Nehemiya 9:4 - BIBELE Mahungu Lamanene

⁴ A ku ri ni mapulangi lawa a ma beleriwile leswaku Valevhi va ta yima eka wona. Ehenhla ka wona a ku ri na Yexuwa, na Bani, na Kadimiele, na Xebaniya, na Buni, na Xerebiya, na Bani, na Kenani. Valevhi lava a va khongela HOSI Xikwembu xa vona hi rito leri tlakukeke.

Xitsonga (Bibele)

⁴ Kutani Yexuwa, Bani, Kadimiele, Xebaniya, Buni, Xerebiya, Bani, na Kenani, va yima etshaleni ra Valevhi, va huwelela eka Yehovha, Xikwembu xa vona, hi rito lerikulu.

Nehemiya 9:4 Referans Kwoze

Nehemiya 8:7

Loko vanhu hinkwavo va ha ri etindhawini ta vona, ku vile ni Valevhi lava va va hlamuseleke Nawu leswaku va ta wu twisisa, va nga lava: Yexuwa, na Bani, na Xerebiya, na Yamini, na Akubu, na Xabetayi, na Hodiya, na Maaseya, na Kelita, na Azariya, na Yozabadi, na Hanani, na Pedaya.

Nehemiya 12:8

Valevhi lava vuyeke hi le vukhumbini hi lava: Yexuwa, na Binuyi, na Kadimiele, na Xerebiya, na Yuda, na Mataniya. Mataniya ni va ka vona a va suma tinsimu ta minkhenso.

Nehemiya 9:5

Kutani Yexuwa, na Kadimiele, na Bani, na Haxabiniya, na Xerebiya, na Hodiya, na Xebaniya, na Petahiya, va ku: “Yimani mi dzunisa HOSI Xikwembu xa n'wina; xi dzuniseni hilaha ku nga heriki! Dzunisani vito ra xona leri dzunekaka, rona leri tlulaka swilo hinkwaswo leswi dzunisiwaka ni ku twarisiwa!”

2 TIKRONIKA 20:19

Kutani Valevhi va mindyangu ya ka Kohata ni ya ka Kora va sungula ku dzunisa HOSI, Xikwembu xa Israele, hi rito leri tlakukeke swinene.

Timhaka 7:60

Kutani a nkhinsama, a huwelela hi rito ro tlakuka, a ku: “Hosi, u nga va hlayeli ku dyoha loku.” Kuteloko a vurile sweswo, a fa.

Yohane 11:43

Kuteloko a vurile sweswo, a huwelela hi rito leri tlakukeke, a ku: “Lazaro, humela handle!”

Swirilo 3:8

Hambiloko ndzi huwelela ndzi kombela ku pfuniwa, a nga yingisi xikhongelo xa mina.

Pisalema 130:1

We HOSI, ndzi huwelela eka wena ndzi ri ekheleni leri enteke; ndzi yingise, we N'wini wanga.

Pisalema 77:1

Ndzi huwelela eka Xikwembu hi rito leri tlakukeke; ndzi huwelela eka xona, hikuva xi ta ndzi yingisa.

Pisalema 3:4

Ndzi tlakusa rito ndzi huwelela eka HOSI, kutani yi ndzi hlamula yi ri entshaveni ya yona leyo hlawuleka.

Nehemiya 3:17

Ekusuhi na Nehemiya, a ku tirha Valevhi lava: Rehumi n'wana Bani, ku landza Haxabiya ndhuna ya hafu yin'wana ya xifundzha xa Keyila; a a yimela vanhu va yena.

Nehemiya 8:4

Ezra mutsari a a yimile ehenhla ka vuhiri bya mapulangi lebyi a byi endleriwile ntirho lowu. Evokweni ra yena ra xinene a ku yimile Matitiya, na Xema, na Anaya, na Uriya, na Hilkiya, na Maaseya, kasi evokweni ra yena ra ximatsi a ku yime Pedaya, na Mixaele, na Malkiya, na Haxumu, na Haxibadana, na Zakariya, na Mexulama.