Nehemiya 6:2 - BIBELE Mahungu Lamanene

² Kutani Sanibalati na Gexeme va rhuma vanhu va ta ndzi vitana va ku: “A hi hlangane emutini wun'wana erivaleni ra Ono.” Makungu ya vona a ku ri ku ndzi vavisa.

Xitsonga (Bibele)

² Sanibalati na Gexeme va rhumela eka mina, va ku: “Tana, hi hlangana na wena emitini leyi nga enkoveni wa Ono,” kasi a va kanerile ku ndzi humesela khombo.

Nehemiya 6:2 Referans Kwoze

Pisalema 37:12

Lowo homboloka ú boha makungu yo lwa ni lowo lulama, a n'wi mpfhumpfhela,

1 TIKRONIKA 8:12

Vana va Elifali i Ebere, na Mixamu, na Xemeda loyi a akeke muti wa Ono ni wa Lodo ni swimitana swa yona.

Nehemiya 11:35

ni wa Lodo, ni wa Ono, ni le ka Nkova wa Vavatli.

Ezekiele 33:31

Va khitikana va ta eka wena, va tshama emahlweni ka wena, vanhu lava va mina. Leswi u swi vulaka, va swi twa kambe a va endli. Hi milomo va ri, va ndzi rhandza ngopfu mina Xikwembu, kambe etimbilwini va anakanya ntsena ku tikumela swa vona.

Yeremiya 41:2

Hiloko Iximaele n'wana Netaniya ni vavanuna va khume lava a va ri na yena, va suka va yima, va tlhava Gedaliya n'wana Ahikama wa Xafani hi matlhari, va n'wi dlaya (kasi Gedaliya loyi a a vekiwile hi hosi ya Babilona ku va mulanguteri wa tiko).

Eklesiasta 4:4

Ndzi vonile ni leswi: Hinkwavo lava tikarhataka ni ku humelela emintirhweni ya vona, va susumetiwa hi ku vondzoka varikwavo. Na swona sweswo, a swi pfuni nchumu, i ku hlongorisa moya ntsena.

Pisalema 37:32

Munhu wo homboloka ú xiyaxiya lowo lulama, a lava ndlela ya ku n'wi dlaya;

Pisalema 12:2

Hinkwavo ka vona, va byelana mavunwa; va kanganyisa hi ku vulavula swo tsakisa, kasi i vanhu va milomo mimbirhi.

2 SAMIELE 20:9

Yowabu a ku ka Amasa: “Avuxeni makwerhu, u pfukile xana?” Kutani Yowabu a yisa voko ra xinene, a khoma Amasa hi malebvu wonge hi loko a lava ku n'wi ntswontswa.

2 SAMIELE 3:27

Kuteloko Abinere a fikile eHebroni, Yowabu a n'wi kokela etlhelo kusuhi ni nyangwa ya muti, wonge hi loko a lava ku vulavula na yena exihundleni, kutani a n'wi tlhava khwiri a fa. Yowabu a a rihisela swa ku dlawa ka Asahele makwavo.

Nehemiya 6:3

Kutani ndzi rhuma vanhu ni marito lama nge: “Ndzi le ntirhweni lowukulu, a ndzi nga swi koti ku rhelela ndzi ta kwaleyo. Xana ndzi nga tshika ntirho wu yima, ndzi ta eka n'wina xana?”

Nehemiya 3:22

Ekusuhi na Baruku a ku aka vaprista vo huma emitini leyi nga nkoveni.