Nehemiya 9:34 - BIBELE Mahungu Lamanene

³⁴ Tihosi ta hina, ni varhangeri va hina, ni vaprista va hina, ni vatata wa hina, a va hlayisanga nawu wa wena, hambi swi ri swileriso ni switsundzuxo swa wena leswi u va nyikeke swona, a va swi yingisanga.

Xitsonga (Bibele)

³⁴ Tihosi ta hina, ni vakulu va hina, ni vaprista va hina, ni vatata wa hina a va endlanga hi nawu wa wena, a va tsundzukangi ku lerisa ka wena ni milawu ya wena, hilaha u endleke vumbhoni exikarhi ka vona hakona.

Nehemiya 9:34 Referans Kwoze

Yeremiya 29:19

Mhaka hileswaku a va lavanga ku amukela marito lawa ndzi va rhumeleke wona minkarhi hinkwayo, hi milomo ya vaprofeta malandza ya mina. Hakunene va arile ku ma yingisa; ndzi vula sweswo mina HOSI.

2 TIHOSI 17:13

Kasi HOSI Xikwembu a xi tsundzuxile vanhu va Israele ni va Yuda, hi nomo wa vaprofeta ni wa varhumiwa va xona hinkwavo, xi ku: “Fularhelani mahanyelo ya n'wina layo biha, mi hlayisa swileriso swa mina ni milawu ya mina, hi ku landza Nawu lowu ndzi wu leriseke vakokwa wa n'wina, lowu ndzi mi rhumeleke wona hi nomo wa vaprofeta malandza ya mina.”

Duteronoma 31:21

Hambiloko ndzi nga si va fikisa etikweni leri ndzi hlambanyeke leswaku ndzi ta va nyika rona, ndza ma tiva makungu lawa va nga na wona etimbilwini ta vona. Hikokwalaho, loko va humelela hi leswo biha ni makhombo layo tala, risimu leri ri ta va mbhoni leyi nga ta kanetana na vona, hikuva a ri nga rivariwi, hambi va ri vatukulu va vona va ta ri tiva swinene.”

Nehemiya 9:30

Emalembeni lawa yo tala, u va lehiserile mbilu, u va tsundzuxa hi Moya wa wena, hi milomo ya vaprofeta, kambe a va yingisanga, kutani u va nyiketa emavokweni ya vamatiko.

2 TIHOSI 17:15

Va tshikile milawu ya xona, ni ntwanano lowu a xi wu endlile ni vakokwa wa vona, ni switsundzuxo swa xona loko xi va laya. Va gandzerile swikwembu swa hava, kutani na vona va hundzukile vanhu va hava; naswona, va hanyile tanihi vamatiko lava akelaneke na vona; kasi HOSI Xikwembu a xi va lerisile leswaku va nga tshuki va landza mikhuva ya vamatiko.

Nehemiya 9:33

Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Nehemiya 9:35

A va ku tirhelanga hambi ku ri enkarhini lowu a va fumiwa hi tihosi ta vona, ni loko u va kombisile tintswalo letikulu etikweni lerikulu ro saseka leri u va nyikeke rona; naswona, a va hundzukanga emintirhweni ya vona leyo homboloka.

Yeremiya 44:17

Hina hi ta endla hinkwaswo leswi hi tiboheke ku swi endla: Hi ta hisa mirhi ya risuna hi humesela xikwembu lexi va nge i ‘Nkosikazi-ya-le-Matilweni’, hi xi humesela ni magandzelo ya swakunwa. Khale a hi endla sweswo emitini ya Yuda ni le magondzweni ya Yerusalema, hi ri ni vatata wa hina ni tihosi ta hina ni tindhuna ta hina. Eminkarhini ya kona a hi kuma swakudya swo tala, hi kateka, hi nga voni nchumu xo biha.

2 TIKRONIKA 29:6

Hakunene, vatata wa hina a va nga tshembeki: Va endlile leswo homboloka emahlweni ka HOSI Xikwembu xa hina, va xi tshika, va nga ha tsakeli vutshamo bya xona lebyi, va byi fularhela.

Ezra 9:10

“Kutani we Xikwembu xa hina, ha ha ta vula yini loko ku humelele leswi xana? Hi tlurile swileriso swa wena,

Yeremiya 44:4

Minkarhi hinkwayo ndzi mi rhumerile vaprofeta malandza ya mina, kutani vona va mi tsundzuxile leswaku mi nga tshuki mi endla swilo leswi swa manyala, hikuva mina HOSI ndza swi venga.

Ezekiele 5:6

Vaaki va muti lowu va arile ku yingisa swiletelo swa mina ni milawu ya mina; va endlile leswo homboloka ku tlula vamatiko hinkwavo lava va akelaneke na vona; hakunene Vaisraele va cukumetile swiletelo swa mina ni milawu ya mina, va ala ku swi yingisa.

Daniele 9:6

Vaprofeta va nga malandza ya wena, va vulavurile hi vito ra wena, va khongotela tihosi ta ka hina, ni tindhuna ta kona, ni vatata wa hina, ni vanhu hinkwavo, kambe a hi va yingisanga.