Nehemiya 9:8 - BIBELE Mahungu Lamanene

⁸ U vonile Abrahama a ri munhu la tshembekeke emahlweni ka wena, kutani u endla ntwanano na yena leswaku u ta nyika vatukulu va yena tiko ra Vakanana, ni Vahiti, ni Vaamori, ni Vaperesi, ni Vayebusi, ni Vagirigaxi. Xitshembiso xa wena, u xi hetisisile hikuva u lulamile.

Xitsonga (Bibele)

⁸ u n'wi kumile a ri ni mbilu leyi tshembekaka emahlweni ka wena, u endla ntwanano na yena ku n'wi nyika tiko ra Kanana, ni ra Vahiti ni ra Vaamori, ni ra Vaperesi ni ra Vayebusi, ni ra Vagirigaxi, leswaku u ri nyika vatukulu va yena; kunene u hetile rito ra wena, hikuva u lulamile.

Nehemiya 9:8 Referans Kwoze

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.

Genesa 15:6

Abrama a tshemba marito ya HOSI Xikwembu, kutani hikwalaho ka swona sweswo, Xikwembu xi n'wi vona a ri munhu la lulameke.

Yoxuwa 23:14

“Kutani sweswi, ndzi le kusuhi ni ku rhurha laha misaveni. Hinkwenu ma swi tiva etimbilwini ta n'wina ni le moyeni wa n'wina, leswaku ku hava ni xilo ni xin'we xa swilo hinkwaswo leswinene leswi HOSI Xikwembu xi tshembiseke swona, lexi xi nga humelelangiki. Hinkwaswo leswi xi tshembiseke swona swi hetisekile. A ku na xin'we lexi xi nga humelelangiki.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

Vaheveru 11:17

Hi ku pfumela, Abrahama, siku a ringiweke, ú nyiketile Isaka egandzelweni. Abrahama a a nyikiwile switshembiso, kutani a tiyimisela ku gandzela hi n'wana yoloyi un'we eka yena,

Tito 1:2

byi nga lebyi akiweke ehenhla ka ku tshemba vutomi lebyi nga heriki. Xikwembu lexi nga riki na ku hemba xi hi tshembisile vutomi lebyi minkarhi yi nga si va kona;

Timhaka 13:22

Loko Xikwembu xi n'wi susile, xi veka Davhida ku va hosi ya vona; hi yena loyi xi nga n'wi vula leswaku wa nkhenseka, loko xi te: ‘Ndzi kumile leswaku Davhida n'wana Yese, i munhu loyi a nga wa mbilu ya mina, hikuva ú ta endla hinkwaswo leswi ndzi swi rhandzaka.’

Yoxuwa 11:23

Hiloko Yoxuwa a teka tiko hinkwaro hilaha HOSI Xikwembu xi leriseke Muxe hakona. Kutani Yoxuwa a ri nyika Vaisraele hi ku ya hi tinyimba ta vona, leswaku yi va ndzhaka ya vona. Kutani ku va ni ku rhula etikweni.

Yoxuwa 11:3

A va rhuma ni le ka Vakanana lava a va tshama evuxeni ni le vupeladyambu; ni le ka Vaamori, ni Vahiti, ni Vaperesi, ni Vayebusi lava a va tshama emagangeni, ni le ka Vahivhi lava a va tshama ehansi ka ntshava ya Hermoni etikweni ra Mispa.

Yoxuwa 9:1

Timhaka leti ti fikile etindleveni ta tihosi hinkwato ta Vahiti, ni Vaamori, ni Vakanana, ni Vaperesi, ni Vahivhi ni Vayebusi, leti a ti tshama emagangeni ni le timbaleni hi tlhelo ra vupeladyambu bya nambu wa Yordani, ku lulama ni Lwandle ra Mediteraniya ku ya fika etintshaveni ta Lebanoni.

Duteronoma 26:3

Loko mi fika kona, mi ta ya eka muprista loyi a nga ta va a ri entirhweni enkarhini wolowo, mi ku ka yena: ‘Namuntlha hi ta hi ta vikela HOSI Xikwembu xa wena leswaku hi fikile etikweni leri xi hlambanyeleke vatatana leswaku xi ta hi nyika rona.’

Duteronoma 9:5

Loko mi kota ku nghena etikweni leriya, mi ri teka ri va ra n'wina, a hi mhaka ya leswaku mi vanhu lavanene, lava endleke leswi lulameke, e-e! HOSI Xikwembu xa n'wina xi ta hlongola vanhu lava va suka emahlweni ka n'wina hi mhaka ya leswi va hombolokeke; hi mukhuva wolowo, xi ta tiyisa ku hlambanya ka xona eka vatata wa n'wina Abrahama na Isaka na Yakobo.

Duteronoma 7:1

“Loko HOSI Xikwembu xa n'wina xi mi fikisa etikweni leri mi yaka eka rona ku ya ri teka ri va ra n'wina, xi ta hlongola vanhu lava va mi tlulaka hi ku tala ni ku tiya va suka emahlweni ka n'wina, ti nga tinxaka leti ta 7: Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi.

Tinhlayo 23:19

Xikwembu a hi munhu, xana xi nga hemba ke? A hi n'wana wa munhu, xana xi nga tlhela emakungwini ya xona ke? Xana xi nga vula xanchumu, kutani xi nga xi endli xana? Kumbe xana xi nga tshembisa xanchumu, kutani xi nga hetisi xitshembiso xa xona xana?

Eksoda 3:17

Kutani ndzi tshembisa leswaku ndzi ta va humesa emaxangwini ya Egipta, ndzi va yisa etikweni ra Vakanana, ni Vahiti, ni Vaamori, ni Vaperesi, ni Vayebusi, ri nga tiko leri khulukaka ntswamba ni vulombe.

Eksoda 3:8

Hikokwalaho, ndzi rhelerile ku ta va lamulela emavokweni ya Vaegipta, ndzi va humesa etikweni leriya, ndzi va yisa etikweni lero nona, leri anameke, tiko leri khulukaka ntswamba ni vulombe, ku nga laha ku akeke Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Genesa 22:12

Yi ku ka yena: “N'wana yoloye u nga tshuki u n'wi endla nchumu, ni ku n'wi khumba u nga n'wi khumbi. Sweswi ndza swi tiva leswaku wa xi chava Xikwembu, hikuva a wu alanga ku xi nyika n'wana wa wena loyi a ngo va un'we.”

Pisalema 116:5

HOSI Xikwembu xa hina xi ni vunene, xi tsetselela vanhu, xi va twela vusiwana,

Tinhlayo 13:29

Hi vonile ni Vaamaleke lava akeke edzongeni, ni Vahiti, ni Vayebusi, ni Vaamori lava akeke emagangeni ya tiko, ni Vakanana lava akeke kusuhi ni lwandle ni le tindhawini leti lulamaka ni nambu wa Yordani.”

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

2 SAMIELE 22:31

“Tindlela ta Xikwembu ti hetisekile; leswi HOSI yi swi vulaka swi kumeka swi tiyile; hi yona xitlhangu xa hinkwavo lava chavelaka eka yona.

1 TIKRONIKA 1:14

ni Vayebusi, ni Vaamori, ni Vagirigaxi,

1 TIKRONIKA 16:16

Xi anakanya hilaha xi tiboheke hakona eka Abrahama, ni leswi xi swi tshembiseke Isaka.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Nehemiya 9:33

Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Ezekiele 33:24

“Wena Ezekiele, tiva leswaku lava saleke marhumbini etikweni ra Israele, va tshamela ku vula va ku: ‘Abrahama a a ri yexe loko a nyikiwa tiko leri ri va ra yena. Kutani hina hi tele, swo fanela leswaku hi nyikiwa tiko leri ri va ra hina!’