Nhlavutelo 1:9 - BIBELE Mahungu Lamanene

⁹ Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Testamente Leyimpsha Xichangana

⁹ Mina Yohani, ninga makwenu ni nakuloni maxangweni, ni le Mfun'wini, ni le kulehiseni ka mbilu ka Yesu Kriste, anili xihlaleni lexivuliwaka Patmosi, hi mhaka ya Rito ra Xikwembu ni kutiyisa vumboni bza Yesu.

Xitsonga (Bibele)

⁹ Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Nhlavutelo 1:9 Referans Kwoze

Nhlavutelo 3:10

Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Nhlavutelo 1:2

Hi ku rungula hinkwaswo leswi a swi voneke, Yohane ú veka vumbhoni ehenhla ka Rito leri humaka eka Xikwembu, ni le henhla ka ntiyiso wa leswi vuriwaka hi Yesu Kriste.

Nhlavutelo 13:10

Loyi ku khomiwa swi n'wi kongomeke, ú ta khomiwa hakunene; ni loyi ku dlayiwa hi tlhari swi n'wi kongomeke, ú ta dlayiwa hi tlhari hakunene.” Leswi swi vula leswaku vahlawuriwa va Xikwembu va fanele ku tiyisela, va va ni ku pfumela.

Vafilipiya 4:14

Hambiswiritano, mi endlile hi tintswalo, loko mi ndzi pfunile ku byarha maxangu ya mina.

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

2 Timotiya 1:8

Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

Varhoma 8:25

Kambe loko hi langutela leswi hi nga swi voniki, hi swi langutela hi ku tiyisela.

Nhlavutelo 14:12

Leswi swi lava leswaku vahlawuriwa va Xikwembu va tiyisela, va ri karhi va hlayisa milawu ya xona, ni ku pfumela ka vona eka Yesu.

Vaheveru 10:36

Swa fanela leswaku mi tiyisela, leswaku mi ta kota ku endla ku rhandza ka Xikwembu, mi ta amukela leswi xi nga mi tshembisa swona.

Vafilipiya 1:7

Hikokwalaho, ndzi kuma swi ndzi lulamele ku titwa hi ndlela leyi ehenhla ka n'wina hinkwenu, hikuva mi le mbilwini ya mina, sweswi ndzi nga ekhotsweni ku fana ni loko a ndza ha ntshunxekile ku lwela ni ku tiyisa Evhangeli, kutani n'wina hinkwenu mi averiwile nkateko wun'we na mina.

Nhlavutelo 11:7

Loko va heta ku vula vumbhoni bya vona, xivandzana lexi humaka hi le kheleni lero enta ku ya ni ku ya, xi lwa na vona. Xi va hlula, xi va dlaya.

Varhoma 8:17

Kutani leswi hi nga vana, naswona hi vadyandzhaka; hi vadyandzhaka va Xikwembu, ni vadyandzhaka swin'we na Kriste; leswi kunene hi xanisekaka na yena, swi vula leswaku hi ta kwetsimisiwa na yena.

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Nhlavutelo 12:17

Dragona yi kariha swinene hikwalaho ka wansati loyi, yi suka yi ya lwa ni va rixaka ra yena lava saleke, lava hlayisaka milawu ya Xikwembu ni ku humesa vumbhoni bya Yesu.

Nhlavutelo 6:9

Loko Xinyimpfana xi lemurile xilemo xa vuntlhanu, ndzi vona ehansi ka alitari mimoya ya lava a va dlayiwile hi mhaka ya ku twarisa Rito ra Xikwembu ni hikwalaho ka ku humesa vumbhoni bya vona.

Nhlavutelo 1:4

Mina Yohane ndzi tsalela tikereke ta 7 leti nge tikweni ra Asiya, ndzi ri: Tintswalo ni ku rhula a swi ve na n'wina, swi huma eka loyi a nga kona, loyi a a ri kona, loyi a taka; swi huma ni le ka mimoya ya 7 leyi nga mahlweni ka xiluvelo xa yena,

2 Vatesalonika 3:5

Ingi Hosi Xikwembu xi nga susumeta timbilu ta n'wina, leswaku mi xi rhandza, ni leswaku mi chivirikela Kriste.

Matewu 20:23

A ku ka vona: “Kunene mi ta nwela exinwelweni xa mina, kambe loko ku ri ku tshama evokweni ra mina ra xinene hambi ka lera ximatsi, a hi mina ndzi nga mi nyikaka swona, kambe swi ta va swa lava swi nga lunghiseriwa vona hi Tata wa mina.”

Marka 10:39

Va ku ka yena: “Hi nga swi kota.” Yesu a ku ka vona: “Kunene mi ta nwela exinwelweni lexi ndzi nwelaka eka xona, mi ta khuvuriwa hi ku khuvula loku ndzi khuvuriwaka ha kona;

Timhaka 1:15

Hi masiku walawo, Petro a yima enhlengeletanweni ya vamakwavo eHosini (lava nhlayo ya vona a yi lava ku va 120), kutani a ku:

2 Vakorinto 1:7

Kutani ku tshemba ka hina ehenhla ka n'wina ku tiyile swinene, hikuva hi tiva leswaku, leswi mi averiwaka mahlomulo man'we na hina, mi ta averiwa na kona ku chaveleriwa loku hi nga na kona.

1 Petro 5:1

Sweswi ke, ndzi khongotela vakulukumba lava nge xikarhi ka n'wina, leswi na mina ndzi nga un'wana wa vona; ndzi mbhoni ya ku vaviseka ka Kriste, ni loyi a tshembaka ku averiwa ku kwetsima loku nga ta humelela, kutani ndzi ri:

Nhlavutelo 1:1

Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Nhlavutelo 1:6

a hi endla tiko, ni ku va vaprista lava tirhelaka Xikwembu Tata wa yena, eka yena Kriste a ku ve ku dzuneka ni matimba, hilaha ku nga heriki! Amen.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.