Nehemiya 4:23 - BIBELE Mahungu Lamanene

²³ Mina, ni vamakwerhu, ni malandza ya mina, ni varindzi lava ndzi landzeke, a hi nga hluvuli swiambalo; un'wana na un'wana a a tshama a khomile tlhari ra yena.

Xitsonga (Bibele)

²³ Loko ndzi ri mina, ni vamakwerhu, ni malandza ya mina, ni valanguteri lava ndzi landzaka, a hi nga susi tinguvu ta hina; un'wana ni un'wana a a tamerile tlhari ra yena evokweni ra yena ra xinene.

Nehemiya 4:23 Referans Kwoze

1 Vakorinto 15:10

Kambe ndzi leswi ndzi nga swona hi tintswalo ta Xikwembu, kutani tintswalo ta kona, leti Xikwembu xi ndzi kombeke tona, a ti welanga ehansi. Ntiyiso wa kona hileswaku ndzi tirhile ngopfu ku va tlula hinkwavo; hambiswiritano, a ku tirhanga mina, kambe ku tirhile tintswalo ta Xikwembu leti ndzi nga kombiwa tona.

Nehemiya 7:2

Kutani ndzi veka makwerhu Hanani, na Hananiya loyi a a hlayisa khokholo leswaku va va vona valanguteri va muti wa Yerusalema. Hananiya a a ri munhu wo tshembeka, naswona a a chava Xikwembu ku tlula vanhu vo tala.

Nehemiya 5:16

Mina ndzi tinyiketerile ku tirha erirhangwini leri; a ndzi na masimu, malandza ya mina hinkwawo ma tirha erirhangwini.

Vaavanyisi 9:48

kutani a teka xihloka, a tlhandluka ni vavanuna lava a a ri na vona, va ya entshaveni ya Salimoni, a fika a tsema rihlampfu, a ri tlhandleka ekatleni, kutani a byela vavanuna hinkwavo lava a a ri na vona, a ku: “Leswi mi ndzi voneke ndzi endla swona, hatlisani mi swi endla na n'wina.”

Vaavanyisi 5:11

Twanani! Hambi lava kelelaka mati eswihlobyeni, va huwelela va dzunisa mintirho yo lulama ya HOSI Xikwembu, ni ya varhangeri va tiko ra Israele. “Enkarhini wolowo, vanhu va HOSI Xikwembu va tshirimukile va ya etinyangweni ta miti.

Nehemiya 4:22

Enkarhini wolowo, ndzi tlhele ndzi byela vanhu ndzi ku: “Vanhu hinkwavo ni malandza ya vona va nga suki eYerusalema, leswaku va ta hi pfuna ku rindza ni vusiku, ni leswaku ni nhlekanhi hi ta kota ku aka.”

Nehemiya 5:1

Endzhaku ka nkarhinyana, vavanuna ni vasati va vona va sungula ku vilela swinene hikwalaho ka leswi Vayuda va ka vona a va va endla swona.

Yuwele 2:8

A va susumetani, un'wana ni un'wana ú kongoma emahlweni; va vhoya exikarhi ka matlhari; a va yimisiwi hi nchumu!