Nehemiya 8:15 - BIBELE Mahungu Lamanene

¹⁵ Tlhandlakambirhi, a ku tsariwile leswaku va fanele ku hangalasa mahungu va tivisa vanhu emitini ya vona hinkwayo ni le Yerusalema va va byela ku ya etintshaveni va ya vuya ni mahlampfu ya mirhi ya tinxaka-xaka leyi nga ni matluka, va ta aka mintsonga hilaha swi tsariweke hakona.

Xitsonga (Bibele)

¹⁵ ni leswaku va fanele ku hangalasa ni ku rhuma xitiviso emitini hinkwayo ya vona ni Yerusalema, lexi nge: “Yanani entshaveni mi ya teka marhavi ya mutlhwari lowu velekaka mafurha, ni marhavi ya mutlhwari wa nhova, ni marhavi ya mirta, ni marhavi ya micindzu, ni marhavi ya mirhi leyi teleke matluka, mi ta endla mitsonga ha wona, hilaha ku tsariweke hakona.”

Nehemiya 8:15 Referans Kwoze

Levhitika 23:40

Hi siku ro sungula ra nkhuvo, mi fanele ku kha mihandzu leyo saseka, mi tshova ni mincindzu, ni swiphundla, ni marhavi ya mirhi ya le minkoveni, kutani mi sungula ku cina mi tsaka emahlweni ka mina HOSI Xikwembu xa n'wina, ku kondza ku hela masiku ya 7.

Duteronoma 16:16

“Vavanuna va ka n'wina hinkwavo va fanele ku hlengeletana emahlweni ka HOSI Xikwembu xa n'wina kanharhu hi lembe, endhawini leyi xi nga ta yi hlawula: Hi nkarhi wa Nkhuvo wa Xinkwa lexo-ke-comela, ni nkarhi wa Nkhuvo wa Mavhiki, ni wa Nkhuvo wa Mintsonga. Va nga yi emahlweni ka HOSI Xikwembu va nga tamelanga nchumu!

Levhitika 23:4

Minkhuvo leyi yi vekiweke yo tlangela mina HOSI, ma nga masiku lawa mi faneleke ku vitanana ha wona, mi hlengeletana mi ndzi gandzela, hi leyi:

Nhlavutelo 7:9

Endzhaku ka sweswo, ndzi languta, kutani ndzi vona ntshungu lowukulu wa vanhu; a ku nga ri na un'we la kotaka ku va hlaya. A va huma ematikweni hinkwawo, ni le tinxakeni hinkwato, va ri va swivongo hinkwaswo ni va tindzimi hinkwato. A va yimile emahlweni ka xiluvelo ni le mahlweni ka Xinyimpfana va ambele tinguvu to leha leto basa, va tamele mincindzu emandleni ya vona.

Yohane 12:13

kutani va teka switluka swa mincindzu, va huma va ya n'wi hlanganisa va ri karhi va huwelela, va ku: “Hozana! A ku dzunisiwe la taka hi vito ra Hosi! A ku dzunisiwe yena Mufumi wa Israele!”

Matewu 21:1

Kuteloko va tshinelela Yerusalema, va fika eBetefage eNtshaveni ya Mitlhwari. Kutani Yesu a rhuma vadyondzisiwa vambirhi,

Genesa 8:11

Kutani tuva ri vuya nimadyambu ri lumile tluka lera ha ku khiwaka emurhini wa mutlhwari. Kutani Nowa a swi tiva leswaku mati ma hungutekile emisaveni.

Zakariya 1:8

Kutani Zakariya a ku: “Ndzi vonile munhu hi xivono nivusiku, a gadile hanci yo tshwuka, a yimile exikarhi ka mirhi ya mirta exinkobyaneni; endzhaku ka yena a ku ri ni tihanci tin'wana to tshwuka, ni tin'wana to tshwukanyana, ni tin'wana to basa.