Nehemiya 5:13 - BIBELE Mahungu Lamanene

¹³ Kutani ndzi dzudza xinkwamana xa mina xi wela hansi, ndzi ku: “Xikwembu a xi dzudze munhu un'wana ni un'wana a huma endlwini ya yena ni le ntirhweni wa yena, loko a nga hetisisi xitshembiso lexi; a a dzudziwe a sala a nga ha ri na nchumu.” Kutani ntshungu hinkwawo wu ku “Amen!” wu dzunisa HOSI Xikwembu. Vanhu va endlile hilaha va tshembiseke hakona.

Xitsonga (Bibele)

¹³ Ndzi phumunha tinguvu ta mina, ndzi ku: “Xikwembu a xi phumunhise sweswo ehandle ka yindlu ya yena, ni mitirho ya yena, munhu un'wana ni un'wana la nga hlayisiki marito lawa, a a phumunhisiwe; sweswo, a halatiwa.” Kutani nhlengeletano hinkwayo yi ku: “E, hi swona!” Kutani va dzunisa Yehovha, kambe tiko ri endla hi marito walawo.

Nehemiya 5:13 Referans Kwoze

Timhaka 18:6

Kambe loko vona va n'wi kaneta ni ku n'wi sandza, a phumunha ntshuri eswiambalweni swa yena, a ku ka vona: “Nandzu lowu, wu dlaya n'wina vini va wona; loko ndzi ri mina, ndzi humile ka wona; ku sukela sweswi, ndzi ta ya eka vamatiko.”

Matewu 10:14

Kutani loko va nga mi amukeri, kumbe loko va nga yingisi marito ya n'wina, humani endyangwini wolowo, kumbe emutini wolowo, mi phumunha ntshuri emilengeni ya n'wina.

1 TIKRONIKA 16:36

A ku nkhensiwe HOSI Xikwembu xa Israele, sweswi ni hilaha ku nga heriki!” Kutani Vaisraele hinkwavo va hlamula va ku: “Amen, a ku dzunisiwe HOSI!”

Timhaka 13:51

Kambe vona va phumunha ntshuri emilengeni ya vona, ku komba leswaku va hambana na vona, kutani va ya emutini wa Ikoniya.

Eklesiasta 5:5

Loko u nga hlambanyi, swa antswa, ku ri na ku hlambanya u nga ha endli.

Pisalema 119:106

Ndzi tiyisile hi ku hlambanya, leswaku swiboho swa wena leswo lulama, ndzi ta swi hlayisa.

Pisalema 76:11

Tiboheni eka HOSI Xikwembu, mi humesa leswi mi nga hlambanya ku humesa swona; hinkwavo lava va xi tirhelaka a va humese tinyiko, va luva Xikwembu lexi xo chavisa.

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Nehemiya 8:6

Ezra a dzunisa HOSI Xikwembu, xona Xikwembu lexikulu, kutani vanhu hinkwavo va hlamula va ku: “Amen! Amen!” va ri karhi va tlakusela mavoko ehenhla. Kutani va nkhinsama, va korhamela hansi va khongela HOSI Xikwembu.

2 TIHOSI 23:3

a hlaya a yimile kusuhi ni phuphu; kutani a pfuxa ntwanano na HOSI Xikwembu; a tiboha ku xi landza, ni ku hlayisa swileriso, ni switsundzuxo, ni milawu ya xona, hi mbilu ya yena hinkwayo ni moya wa yena hinkwawo; a tiboha ni ku landza marito hinkwawo lama tsariweke ebukwini leyi ya Ntwanano, kutani hinkwavo vanhu va tiko na vona va tiboha ku hlayisa ntwanano lowu.

1 SAMIELE 15:28

Kutani Samiele a ku ka yena: “Namuntlha, HOSI Xikwembu xi handzurile vuhosi bya Israele emavokweni ya wena, xi byi nyikile un'wana wa varikwenu, la lulameke ku tlula wena.

Tinhlayo 5:22

Mati lawa yo tisa ndzhukano, a ma nghene emirini wa wena, ma pfimbisa swirho swa wena, ma ku vangela ni ku onhakeriwa!’ Kutani wansati ú ta ku: ‘Amen, a swi ve tano!’

1 Vakorinto 14:16

Hikuva loko u nkhensa hi moya wa wena wu ri woxe, xana munhu ntsena loyi a nga enhlengeletanweni ú ta vurisa ku yini “Amen!” ku hlamula xikhongelo xa wena xa ku nkhensa, leswi a nga tiviki lexi u xi vulaka xana?

Swivuriso 28:4

Loko u tlula nawu, u dzunisa lavo homboloka, kasi loko u wu hlayisa, a wu yimi na vona.