Nhlavutelo 1:8 - BIBELE Mahungu Lamanene

⁸ “Hi mina Alfa na Omega”, ku vula Hosi Xikwembu, “loyi a nga kona, loyi a a ri kona, loyi a taka, Lowa-matimba-hinkwawo.”

Testamente Leyimpsha Xichangana

⁸ “Hi mina Alfa na Omega”, wosungula ni wa makumu, kuvula Hosi Xikwembu “lweyi anga kona, lweyi aali kona, lweyi angatata, lweyi wa matimba hinkwawu.”

Xitsonga (Bibele)

⁸ “Hi mina Alfa na Omega” (ku sungula ni ku hela), ku vula Hosi Xikwembu, Loyi a nga kona, Loyi a a ri kona, Loyi a taka, La nga ni matimba hinkwawo.

Nhlavutelo 1:8 Referans Kwoze

Esaya 44:6

HOSI Xikwembu mufumi wa Vaisraele ni muponisi wa vona, yona HOSI ya matimba hinkwawo, xi vurisa sweswo xi ri: “Hi mina loyi a a ri kona eku sunguleni, loyi a nga ta va kona hilaha ku nga heriki, ehandle ka mina a ku na xikwembu xin'wana.

Nhlavutelo 22:13

Hi mina Alfa na Omega, lowo rhanga ni lowo hetelela, ku sungula ni ku hela.”

Esaya 43:10

N'wina Vaisraele, mi timbhoni ta mina, ndzi mi hlawurile ku va malandza ya mina lama nga ta pfumela ni ku twisisa leswaku hi mina Loyi-a-nga-kona. Ehandle ka mina, a ku vanga na xikwembu xin'wana, naswona ku nge pfuki ku vile na xin'wana.

Esaya 48:12

“Ndzi yingiseni, n'wina va ka Yakobo, ndzi vula n'wina Vaisraele, lava ndzi va vitaneke. Hi mina Loyi-a-nga-kona, loyi a a ri kona eku sunguleni, loyi a nga ta va kona hilaha ku nga heriki.

Nhlavutelo 21:6

Kutani a ku ka mina: “Swi endlekile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika mati ntsena a nga hakeli, ma huma exihlobyeni xa mati ya vutomi.

Esaya 41:4

Xana i mani loyi a endleke leswaku swilo swi va hi ndlela leyi, xana? Loyi a vonaka leswaku vanhu va va kona emisaveni minkarhi hinkwayo, hi mina HOSI, loyi a a ri kona eku sunguleni, loyi a nga ta va kona eku heteleleni.

Nhlavutelo 1:4

Mina Yohane ndzi tsalela tikereke ta 7 leti nge tikweni ra Asiya, ndzi ri: Tintswalo ni ku rhula a swi ve na n'wina, swi huma eka loyi a nga kona, loyi a a ri kona, loyi a taka; swi huma ni le ka mimoya ya 7 leyi nga mahlweni ka xiluvelo xa yena,

Nhlavutelo 11:17

va ku: “We Hosi, Xikwembu xa matimba hinkwawo, wena loyi a nga kona, loyi a a ri kona, ha ku nkhensa, hikuva u tirhisile matimba lamakulu ya wena, kutani sweswi u sungurile ku fuma.

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Nhlavutelo 2:8

“Tsalela ni ntsumi ya kereke ya le Smirna, u ku: “ ‘Marito ya loyi a nga wo rhanga ni wo hetelela, loyi a feke a tlhela a pfuka, hi lawa:

Nhlavutelo 4:8

Xin'wana ni xin'wana xa swivumbiwa leswi hanyaka leswi swa mune, a xi ri ni timpapa ta 6 leti nga tala hi mahlo hinkwako, endzeni ni le handle. Kutani vusiku ni nhlekanhi swi yimbelela swi nga miyeli, swi ku: “Wa kwetsima, wa kwetsima, wa kwetsima, loyi a nga Hosi ya matimba hinkwawo, loyi a a ri kona, loyi a nga kona, loyi a taka.”

2 Vakorinto 6:18

Ndzi ta va tata wa n'wina, na n'wina mi va vana va mina va xinuna ni va xisati.” Hosi ya matimba hinkwawo yi vula sweswo.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Genesa 49:25

Xikwembu xa tata wa wena a xi ku pfune, Xikwembu-xa-matimba-hinkwawo a xi ku katekise, xi ku nisele minkateko yo huma etilweni, xi ku pfelerisela minkateko yo huma exidziveni lexikulu lexi naveke hansi ka misava xi ku nyika vatukulu lavotala ni swifuwo leswo tala.

Nhlavutelo 19:15

Enon'weni wa yena ku huma banga lero kariha, leri a nga ta tsema matiko ha rona, kutani ú ta ma fuma hi nhonga ya nsimbhi. Ú ta kandziyela xikamelo xa vhinya ya vukari lebyo chavisa bya Xikwembu lexi nga ni matimba hinkwawo.

Nhlavutelo 16:14

leyi i mimoya ya mademona leyi endlaka masingita, leyi rhendzelekaka hi tihosi ta misava hinkwayo, yi ti rhamba nyimpi, ku ya lwa ni Xikwembu xa matimba hinkwawo hi siku lerikulu ra kona.

Nhlavutelo 21:22

Tempele a ndzi yi vonanga emutini, hikuva Tempele ya wona, i Hosi Xikwembu xa matimba hinkwawo, ni Xinyimpfana.

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Nhlavutelo 1:11

ri ku: “Tsala leswi u swi vonaka, kutani u rhumela buku ya kona etikerekeni leti ta 7: Kereke ya le Efesa, ni ya le Smirna, ni ya le Pergamo, ni ya le Tiyatira, ni ya le Sarda, ni ya le Filadelfiya, ni ya le Lawodikiya.”

Genesa 35:11

Kutani Xikwembu xi ku: “Hi mina Xikwembu-xa-matimba-hinkwawo. Tswalanani mi andza, mi va tiko. Eka wena ku ta huma vanhu va matiko layo tala, hambi ti ri tihosi ti ta huma eka wena.

Genesa 28:3

Xikwembu-xa-matimba-hinkwawo a xi ku katekise, xi ku nyika vatukulu lavo tala swinene leswaku u va tata wa vanhu va ntsandza-vahlayi.

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Tinhlayo 24:4

Loyi a twaka leswi Xikwembu xi vulaka swona, ú vurisa sweswo; yena loyi Xikwembu-xa-matimba-hinkwawo xi n'wi kombaka xivono, loyi a xikeriwaka hi Moya a ri karhi a hanyanya, ú vurisa sweswo ú ri:

Genesa 43:14

Xikwembu-xa-matimba-hinkwawo a xi endle leswaku munhu loyi a mi tsetselela, a mi pfumelela ku vuya na makwenu lowun'wana, na Benjamini, kambe loko va lava ku ndzi dlayela vana, a va va dlaye!”

Genesa 48:3

Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa,

Eksoda 3:14

Kutani Xikwembu xi ku ka Muxe: “NDZI LOYI NDZI NGA YENA!” Xi engeta xi ku: “U ta ku ka vanhu va Israele: ‘La vuriwaka NDZI YENA, ú ndzi rhumile eka n'wina.’ ”

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Nhlavutelo 16:7

Kutani ndzi twa rito ri huma hi le alitarini ri ku: “Ina, we Hosi Xikwembu xa matimba hinkwawo, ku avanyisa ka wena ka tshembeka, ku lulamile.”

Nhlavutelo 19:6

Kutani ndzi twa leswi fanaka ni rito ra ntshungu lowukulu kumbe mpfumawulo wa mati layo tala, swi fana ni mpfumawulo wa ku baleka lokukulu ka tilo, swi ku: “Aleluya! Ku fuma i ka Hosi, Xikwembu xa hina lexi nga ni matimba hinkwawo.