Nehemiya 5:16 - BIBELE Mahungu Lamanene

¹⁶ Mina ndzi tinyiketerile ku tirha erirhangwini leri; a ndzi na masimu, malandza ya mina hinkwawo ma tirha erirhangwini.

Xitsonga (Bibele)

¹⁶ Kambe mina a ndzi endlanga sweswo, hi ku chava Xikwembu. Kambe ndzi tirha mitirho ya rirhangu leri, a hi xavanga masimu, ni malandza ya mina hinkwawo a ma hlengeletana kwala emitirhweni.

Nehemiya 5:16 Referans Kwoze

Vagalatiya 6:9

Loko hi ri karhi hi endla leswinene, hi nga karhaleni, hikuva hi ta tshovela hi nkarhi wa kona, loko hi nga heli mbilu.

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Luka 8:15

Timbewu leti nga wela emisaveni leyinene, i vanhu lava yingisaka Rito hi timbilu leto lulama, letinene, va ri hlayisa, va veka mihandzu hi ku tiyisela.

Tinhlayo 16:15

Muxe a hlundzuka swinene, kutani a ku ka HOSI Xikwembu: “Magandzelo ya vona, u nga ma amukeri. Mina a ndzi tekanga nchumu xa vona, hambi xi ri xikukwana xinene, naswona a ndzi si khunguvanyisa ni un'we wa vona!”

Nehemiya 5:15

Tindhunankulu leti fumeke loko ndzi nga si ta, a ti tikisela vanhu vutomi; a ti lava swakudya na vhinyo, ehandle ka mali leyi a yi humesiwa ya tisilivhere ta 40. Hambi ma ri malandza ya tona a ma xanisa vanhu; mina sweswo a ndzi swi endlanga hikuva ndzi chava Xikwembu.

Nehemiya 5:17

Tlhandlakambirhi, a ndzi hamba ndzi dya swakudya swa mina ni vanhu va 50, va ri Vayuda ni tindhuna, ehandle ka vanhu lava a va huma exikarhi ka vamatiko lava hi akelaneke na vona.