Ntirho 1:19 - BIBELE Mahungu Lamanene

¹⁹ kutani ku humelela bubutsa lerikulu ri ta hi le mananga, ri wisa makhumbi ya yindlu, yona yi khubumeta vana lava, kutani va fisa sweswo; ku lo pona mina ndzi ku tivisaka timhaka leti.”

Xitsonga (Bibele)

¹⁹ moya lowukulu wu huma hi le mananga, wu ba tinhla ta mune ta yindlu, yi wela ehenhla ka vona, yi va dlaya, ku pona mina ntsena ndzi ku byelaka.”

Ntirho 1:19 Referans Kwoze

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Timhaka 28:4

Loko vaaki va xihlale va vona nyoka leyi yi ri karhi yi lengalenga evokweni ra Pawulo, va byelana va ku: “Munhu loyi i mudlayi hakunene; hambiloko a ponile ematini, Tilo a ri nga pfumeri leswaku a hanya.”

1 TIHOSI 20:30

Lava poneke enyimpini, va tsutsumela eAfeka, ekhokholweni, kambe rirhangu ra muti ri wela vavanuna va 27 000 exikarhi ka lava a va ponile enyimpini. Loko a ri Bene-Hadada, na yena a tsutsuma, a ya tumbela ekhokholweni, endlwini ya le xikarhi.

2 SAMIELE 18:33

Kavaloko hosi Davhida a tlhaveka swinene, kutani a tlhandlukela endlwini leyi nga henhla ka nyangwa, a ri karhi a rila, a ku: “Yo n'wananga Abixalomu, n'wana wa mina, Abixalomu n'wananga! Ingi ku lo fa mina ematshan'wini ya wena! Yo Abixalomu n'wananga, n'wana wa mina!”

Vaavanyisi 16:30

Kutani a ku: “Swa antswa ndzi fa ni Vafilista.” Hiloko a susumeta hi matimba, kutani yindlu yi wela tihosi ta Vafilista, ni vanhu hinkwavo lava a va ri endzeni ka yona. Vanhu lava Samsoni a va dlayeke siku a faka, va tlula lava a va dlayeke enkarhini wa ku hanya ka yena.

Genesa 42:36

Kutani Yakobo tata va vona a ku: “Mi ndzi hetela vana: Yosefa a nga ha ri kona, na Simiyoni a nga ha ri kona. Namuntlha mi lava ku teka na Benjamini! Swilo leswi hinkwaswo swi ndzi heta matimba.”

Matewu 7:27

Mpfula yi na, maboboma ma ta, timheho ti hunga, swi ba yindlu yoleyo, kutani yi wa, ku wa ka yona ku va lokukulu.”

Ntirho 1:18

Loko nandza loyi a ha vulavula, ku fika un'wana, a ku: “Vana va wena va xinuna ni va xisati a va ri enkhubyeni, va ri karhi va dya swakudya va nwa ni vhinyo emutini wa hosi ya vona,

Ntirho 1:20

Kavaloko Yobo a suka a yima, a handzulela swiambalo swa yena, a byewula ni misisi, kutani a nkhinsama a khongela,