Nhlavutelo 1:1 - BIBELE Mahungu Lamanene

¹ Leyi i nhlavutelo ya Yesu Kriste, leyi Xikwembu xi n'wi nyikeke yona, leswaku a ta komba malandza ya xona swilo leswi swi fanelaka ku humelela ku nga ri khale. Kriste ú tivisile swilo leswi hi ku rhumela ntsumi ya yena eka Yohane nandza wa yena.

Testamente Leyimpsha Xichangana

¹ Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.

Xitsonga (Bibele)

¹ Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

Nhlavutelo 1:1 Referans Kwoze

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

Nhlavutelo 22:6

Kutani ntsumi yi ku ka mina: “Marito lawa ma tshembekile, ma ni ntiyiso. Hosi Xikwembu, xona xi nyikaka vaprofeta eMoya wa xona, xi rhumele ntsumi ya xona ku komba malandza ya xona swilo leswi swi fanelaka ku humelela ku nga ri khale.”

Vagalatiya 1:12

A ndzi yi kumanga ka munhu ni un'we, ku hava na un'we loyi a ndzi dyondziseke yona. Yesu Kriste hi xiviri xa yena, hi yena loyi a nga yi hlavutela eka mina.

Amosi 3:7

Tivani leswaku HOSI N'wini wa hinkwaswo, a nga endli nchumu a nga rhanganga hi ku kombisa makungu ya yena eka vaprofeta malandza ya yena.

Vaefesa 3:3

hikuva xi hlavuterile xihundla xa makungu ya xona eka mina, xi ndzi tivisa xona. Ndzi tsarile mhaka leyi hi ku komisa,

Nhlavutelo 1:19

Hikokwalaho, tsala leswi u swi vonaka, swi nga leswi nga kona sweswi ni leswi nga ta humelela endzhaku ka swona.

Daniele 9:23

Enkarhini lowu u yiseke xirilo xa wena eka Xikwembu, Xikwembu xi humesile rito, kutani ndzi tele ku ta ku tivisa rona. Tiva leswaku Xikwembu xa ku tsakela swinene; hikokwalaho ringeta ku twisisa rito ra xona, u kuma nhlamuselo ya xivono.

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Yohane 3:32

Yena ú vula vumbhoni bya leswi a swi voneke ni ku swi twa, kambe a ku na loyi a amukelaka vumbhoni bya yena.

Daniele 9:21

kutani loko ndzi ri karhi ndzi khongerisa sweswo, ku humelela wanuna loyi va nge i Gabriele, loyi ndzi n'wi voneke eka xivono xa mina xo rhanga, a ta hi ku haha a fika kusuhi na mina. A wu ri nkarhi wa magandzelo ya madyambu,

Yohane 15:15

A ndza ha mi vuri malandza, hikuva nandza a nga tivi lexi n'wini wa yena a xi endlaka; kambe ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tata wa mina.

Daniele 8:16

Kutani ndzi twa un'wana la huwelelaka a ri enambyeni wa Ulayi, a ku: ‘We Gabriele, u nga hlamusela munhu yaloye exivono lexi a xi voneke!’

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Nhlavutelo 4:1

Endzhaku ka sweswo, ndzi langutile, kutani ndzi vona etilweni nyangwa leyi pfulekeke. Kutani rito leri ndzi nga ri twa eku sunguleni ri fana ni nanga loko ri vulavula na mina, ri engeta ri ku: “Tlhandluka u ta haleno, kutani ndzi ta ku komba leswi fanelaka ku humelela endzhaku ka leswi.”

Yohane 12:49

Hikuva a ndzi vulavulanga swo huma emiehleketweni ya mina, kambe Loyi a ndzi rhumeke, yena Tatana hi xiviri xa yena, ú ndzi lerisile leswi ndzi faneleke ku swi tivisa ni ku swi vula.

Yohane 8:26

Ndzi ni leswo tala leswi ndzi nga swi vulaka ni ku swi avanyisa ehenhla ka n'wina; kambe Loyi a ndzi rhumeke i ntiyiso wa xiviri; kutani leswi ndzi swi tweke eka yena, ndzi swi tivisa misava.”

Nhlavutelo 21:2

Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena.

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Yohane 17:8

hikuva ndzi va nyikile marito lawa u ndzi nyikeke wona; va ma amukerile, kutani va dyondzile hakunene leswaku ndzi huma eka wena, kutani va pfumerile leswaku ndzi rhumiwile hi wena.

Tito 1:1

Mina Pawulo, nandza xa Xikwembu ni muapostola wa Kriste Yesu, ndzi rhumiwile ku seketela ku pfumela ka vanhu lava hlawuriweke hi Xikwembu, ni ku va pfuna ku tiva ntiyiso lowu dyondzisiwaka hi vukhongeri bya hina,

Nhlavutelo 5:7

Xinyimpfana lexi xi ya xi ya teka buku leyi a yi ri evokweni ra xinene ra loyi a tshameke exiluvelweni.

Nhlavutelo 17:1

Kutani yin'wana ya tintsumi ta 7 leti a ti ri ni minkambana ya 7, yi ta yi ta ku ka mina: “Tana, ndzi ta ku komba hilaha muoswi lonkulu, la tshameke ehenhla ka mati layo tala, a nga ta avanyisiwa hakona,

Nhlavutelo 19:9

Kutani ntsumi yi ku ka mina: “Tsala leswi: Ku katekile lava rhambiweke ku ta lalela enkhubyeni wa vukati bya Xinyimpfana.” Kutani yi engeta yi ku ka mina: “Lawa i marito lama tiyeke ya Xikwembu.”

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Nhlavutelo 21:9

Kutani ku fika yin'wana ya tintsumi ta 7 leti nga ni minkambana ya 7, leyi teleke mintungu leyo hetelela; ntsumi yi vulavula na mina yi ku: “Tana, ndzi ta ku komba Mutekiwa, nsati wa Xinyimpfana.”

Nhlavutelo 22:1

Kutani ntsumi yi ndzi komba nambu wa mati ya vutomi lowu vangamaka ku fana ni “kristala”, wu khuluka wu huma exiluvelweni xa Xikwembu ni xa Xinyimpfana.

Nhlavutelo 22:8

Hi mina Yohane hi xiviri xa mina ndzi nga twa ni ku vona swilo leswi. Kutani loko ndzi swi twile ni ku swi vona, ndzi wa hi matsolo, ku ta gandzela emilengeni ya ntsumi leyi yi ndzi kombeke swona.

Nhlavutelo 22:9

Kambe yi ku ka mina: “U nga tshuki u endla sweswo! Mina ndzi nandza ntsena, kukota wena ni vamakwenu, va nga vaprofeta ni hinkwavo lava hlayisaka marito ya buku leyi. Gandzela Xikwembu!”