Nehemiya 8:16 - BIBELE Mahungu Lamanene

¹⁶ Hiloko vanhu va famba va ya vuya ni mahlampfu, va ta tiendlela mintsonga ya vona. Un'wana na un'wana a aka ntsonga ehenhla ka lwangu ra yindlu ya yena, ni le xivaveni xa yena, va aka ni le xivaveni xa yindlu ya Xikwembu, ni le rivaleni leri nga kusuhi ni Nyangwa-ya-Mati, ni le rivaleni leri nga kusuhi ni Nyangwa-ya-Efrayimi.

Xitsonga (Bibele)

¹⁶ Hi kona tiko ri sukaka, ri ya lava marhavi kutani va tiendlela mitsonga, un'wana ni un'wana ehenhla ka yindlu ya yena, kumbe erivaleni ra yona, ni le rivaleni ra yindlu ya Xikwembu, ni le ntsendzeleni wa nyangwa ya Mati, ni le ntsendzeleni wa nyangwa ya ka Efrayimi.

Nehemiya 8:16 Referans Kwoze

Nehemiya 12:39

Kutani hi ya hundza hi le ka nyangwa leyi vuriwaka Nyangwa-ya-Efrayimi ni le ka leyi vuriwaka Nyangwa-ya-Khale ni le ka leyi vuriwaka Nyangwa-ya-Tinhlampfi ni le ka Xihondzo xa Hananele ni lexi vuriwaka Xihondzo-xa-Dzana, hi ya fika ni le ka nyangwa leyi vuriwaka Nyangwa-ya-Tinyimpfu. Kutani lava a va ri ku nkhenseni va fika va yima eka nyangwa leyi vuriwaka Nyangwa-ya-Varindzi.

2 TIHOSI 14:13

Kavaloko Yowasi hosi ya Israele a khoma Amasiya hosi ya Yuda n'wana Yowasi ntukulu wa Ahaziya, emutini wa Beta-Xemexe, a ta na yena eYerusalema. Kutani a hirimuxa rirhangu ra muti mpfhuka wo ringana 200 m, ku sukela eka Nyangwa-ya-Efrayimi ku ya fika eka Nyangwa-ya-Yinhla.

Nehemiya 12:37

Loko va fika enyangweni leyi vuriwaka Nyangwa-ya-Xihlovo, va tlhandluka hi swikhandziyo swa Muti wa Davhida laha rirhangu ri tlakukeke kona, va hundza hi le kusuhi ni Yindlu ya Davhida va ya fika enyangweni leyi vuriwaka Nyangwa-ya-Mati hi tlhelo ra le vuxeni.

Nehemiya 3:26

a aka swin'we ni vatirhi va le Tempeleni lava a va tshama exivandleni lexi vuriwaka Ofele. Pedeya na vanhu lava va akile ku ya fika enyangweni leyi vuriwaka Nyangwa-ya-Mati, hi tlhelo ra le vuxeni, va aka va ya fika ni le xihondzweni.

Yeremiya 32:29

Vakalediya lava lwaka ni muti lowu, va ta ta va ta wu hisa wu tshwa hinkwawo, ku tshwa tindlu leti Vaisraele va khandziyaka emalwangwini ya tona, va ya hisela Baali emirhi ya risuna, va humesela ni swikwembu swimbe emagandzelo ya swakunwa, va endlela ntsena ku ndzi hlundzukisa.

Nehemiya 8:3

Kutani Ezra a yima kwala rivaleni a languta enyangweni leyi vuriwaka Nyangwa-ya-Mati, a hlaya buku ya Nawu, a hlayela vavanuna ni vavasati ni vana hinkwavo lava a va ta kota ku twisisa leswi hlayiwaka. Ú hlayile buku leyi ku sukela nimixo ku fika ninhlekanhi. Vanhu hinkwavo a va yingisa swinene loko Nawu wu hlayiwa.

Yeremiya 19:13

Tindlu ta Yerusalema ni ta tihosi ta Yuda ti ta nyamisiwa ku fana ni ndhawu leyi ya Tofete leyi nyamisiweke hi mintsumbu, hikuva Vaisraele va khandziyile emalwangwini ya tindlu ta kona, va ya gandzela dyambu ni n'weti ni tinyeleti hi ku swi hisela mirhi ya risuna; hambi swi ri swikwembu swimbe, va swi humesele kona emagandzelo ya swakunwa.’ ”

2 TIKRONIKA 33:5

Eswivaveni swimbirhi swa yindlu ya HOSI Xikwembu, Manase a aka tialitari to gandzelela eka tona dyambu ni n'weti ni tinyeleti.

2 TIKRONIKA 20:5

Kutani Yoxafati a suka a yima exikarhi ka nhlengeletano ya vanhu va ka Yuda ni vaaki va Yerusalema, va ri eTempeleni va langutene ni xivava lexintshwa,

2 SAMIELE 11:2

Siku rin'wana loko dyambu ri ya eku peleni, Davhida a pfuka eku wiseni, kutani a ya, a ya bela hi moya elwangwini ra yindlu ya le ntsindza. Kuteloko a ri kwale, a vona wansati a ri eku hlambeni. Wansati loyi a a sasekile swinene.

Duteronoma 22:8

“Loko mi aka yindlu, mi fanele ku sirhelela lwangu ra yona ra xiphampha, hikuva loko mi nga endli sweswo, vanhu va nga tshuka va wa, kutani loko va fa, mi ta va ni nandzu.

Nehemiya 8:1

Hi siku ro sungula ra n'hweti leyi, Vaisraele hinkwavo va ya va ya hlengeletana erivaleni leri nga mahlweni ka nyangwa leyi vuriwaka Nyangwa-ya-Mati. Vaisraele a va byerile mutsari Ezra leswaku a ta ni buku leyi nga ni Nawu lowu HOSI Xikwembu xi wu nyikeke Muxe leswaku a ya wu fikisa eka Vaisraele.