Nehemiya 9:35 - BIBELE Mahungu Lamanene

³⁵ A va ku tirhelanga hambi ku ri enkarhini lowu a va fumiwa hi tihosi ta vona, ni loko u va kombisile tintswalo letikulu etikweni lerikulu ro saseka leri u va nyikeke rona; naswona, a va hundzukanga emintirhweni ya vona leyo homboloka.

Xitsonga (Bibele)

³⁵ Kambe eku fumeni ka vona, hambi u va pfunile hi vunene byo tala, u va nyikile tiko lerikulu leri velekaka, a va ku tirhelanga a va fularhelanga mitirho leyo biha ya vona,

Nehemiya 9:35 Referans Kwoze

Duteronoma 28:47

“HOSI Xikwembu xa n'wina xi mi katekisile hi swilo leswo tala, kambe a mi xi tirhelanga hi timbilu leto basa leti tsakeke;

Yeremiya 5:19

Loko va ku vutisa we Yeremiya va ku: ‘Hikwalaho ka yini HOSI Xikwembu xa hina xi hi vangela makhombo lawa hinkwawo ke?’ u ta va hlamula u ku: ‘Hi leswi mi xi tshikeke, mi tirhela swikwembu swimbe etikweni ra n'wina. Hikokwalaho mi ta tirhela vanhu vambe etikweni leri nga riki ra n'wina!’ ”

Nehemiya 9:25

Va tekile miti leyi biyeleriweke hi rirhangu yi va ya vona, va teka ni tiko lero saseka, ni tindlu leti teleke hi swilo hinkwaswo leswinene; va teka ni swihlovo leswi kovotliweke emaribyeni, ni masimu ya vhinya, ni mintanga ya mirhi ya mitlhwari, ni ya mirhi ya mihandzu ya tinxaka-xaka. Kutani va dya va xurha, va nyuhela; va tiphinile hikwalaho ka tintswalo ta wena letikulu.

Duteronoma 31:21

Hambiloko ndzi nga si va fikisa etikweni leri ndzi hlambanyeke leswaku ndzi ta va nyika rona, ndza ma tiva makungu lawa va nga na wona etimbilwini ta vona. Hikokwalaho, loko va humelela hi leswo biha ni makhombo layo tala, risimu leri ri ta va mbhoni leyi nga ta kanetana na vona, hikuva a ri nga rivariwi, hambi va ri vatukulu va vona va ta ri tiva swinene.”

Nehemiya 9:34

Tihosi ta hina, ni varhangeri va hina, ni vaprista va hina, ni vatata wa hina, a va hlayisanga nawu wa wena, hambi swi ri swileriso ni switsundzuxo swa wena leswi u va nyikeke swona, a va swi yingisanga.

Esaya 63:7

Ndzi nga ka ndzi nga rivali rirhandzu ro tshembeka ra HOSI Xikwembu, ni mintirho ya xona leyi dzunekaka; ndzi ta anakanya hinkwaswo leswi xi nga hi endlela swona, hina Vaisraele, ni vunene lebyikulu lebyi xi nga hi komba byona, endzalweni ya musa wa xona ni tintswalo ta xona.

Duteronoma 28:48

hikokwalaho mi ta tirhela valala va n'wina lava HOSI Xikwembu xi nga ta va rhumela ku lwa na n'wina. Mi ta fa hi ndlala, ni torha, ni vusweti, mi pfumala hinkwaswo; xi ta mi tlhandleka joko ra nsimbhi xi kondza xi mi herisela makumu.

Ezekiele 5:6

Vaaki va muti lowu va arile ku yingisa swiletelo swa mina ni milawu ya mina; va endlile leswo homboloka ku tlula vamatiko hinkwavo lava va akelaneke na vona; hakunene Vaisraele va cukumetile swiletelo swa mina ni milawu ya mina, va ala ku swi yingisa.