Nehemiya 9:26 - BIBELE Mahungu Lamanene

²⁶ “Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Xitsonga (Bibele)

²⁶ “Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Nehemiya 9:26 Referans Kwoze

1 TIHOSI 14:9

Kasi wena u endlile leswo biha ku tlula hinkwavo lava nga rhanga va va tihosi. U sukile u ya tiendlela swikwembu swimbe, ni ku tivumbela swifaniso swa swona hi koporo leyi n'okisiweke, kutani u ndzi hlundzukisile ngopfu, u engetela hi ku ndzi fularhela.

Nehemiya 9:18

Vanhu lava, va ku rhuketerile swinene hi ku tivumbela xifaniso xa rhole, kutani va ku: ‘Hi lexi Xikwembu xa n'wina lexi xi mi humeseke etikweni ra Egipta!’

Timhaka 7:52

Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

1 TIHOSI 19:10

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena, kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ku lo sala mina ntsena, kutani na mina va lava ku ndzi dlaya.”

1 TIHOSI 18:4

Loko Yezabele a ri karhi a dlaya vaprofeta va HOSI Xikwembu, Obadiya a a tekile dzana ra vaprofeta lava, a ya va tumbeta emabakweni mambirhi, a nghenisa 50 eka rin'we, na 50 eka lerin'wana, a va nyika swakudya ni mati.)

Matewu 21:35

Kutani vatirhi va khoma malandza lawa, va ba un'wana, un'wana va n'wi dlaya, un'wana va n'wi khandla hi maribye.

Ezekiele 20:21

Kambe vana lava, na vona va tiarisile, a va hlayisanga milawu ya mina, va bakanyile ni swiletelo swa mina leswi a va ta hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va ba ndzi hlundzukile loko va ha ri emananga.

Pisalema 50:17

hikuva a mi lavi ku tshinyiwa, ni marito ya mina mi ma ba hi makatla!

Nehemiya 9:30

Emalembeni lawa yo tala, u va lehiserile mbilu, u va tsundzuxa hi Moya wa wena, hi milomo ya vaprofeta, kambe a va yingisanga, kutani u va nyiketa emavokweni ya vamatiko.

2 TIKRONIKA 36:16

Kambe vanhu va kona va yile emahlweni va sandza malandza ya Xikwembu, va ala ku amukela marito ya xona, va hlekula vaprofeta va xona, ku kondza HOSI Xikwembu xi chululela vukari bya xona ehenhla ka vona, ku pfumaleka ni loyi a ponaka eka byona.

2 TIHOSI 21:11

“Manase hosi ya Yuda ú endlile manyala lama nyenyetsaka ni swilo swo biha leswi tlulaka hinkwaswo leswi Vaamori va swi endleke khale; naswona, ú dyohisile vanhu va Yuda hi swikwembu swa yena swa hava.

1 TIHOSI 18:13

Xana wena n'wini wanga, a wu swi twanga leswi ndzi swi endleke xana, loko Yezabele a ri karhi a dlaya vaprofeta va HOSI Xikwembu? Xana a wu twanga hilaha ndzi nga tumbeta dzana ra vaprofeta va HOSI Xikwembu hakona, emabakweni mambirhi, hi ku nghenisa 50 eka rin'we, na 50 eka lerin'wana, xana, ni hilaha ndzi va nyikeke swakudya ni mati hakona, xana ke?

Vaavanyisi 10:6

Vaisraele va tlhela va endla leswo biha emahlweni ka HOSI Xikwembu: Va tirhela swifaniso swa Baali ni swa Astarte, swi nga swikwembu swa Vasiriya, ni Vasidoni, ni Vamowabu, ni Vaamoni, ni Vafilista. Vaisraele va tshika HOSI Xikwembu, va nga ha xi tirheli.

Nehemiya 9:29

U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Yeremiya 2:30

Ndzi mi bile, kambe sweswo a swi pfunanga nchumu, hikuva a mi pfumelanga ku tshinyiwa; vaprofeta lava ndzi nga mi rhumela vona, mi va dlele onge mo va tinghala leti twaka ndlala.

Yeremiya 16:11

Va hlamule leswaku mina HOSI ndzi ri: ‘Vatata wa n'wina va ndzi tshikile; va tinyiketile eka swikwembu swin'wana, va swi tirhela ni ku swi khongela, kutani va ndzi fularhela va tshika milawu ya mina.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 42:19

Kutani Yeremiya a engeta a ku: “N'wina masalela ya va ka Yuda, HOSI Xikwembu xa mi lerisa xi ri: ‘Mi nga yi etikweni ra Egipta!’ Tivani leswaku namuntlha ndzi mi laya ndzi tiyisile.

Swirilo 3:42

“Hi tiarisile hi ku dyohela we HOSI, kutani a wu hi rivalelanga.

Duteronoma 32:14

Xi va nyikile phehlwa ni ntswamba wa swifuwo leswikulu ni leswitsongo, ni mafurha ya swinyimpfana ni ya makhuna, ni tihomu ta Baxani, ni tinyimpfu ta kona, ni koroni leyo saseka swinene, va nwa ni vhinyo yo tsokombela ya masimu ya vona.

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

2 TIHOSI 21:10

Kavaloko HOSI Xikwembu xi vulavula hi nomo wa vaprofeta malandza ya xona xi ku:

Yeremiya 2:7

Kutani ndzi mi fikisile etikweni leri noneke, leswaku mi tidyela mihandzu ya rona mi tiphina ha yona; kambe mi lo na nghena, mo nyamisa tiko ra mina, mi onhetela ndzhaka ya mina.