Nehemiya 9:28 - BIBELE Mahungu Lamanene

²⁸ Kambe endzhaku ka loko u va wisisile ku xaniseka, va tlhele va ku dyohela, kutani u va nyiketa kambe emavokweni ya valala va vona leswaku va va fuma. Hambiswiritano loko va hundzukele eka wena va tisola, u yingisile swirilo swa vona u ri etilweni; eka minkarhi leyo tala u va ponisile hikwalaho ka tintswalo ta wena.

Xitsonga (Bibele)

²⁸ Kuteloko va wisile va tlhela va sungula ku endla swo biha emahlweni ka wena, na wena u va nyiketa emavokweni ya valala va vona, va va fuma; kutani va tlhela va huwelela ka wena, na wena u va yingisa u ri ematilweni, kutani hi ku tsetselela ka wena, u va ponisile ha kangani.

Nehemiya 9:28 Referans Kwoze

Vaavanyisi 5:31

“Wena HOSI Xikwembu, valala va wena a va lovise sweswo, kambe lava va ku rhandzaka a va ve ni ntamu ku fana ni dyambu loko ri tlhava.” Kutani ku va ni ku rhula etikweni ku ringana malembe ya 40.

1 TIHOSI 8:39

va yingise, wena HOSI, u ri evutshan'wini bya wena ematilweni, u va rivalela, u tlherisela un'wana ni un'wana wa vona hi ku ya hi mahanyelo ya yena ni makungu ya mbilu ya yena, hikuva hi wena ntsena u tivaka timbilu ta vanhu.

Vaavanyisi 4:1

Loko Ehudi a lovile, Vaisraele va engeta va endla leswo biha emahlweni ka HOSI Xikwembu.

Vaavanyisi 3:30

Hi siku rero, Vaisraele va hlula Vamowabu, kutani ku va ni ku rhula etikweni ku ringana malembe ya 80.

Esaya 63:15

“We HOSI, hi langute u ri ematilweni laha u tshamaka kona, exivandleni xa wena lexo kwetsima, xo saseka. Xana ku hiseka ka wena ni matimba ya wena, swi kwihi ke? Xana u alela yini ku hi twela vusiwana, u hi komba tintswalo, xana?

Pisalema 136:24

kutani a hi lamulela eka valala va hina. — Rirhandzu ra yena hi leri nga heriki —

Vaavanyisi 2:19

Kambe loko muavanyisi wa vona a fa, Vaisraele a va tlhelela endzhaku, va hanya hi ndlela yo biha ku tlula ni ya vatata wa vona, va landzelela swikwembu swin'wana, va swi tirhela ni ku swi nkhinsamela. A va tshikanga mahanyelo ya vona ni ku tinonon'hwisa ka vona.

Pisalema 106:42

Vaisraele va xanisiwile ngopfu hi valala va vona, va hundzuka mahlonga ya vona.