Nehemiya 9:27 - BIBELE Mahungu Lamanene

²⁷ Kutani wena u va nyiketile emavokweni ya valala va vona va va xanisa. Loko va ri eku xanisekeni, va huwelerile eka wena, kutani wena u twile xirilo xa vona u ri etilweni. Hikwalaho ka tintswalo ta wena letikulu u va rhumerile valamuleri, va va ponisa emavokweni ya valala va vona.

Xitsonga (Bibele)

²⁷ Hikwalaho u va nyiketeke emavokweni ya valala va vona, va va xanisa. Emikarhini ya ku xanisiwa ka vona, va huwelela ka wena, kutani wena u va yingisile u ri ematilweni, hi mitsetselelo ya wena yo tala u va nyikile valamuleri va va lamulela emavokweni ya valala va vona.

Nehemiya 9:27 Referans Kwoze

2 TIHOSI 14:27

HOSI Xikwembu a xi nga vulanga leswaku xi lava ku herisa vito ra Israele ehansi ka dyambu, hikokwalaho xi tirhisile Yerobuwamu n'wana Yowasi ku va lamulela.

2 TIHOSI 13:5

Hikokwalaho, HOSI Xikwembu xi rhumela Vaisraele munhu loyi a va lamulelaka. Vaisraele va ntshunxiwa eka Vasiriya, kutani va tshama hi ku rhula emakaya ya vona, ku fana ni khale.

2 TIKRONIKA 36:17

HOSI Xikwembu xi lerisa hosi ya Vakalediya leswaku yi hlasela va le Yuda. Kutani Vakalediya va dlaya majaha ya le Yuda exivandleni lexo hlawuleka, va dlaya ni vanhwana ni vavanuna ni lava dyuhaleke, va nga tsetseleri na un'we wa vona.

Vaavanyisi 2:18

Minkarhi hinkwayo loko HOSI Xikwembu xi nyika Vaisraele vaavanyisi, a xi yima ni vaavanyisi lava xi va tirhisa ku ponisa Vaisraele emavokweni ya valala va vona, hikuva a xi twela Vaisraele vusiwana eku konyeni ka vona, loko va xanisiwa ni ku tshikeleriwa hi valala va vona.

Obadiya 1:21

Valamuleri va ta tlhandlukela entshaveni ya Siyoni, leswaku va fuma va le ntshaveni ya Esawu. HOSI Xikwembu hi xiviri, hi xona xi nga ta va hosi.

Nehemiya 9:19

Hambiswiritano wena a wu va tshikanga emananga, hikuva u tele ku twela vusiwana; papa leri a ri nembelela ninhlekanhi ri va komba ndlela a ri sukanga emahlweni ka vona, hambi wu ri ndzilo lowu a wu pfurha nivusiku wu va voningela ndlela leyi a va fanele ku famba ha yona, a wu sukanga.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

2 TIHOSI 17:20

Kutani HOSI Xikwembu xi tshikile rixaka hinkwaro ra Vaisraele, xi va tsongahata hi ku va nyiketa emavokweni ya vaonhi, xi kondza xi va cukumeta kule na xona.

2 TIHOSI 17:39

kambe mi ta khongela mina ntsena HOSI Xikwembu xa n'wina, hikuva hi mina loyi a nga ta mi ntshunxa emavokweni ya valala va n'wina.”

Pisalema 136:24

kutani a hi lamulela eka valala va hina. — Rirhandzu ra yena hi leri nga heriki —