Nehemiya 6:9 - BIBELE Mahungu Lamanene

⁹ Hinkwavo a va lava ku ndzi chavisa, hikuva a va ku: “Va ta tshika ku aka, kutani ntirho wu ta yima.” Kutani ndzi khongela ndzi ku: “We Xikwembu, ndzi nyike matimba!”

Xitsonga (Bibele)

⁹ Hikuva hinkwavo a va lava ku hi chavisa, va ku: “Mavoko ya vona ma ta hela matimba leswaku ntirho wu nga yi emahlweni.” Oho Xikwembu xanga! Sweswi wa nga tiyisa mavoko ya mina!

Nehemiya 6:9 Referans Kwoze

Pisalema 138:3

Siku leri ndzi huweleleke eka wena, u ndzi hlamurile, u ndzi pfunile ndzi ko ndzi tiya swinene.

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

Vaheveru 12:12

Hikokwalaho, tiyisani mavoko ya n'wina lama debyaka, ni matsolo ya n'wina lama gudlaka.

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Vaefesa 3:16

Ndzi kombela Xikwembu leswaku entalweni wa ku dzuneka ka xona, xi mi nyika matimba, hi Moya wa xona, ku tiya emunhwini wa n'wina wa le ndzeni,

2 Vakorinto 12:9

Kambe Hosi yi te ka mina: “Tintswalo ta mina eka wena ti ringene; hikuva matimba ya mina ma hetiseka laha ku nga ni ku tsana kona.” Hikokwalaho ndzi ta tsaka ngopfu ku tidzunisa hi ta ku tsana ka mina, leswaku matimba ya Kriste ma ta aka eka mina.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

1 SAMIELE 30:6

Davhida a a ri ekhombyeni lerikulu; vanhu a va vulavula hi ku n'wi khandla hi maribye, hikuva a va khunguvanyekile swinene hikwalaho ka ku khomiwa ka vana va vona va majaha ni vanhwana. Hambiswiritano, Davhida a tiyisela, a tshemba HOSI Xikwembu xa yena.

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

Yeremiya 38:4

Kutani vakulukumba va ya byela hosi Sedekiyasi va ku: “Wanuna loyi ú fanele ku dlawa, hikuva ku vulavula ka yena ku lolohisa masocha hinkwawo lama saleke emutini, ni vanhu van'wana hinkwavo. Munhu loyi ú va navelela leswo biha ematshan'wini ya leswo saseka.”

2 TIKRONIKA 15:7

Kambe loko mi ri n'wina, tiyani mi nga heli mbilu, hikuva leswi mi swi endlaka, swi ta mi tisela hakelo.”

Pisalema 71:1

We HOSI, ndzi ta ka wena leswaku u ta ndzi lwela, u nga pfumeli leswaku ndzi khomiwa hi tingana.

Pisalema 56:3

Loko ndzi khomiwa hi ku chava, ndzi titshembela wena ntsena.

Nehemiya 6:14

Kutani ndzi khongela ndzi ku: “We Xikwembu xanga, leswi Tobiya na Sanibalati va endlaka swona, u nga swi rivali; hambi a ri wansati lowa muprofeta loyi va nge i Nowadiya ni vaprofeta hinkwavo lava ringeteke ku ndzi chavisa, u nga va rivali!”

Pisalema 68:35

Loko Xikwembu xi huma eTempeleni ya xona, a hi ku chavisa ka xona! Hi xona Xikwembu xa Vaisraele lexi xi va tiyisaka, xi va nyikaka ntamu. A ku tlangeriwe Xikwembu!

2 TIKRONIKA 32:18

Marito lawa, varhumiwa va Senakeribi a va ma huwelela hi ririmi ra Xiyuda etindleveni ta vaaki va Yerusalema lava a va yimile erirhangwini ra muti. Vaasiriya a va ringeta ku chavisa va le Yerusalema va va heta matimba, leswaku va ta va tekela muti.

Zakariya 10:12

Kambe vanhu va mina ndzi ta va tiyisa, va ta hanya hi ndlela leyi yi ndzi tsakisaka. Ndzi vurisa sweswo mina HOSI.”

Ezra 1:6

Vanhu hinkwavo lava va ka Yuda a va akile exikarhi ka vona, va va pfunile hi ku va nyika swibya swa silivhere ni swa nsuku, ni swingolongondzwana swin'wana, ni swifuwo, ni swilo swin'wana swa nkoka, ehandle ka tinyiko hinkwato leti munhu a ngo ti humesa hi ku titwa.

Ezekiele 30:24

Ndzi ta tiyisa mavoko ya hosi ya le Babilona, ndzi n'wi tamerisa tlhari ra mina, kambe Faro yena ndzi ta n'wi tshova mavoko. Ú ta konya emahlweni ka hosi ya le Babilona ku fana ni munhu loyi a boxiweke timbanga leto chavisa.

Esaya 40:29

Lava tsaneke, xi va nyika matimba, xi engetelela ntamu eka lava nga tiyangiki.