Nehemiya 5:7 - BIBELE Mahungu Lamanene

⁷ Hiloko ndzi tiehleketa, kutani ndzi holovela varhangeri ni tindhuna, ndzi ku ka vona: “N'wina mi lava ntswalo wo tala loko mi lomba vamakwenu swilo.” Kutani ndzi va hlengeleta hinkwavo ndzi va holovela

Xitsonga (Bibele)

⁷ Ndzi hlamulana ni mbilu ya mina leswaku ndzi fanele ku tshinya ngopfu vakulukumba ni tihosana, ndzi ku eka vona: “Kasi un'wana ni un'wana mi lomba eka vamakwenu hi bindzu-ke!” Kutani ndzi va vitanela enhlengeletanweni leyikulu,

Nehemiya 5:7 Referans Kwoze

Levhitika 25:36

Mi nga tshuki mi lava ntswalo eka leswi mi n'wi lombaka swona hi ndlela yihi kumbe yihi, kambe mi fanele ku chava mina Xikwembu xa n'wina, leswaku Muisraele wa ka n'wina a ta tshama exikarhi ka n'wina.

Eksoda 22:25

“Loko mi lomba un'wana wa vanhu va mina loyi mi nga na yena wa xisiwana emali, mi nga tshuki mi n'wi sala ndzhaku kukota lava bindzulaka hi ku lombisa mali, naswona mi nga lavi ntswalo wa mali leyi mi yi lombeke xisiwana lexi.

Ezekiele 22:12

Exikarhi ka vanhu va wena, ku ni lava nyikiwaka mali leswaku va ya dlaya warikwavo. Loko u lombisa mali, u lava ntswalo wa yona, u bindzula ha yona; u kanganyisa varikwenu, u va tekela swa vona, kambe mina wa ndzi rivala! Ndzi vula sweswo mina HOSI.

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.

Levhitika 19:15

“Loko mi ri ehubyeni, mi nga tsemi timhaka hi ndlela leyi nga lulamangiki. Mi nga yi hi nghohe, mi yima na un'wana ehubyeni, a nga va xisiwana kumbe xifumi.

Tito 2:15

Dyondzisa timhaka leti, u tirhisa matimba hinkwawo lawa u nga nyikiwa wona ku khongotela ni ku tshinya van'wana. Ku nga vi na loyi a ku langutelaka ehansi.

1 Timotiya 5:20

Loko ku ri ni vakulukumba lava va phikelelaka ku dyoha, va tshinye erivaleni, leswaku lavan'wana va ta chava.

Vagalatiya 2:11

Kambe loko Petro a tile le Antiyoka, ndzi n'wi kongomile, ndzi n'wi tshinya hikuva a a hoxile.

2 Vakorinto 5:16

Hikokwalaho, ku sukela sweswi a ha ha tivi munhu hi ku ya hi swa le handle; hambiloko hi tivile Kriste hi ku ya hi swa le handle, sweswi a ha ha n'wi tivi hi mukhuva wolowo.

Matewu 18:17

Loko a ala ku va yingisa, byela nhlengeletano; loko a ala ku yingisa na yona nhlengeletano, eka wena a a kotise muhedeni ni muluvisi.

Ezekiele 45:9

HOSI N'wini wa hinkwaswo ú vurisa sweswo ú ri: “Mi dyohile ku ringana n'wina tihosi ta Israele! Tshikani ku xanisa vanhu ni ku va tshikelela. Endlani leswi lulameke ntsena, mi nga ha tekeli vanhu va mina emasimu ya vona.

Swivuriso 27:5

Munhu loyi a nga chaviki ku ku tshinya, ú tlula loyi a ku rhandzaka kambe a nga ku tsundzuxi.

Pisalema 27:8

Hi wena u vuleke u ku: “Ndzi laveni!” Hikokwalaho ndzi vula sweswo ndzi ri: Ndzi le ku ku laveni, we HOSI,

Pisalema 15:1

We HOSI, i mani la nga ta ku endzela eTempeleni ya wena, xana? Ku ta aka mani entshaveni ya wena leyo hlawuleka, xana?

Pisalema 4:4

Karihani, kambe mi nga dyohi; vulavulani hi timbilu loko mi etlele emasangwini, mi miyerile!

Pisalema 109:11

Vanhu lava a lombeke mali eka vona a va teke swilo swa yena hinkwaswo, tinhundzu ta yena hinkwato a ti tekiwe hi vanhu vambe.

Eksoda 22:24

kutani ndzi ta pfurha hi ku hlundzuka, ndzi mi vangela tinyimpi leswaku mi dlayiwa, vasati va n'wina va ta hundzuka tinoni, vana va n'wina va sala va nga ha ri na vatatana.

Pisalema 94:16

Xana i mani loyi a nga yimaka na mina a lwa ni lavo homboloka xana? Loyi a nga ndzi seketelaka a lwa ni lavo biha i mani xana?

Swivuriso 28:4

Loko u tlula nawu, u dzunisa lavo homboloka, kasi loko u wu hlayisa, a wu yimi na vona.