Nehemiya 9:37 - BIBELE Mahungu Lamanene

³⁷ Mihandzu ya tiko leri yi tekiwa hi tihosi leti u ti vekeke leswaku ti hi fuma hikwalaho ka swidyoho swa hina. Tihosi leti, ti ni matimba ni le henhla ka hina ni swifuwo swa hina, ti endla hi ku rhandza, kutani hina hi le khombyeni lerikulu.

Xitsonga (Bibele)

³⁷ ku nona ka rona ku talele tihosi leti u ti vekeke ku hi fuma hikwalaho ka swidyoho swa hina, va ni matimba ehenhla ka hina, ni miri wa hina, ni tihomu ta hina, hinkwako, hilaha va swi rhandzaka hakona, kutani hina hi le khombyeni lerikulu!”

Nehemiya 9:37 Referans Kwoze

Duteronoma 28:33

Swa le masin'wini ya n'wina ni mihandzu ya nyuku wa n'wina, swi ta dyiwa hi vanhu lava mi nga va tiviki. Vutomi bya n'wina hinkwabyo mi ta va eku xanisekeni, mi tshikeleriwa,

Duteronoma 28:48

hikokwalaho mi ta tirhela valala va n'wina lava HOSI Xikwembu xi nga ta va rhumela ku lwa na n'wina. Mi ta fa hi ndlala, ni torha, ni vusweti, mi pfumala hinkwaswo; xi ta mi tlhandleka joko ra nsimbhi xi kondza xi mi herisela makumu.

Ezra 7:24

Hi mi tivisa ni leswaku mi ta va ni nandzu loko mo lava ndzuvo kumbe xibalo eka vaprista, ni varindzi va le nyangweni, ni malandza lama tirhaka eTempeleni kumbe malandza man'wana ya le ndlwini ya Xikwembu.

Yohane 8:33

Va n'wi hlamula va ku: “Hi vatukulu va Abrahama; a hi si va mahlonga ya munhu ni siku ni rin'we. Xana u nga vurisa ku yini u ku: ‘Mi ta va lava ntshunxiweke’ xana?”

Nehemiya 5:8

ndzi ku: “Hina hi ringetile hi matimba ku tlhela hi xava Vayuda va ka hina lava a va xaviseriwile vamatiko, kambe n'wina ma ha va xavisa leswaku hi ta tlhela hi xaviseriwa vona!” Kutani va miyela, va nga tivi leswaku va nga hlamula yini.

Ezra 6:8

Mina ndzi veka nawu hi tlhelo ra leswi mi fanelaka ku swi endlela vakulukumba va Vayuda eku pfuxeni ka yindlu ya Xikwembu: Hatlisani mi va nyika hinkwaswo leswi va nga ta swi lava, mi swi xava hi mali ya ndzuvo leyi nga nkwameni wa tiko, kwale xifundzheni xa vupeladyambu bya Yufrata.

Ezra 4:13

We hosi, swi tive leswaku loko va nga kota ku heta rirhangu ra muti lowu, a va nga ha humesi xibalo kumbe ndzuvo, kutani tiko a ri nga ha vi ni xuma xo ringana.

Duteronoma 28:51

Va ta dya leswi tswariweke hi swifuwo swa n'wina, va dya ni ntshovelo wa masimu ya n'wina, mi kondza mi herisiwa. Va ta mi tekela hinkwaswo: Mavele, ni vhinyo, ni mafurha, ni leswi velekiweke hi swifuwo swa n'wina leswikulu ni leswitsongo, va ko va mi lovisa.

Duteronoma 28:39

Mi ta byala vhinya mi tlhela mi hlakulela, kambe mihandzu ya kona a mi nga dyi, hambi ku nwa vhinyo ya kona a mi nga nwi, hikuva swivungu swi ta va swi dyile.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Swirilo 5:5

Vaxanisi va hina va hi tshikelela, va hi khayima; hambi hi karhele, a va hi wisisi.