Nehemiya 4:6 - BIBELE Mahungu Lamanene

⁶ Kutani hi aka rirhangu hi ri hlanganisa; enkarhini lowu a hi akile hafu ya rona ku ya henhla, hikuva vanhu lava tirhaka a va tinyiketile swinene.

Xitsonga (Bibele)

⁶ Sweswo hi pfuxa rirhangu, kutani rirhangu hinkwaro ri hlangana ku fika exikarhi ka ku tlakuka ka rona; loko ri ri tiko, ri khoma ntirho lowu hi mbilu.

Nehemiya 4:6 Referans Kwoze

Vafilipiya 2:13

hikuva i Xikwembu lexi tirhaka eka n'wina, lexi endlaka leswaku mi tsakela ni ku yingisa ku rhandza ka xona.

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Nehemiya 6:15

Ntirho wo aka rirhangu wu tekile masiku ya 52; wu hele hi siku ra 25 ra n'hweti ya Elulu.

1 TIKRONIKA 29:14

Davhida a engeta a ku: “Mina a ndzi nchumu, ni vanhu va mina a hi nchumu! Xana hi nga ku humesela yini xana? Hinkwaswo leswi hi nga na swona swi huma eka wena, kutani ho ku tlherisela leswi nga swa wena!

1 TIKRONIKA 29:3

Ehandle ka swilo hinkwaswo leswi ndzi swi hlengeleteke, swo aka ha swona yindlu leyo hlawuleka, mina n'winyi ndzi humesa nyiko ya mina ya nsuku ni silivhere, ndzi humesela yindlu ya Xikwembu xanga hi ku tsaka.

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

2 TIKRONIKA 29:36

Kutani Hezekiya ni vaaki hinkwavo va tiko va tsaka swinene, hikuva HOSI Xikwembu a xi va tiyisile, va kota ku hatla va heta mintirho leyi hinkwayo.

Nehemiya 4:5

U nga va rivaleli milandzu, ni swidyoho swa vona u nga swi rivali, hikuva va ku pfukile emahlweni ka lava va nga ntirhweni wo aka.”

Nehemiya 4:7

Sanibalati na Tobiya, swin'we ni Maarabu ni Vaamoni ni va le Axidodo, swi va karhatile ngopfu ku twa leswaku ntirho wo pfuxa rirhangu ra muti wa Yerusalema wu ya emahlweni, ni leswaku ra karhi ra hlanganisiwa.

Pisalema 122:3

Yerusalema i muti lowu akiweke wu tiya, wu rhendzeriwa hi rirhangu.

Hagayi 1:14

Kavaloko HOSI Xikwembu xi pfuxa moya wa Zerubabele ndhunankulu ya tiko ra Yuda n'wana Salatiele, ni moya wa Yoxuwa muprista lonkulu n'wana Yoxafati, xi pfuxa ni moya wa lava vuyeke hi le vukhumbini. Va hlengeletana, va sungula ntirho wo pfuxa yindlu ya HOSI ya matimba hinkwawo, Xikwembu xa vona.