Nehemiya 9:19 - BIBELE Mahungu Lamanene

¹⁹ Hambiswiritano wena a wu va tshikanga emananga, hikuva u tele ku twela vusiwana; papa leri a ri nembelela ninhlekanhi ri va komba ndlela a ri sukanga emahlweni ka vona, hambi wu ri ndzilo lowu a wu pfurha nivusiku wu va voningela ndlela leyi a va fanele ku famba ha yona, a wu sukanga.

Xitsonga (Bibele)

¹⁹ hi ku tsetselela ka wena lokukulu, a ku va tshikanga mananga; ku nembelela ka papa a ku tshikangi ku va ungamela ninhlekanhi loko va famba hi ndlela, nivusiku, ku nembelela ka ndzilo a ku tshikanga ku voninga ndlela leyi va faneleke ku famba ha yona.

Nehemiya 9:19 Referans Kwoze

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

Nehemiya 9:27

Kutani wena u va nyiketile emavokweni ya valala va vona va va xanisa. Loko va ri eku xanisekeni, va huwelerile eka wena, kutani wena u twile xirilo xa vona u ri etilweni. Hikwalaho ka tintswalo ta wena letikulu u va rhumerile valamuleri, va va ponisa emavokweni ya valala va vona.

Malakiya 3:6

“Mina HOSI Xikwembu a ndzi hundzuki, kutani na n'wina ma ha ri va ka Yakobo hakunene.

Nehemiya 9:12

Ninhlekanhi, u va rhangerile hi ku nembeleta papa emahlweni ka vona; nivusiku u va rhangerile hi ku nembeleta ndzilo lowu pfurhaka wu va voningela ndlela leyi va faneleke ku famba ha yona.

Daniele 9:18

We Xikwembu xanga, rhiya ndleve u yingisa. Pfula mahlo u languta maxangu ya hina ni ku onhaka ka muti lowu wu thyiweke vito ra wena. Loko hi tisa swirilo swa hina eka wena, a hi leswaku hi tshemba ku lulama ka hina, e-e, kambe hi tshemba ntsena tintswalo ta wena letikulu.

Daniele 9:9

Wena Xikwembu N'wini wa hina, u ni tintswalo, u rivalela vanhu swidyoho; kambe hina hi ku fularhele,

Tinhlayo 14:14

Kutani va ta byela vaaki va tiko ra Kanana emhaka leyi. Vanhu lava va swi twile leswaku wena HOSI u kona exikarhi ka Vaisraele, ni leswaku u tikombile eka vona hi tindlela leto tala; naswona papa ra wena a ri hambani na vona; u va rhangela emahlweni u ri endzeni ka papa leri nembelelaka ninhlekanhi, u tlhela u nembeleta ndzilo u va voningela ndlela nivusiku.

Ezekiele 20:22

Kambe leswi a ndzi swi endlanga hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Ezekiele 20:14

kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Swirilo 3:22

Rirhandzu ra HOSI Xikwembu a ri heli, tintswalo ta xona a ti na makumu;

Esaya 44:21

HOSI Xikwembu xi ri: “N'wina va ka Yakobo, ndzi vula n'wina Vaisraele malandza ya mina, mi nga tshuki mi rivala timhaka leti: Muvumbi wa n'wina, hi mina, n'wina mi malandza ya mina; ndzi nga ka ndzi nga mi rivali n'wina Vaisraele.

Nehemiya 9:31

Hambiswiritano, hikwalaho ka tintswalo ta wena letikulu a wu va herisanga kumbe ku va tshika, hikuva u Xikwembu lexi xi nga ni tintswalo ni ku twela vusiwana.

Eksoda 40:38

Papa ra HOSI Xikwembu a ri khubumeta Ntsonga ninhlekanhi; nivusiku a ku pfurha ndzilo epapeni, Vaisraele va ri karhi va swi vona, masiku hinkwawo ya riendzo ra vona.

1 SAMIELE 12:22

Hikwalaho ka vito lerikulu ra xona, HOSI Xikwembu xi nga ka xi nga mi cukumeti n'wina vanhu va xona, hikuva xi tsakerile ku mi hlawula, xi mi endla tiko ra xona.

Eksoda 40:36

Eriendzweni ra vona hinkwaro, loko papa ri suka ehenhla ka Ntsonga, Vaisraele a va hundzela emahlweni.

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Pisalema 136:16

Ú fambisile vanhu va yena emananga, — Rirhandzu ra yena hi leri nga heriki —

Ezekiele 20:17

Hambiswiritano ndzi va tsetselerile, a ndzi va dlayanga kumbe ku va herisela makumu emananga.