Nehemiya 9:33 - BIBELE Mahungu Lamanene

³³ Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Xitsonga (Bibele)

³³ Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Nehemiya 9:33 Referans Kwoze

Pisalema 106:6

Hi dyohile kukota vatata wa hina, hi onhile, hi endlile leswo biha.

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Pisalema 145:17

Tindlela ta HOSI Xikwembu hi leto lulama hinkwato, rirhandzu ra xona ra vonaka emintirhweni ya xona hinkwayo.

Pisalema 119:137

We HOSI, u lulamile, ni swiboho swa wena a hi ku lulama ka swona!

Ntirho 34:23

“Xikwembu xi nge vekeriwi nkarhi wo yisa munhu eku avanyisiweni.

Ntirho 33:27

Ú ta suma risimu, a tivisa vanhu a ku: ‘A ndzi dyohile ndzi tshika leswi lulameke, kambe Xikwembu a xi ndzi tshikanga.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Nehemiya 9:34

Tihosi ta hina, ni varhangeri va hina, ni vaprista va hina, ni vatata wa hina, a va hlayisanga nawu wa wena, hambi swi ri swileriso ni switsundzuxo swa wena leswi u va nyikeke swona, a va swi yingisanga.

Yeremiya 44:3

hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Eksoda 32:31

Kutani Muxe a tlhelela eka HOSI Xikwembu, a fika a ku: “Oho, vanhu lava va endlile xidyoho lexikulu ngopfu! Va tivumberile xikwembu xa nsuku!

Nehemiya 9:8

U vonile Abrahama a ri munhu la tshembekeke emahlweni ka wena, kutani u endla ntwanano na yena leswaku u ta nyika vatukulu va yena tiko ra Vakanana, ni Vahiti, ni Vaamori, ni Vaperesi, ni Vayebusi, ni Vagirigaxi. Xitshembiso xa wena, u xi hetisisile hikuva u lulamile.

Ezekiele 11:12

Hi kona mi nga ta tiva leswaku mina ndzi HOSI, Xikwembu lexi mi aleke ku yingisa milawu ni swiletelo swa xona! A mi swi hlayisanga, kambe mi hlayisile swiletelo swa vamatiko lava mi akelaneke na vona.”