lava ku khoma xanchumu, xi nga siveriwa hi mani; i mani la nga xi vutisaka a ku: ‘U endlele yini sweswo ke?’

Pisalema 34:2

Ndzi ta tidzunisa hi xona, kutani vanhu lava tsongahatiwaka, va ta tsaka loko va ndzi twa.

Eklesiasta 5:14

Rifuwo rero ri dyiwa hinkwaro hi mabindzulele lama hoxekeke. N'wini wa rona a a ri ni n'wana, kambe n'wana loyi a nga ha kumi nchumu!