Nehemiya 9:25 - BIBELE Mahungu Lamanene

²⁵ Va tekile miti leyi biyeleriweke hi rirhangu yi va ya vona, va teka ni tiko lero saseka, ni tindlu leti teleke hi swilo hinkwaswo leswinene; va teka ni swihlovo leswi kovotliweke emaribyeni, ni masimu ya vhinya, ni mintanga ya mirhi ya mitlhwari, ni ya mirhi ya mihandzu ya tinxaka-xaka. Kutani va dya va xurha, va nyuhela; va tiphinile hikwalaho ka tintswalo ta wena letikulu.

Xitsonga (Bibele)

²⁵ Va teka miti ya rirhangu ni tiko leri noneke va fuwa tindlu leti teleke xuma xa tinxakaxaka hinkwato ni swihlovo leswi ceriweke, ni tivhinya ni mitlhwari, ni mirhi yo tala leyi vekaka mihandzu, va dya, va xurha va nona, kutani va hanya eku tsakeni hinkwako hi tintswalo ta wena letikulu.

Nehemiya 9:25 Referans Kwoze

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Nehemiya 9:35

A va ku tirhelanga hambi ku ri enkarhini lowu a va fumiwa hi tihosi ta vona, ni loko u va kombisile tintswalo letikulu etikweni lerikulu ro saseka leri u va nyikeke rona; naswona, a va hundzukanga emintirhweni ya vona leyo homboloka.

Duteronoma 3:5

Miti ya kona hinkwayo a yi ri makhokholo, yi biyeleriwile hi rirhangu lero leha, yi ri ni timbanti leti gogiwaka. Kusuhi na yona, a ku ri ni swimitana leswo tala leswi nga biyeleriwangiki.

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Ezekiele 20:6

Enkarhini wolowo ndzi va tshembisile hi ku hlambanya leswaku ndzi ta va humesa etikweni ra Egipta, ndzi va yisa etikweni leri ndzi nga va hlawulela rona, ri nga tiko ro khuluka ntswamba ni vulombe, leri sasekeke ku tlula matiko man'wana hinkwawo.

1 TIHOSI 8:66

Hi siku ra vu-8, Solomoni a pfala nkhuvo, vanhu va hangalaka va ri karhi va n'wi nkhensa swinene, va ya emakaya va tsakile ngopfu, va tlangela ku saseka ka hinkwaswo leswi HOSI Xikwembu xi swi kombeke Davhida nandza wa xona ni Vaisraele vanhu va xona.

Duteronoma 32:13

Xi va tshamisisile emagangeni ya tiko, va dya leswi milaka emasin'wini; xi va nyikile vulombe, va byi hakula emakocokocweni, va humesa ni mafurha emaribyeni layo nonon'hwa.

Varhoma 2:4

Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Yeremiya 31:14

Vaprista ndzi ta va phamela swakudya leswo xawula, vanhu va mina ndzi ta va lulamisela leswinene, va dya va xurha. Ndzi vula sweswo mina HOSI.”

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

Pisalema 65:11

Lembe hinkwaro u ri sasekisa hi minkateko ya wena, kun'wana ni kun'wana laha u hundzaka kona, vanhu va dya va xurha.

Swivuriso 30:9

hikuva loko ndzi xurha ngopfu, ndzi nga tshuka ndzi ku landzula, ndzi ku: “HOSI Xikwembu xa kona, i mani ke?” Kumbe loko ndzi wela evusiwaneni, ndzi sungula ku yiva, kutani ndzi onha vito ra wena, we Xikwembu xanga.

Esaya 63:7

Ndzi nga ka ndzi nga rivali rirhandzu ro tshembeka ra HOSI Xikwembu, ni mintirho ya xona leyi dzunekaka; ndzi ta anakanya hinkwaswo leswi xi nga hi endlela swona, hina Vaisraele, ni vunene lebyikulu lebyi xi nga hi komba byona, endzalweni ya musa wa xona ni tintswalo ta xona.

Daniele 11:24

Loko vanhu va nga si ehleketa nchumu, ú ta ya etindhawini leti noneke ta tiko ra yena, kutani a endla leswi vatata wa yena va nga swi endlangiki: Ú ta teka swilo leswi a swi phangheke loko a hlasela, a avela vanghana va yena; ú ta endla ni makungu ya ku hlasela makhokholo man'wana, kambe sweswo swi ta va swa nkarhinyana ntsena.

Duteronoma 32:14

Xi va nyikile phehlwa ni ntswamba wa swifuwo leswikulu ni leswitsongo, ni mafurha ya swinyimpfana ni ya makhuna, ni tihomu ta Baxani, ni tinyimpfu ta kona, ni koroni leyo saseka swinene, va nwa ni vhinyo yo tsokombela ya masimu ya vona.

1 TIHOSI 14:9

Kasi wena u endlile leswo biha ku tlula hinkwavo lava nga rhanga va va tihosi. U sukile u ya tiendlela swikwembu swimbe, ni ku tivumbela swifaniso swa swona hi koporo leyi n'okisiweke, kutani u ndzi hlundzukisile ngopfu, u engetela hi ku ndzi fularhela.

Pisalema 105:44

Xi va nyikile tiko ra vanhu vambe, va dya mihandzu ya nyuku wa van'wana.

Yeremiya 2:7

Kutani ndzi mi fikisile etikweni leri noneke, leswaku mi tidyela mihandzu ya rona mi tiphina ha yona; kambe mi lo na nghena, mo nyamisa tiko ra mina, mi onhetela ndzhaka ya mina.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.