Nehemiya 3:3 - BIBELE Mahungu Lamanene

³ Va ka Hasena, vona a va aka nyangwa leyi vuriwaka Nyangwa-ya-Tinhlampfi, va celela timhandze, va vekela timbanti ni swo goga hi swona hinkwaswo.

Xitsonga (Bibele)

³ Nyangwa ya Tinhlampfi yi akiwa hi vana va Hasena, va endla timhandze ta kona, va vehela timbanti ni swilotlela ni tinghole.

Nehemiya 3:3 Referans Kwoze

Nehemiya 12:39

Kutani hi ya hundza hi le ka nyangwa leyi vuriwaka Nyangwa-ya-Efrayimi ni le ka leyi vuriwaka Nyangwa-ya-Khale ni le ka leyi vuriwaka Nyangwa-ya-Tinhlampfi ni le ka Xihondzo xa Hananele ni lexi vuriwaka Xihondzo-xa-Dzana, hi ya fika ni le ka nyangwa leyi vuriwaka Nyangwa-ya-Tinyimpfu. Kutani lava a va ri ku nkhenseni va fika va yima eka nyangwa leyi vuriwaka Nyangwa-ya-Varindzi.

2 TIKRONIKA 33:14

Endzhaku ka timhaka teto, Manase a aka rirhangu leri tlakukeke swinene, ro sirhelela muti wa Davhida, ri hundza evupeladyambu bya xihlovo xa Gihoni, ri lulama ni nkova wa Kedroni, ri rhendzela ni xivandla lexi va nge i Ofele, ri ya fika eka Nyangwa-ya-Tinhlampfi. Naswona Manase a veka tindhuna ni mavuthu ya tona emitini hinkwayo ya makhokholo ya tiko ra Yuda.

Sofoniya 1:10

HOSI Xikwembu xi vula sweswo, xi ri: “Esikwini rero, huwa yi ta twala eYerusalema hi tlhelo ra Nyangwa-ya-Tinhlampfi; laha ku vuriwaka ‘Ndhawu Leyintshwa’, va ta tlhava mukhosi, eswitsungeni ku ta twala mpfumawulo lowukulu wa tinyimpi.

Nehemiya 2:8

Tsalela na Asafu, yena muhlayisi wa swihlahla swa tiko, leswaku a ndzi nyika timhandze to aka ha tona tinyangwa ta makhokholo ya Tempele, ni ta ku aka ha tona rirhangu ra muti, ni to aka yindlu leyi ndzi nga ta tshama eka yona.” Kutani hosi yi ndzi nyika swilo leswi ndzi swi kombeleke, hikuva Xikwembu xa mina a xi ndzi katekisile.

Nehemiya 7:1

Loko ntirho wo aka rirhangu ni ku vekela timbanti wu herile, ndzi vekile varindzi va le tinyangweni, ni vayimbeleri, ndzi veka ni Valevhi entirhweni.

Nehemiya 6:1

Sanibalati na Tobiya na Gexeme lowa Muarabu ni valala va mina hinkwavo, va swi twile leswaku ndzi hetile ku aka rirhangu, ni leswaku a ka ha salanga ndhawu leyi nga akiwangiki, kambe enkarhini wolowo timbanti a ndzi nga si ti vekela.

Nehemiya 3:6

Yoyada n'wana Paseya na Mexulama n'wana Basodeya, vona a va aka nyangwa leyi vuriwaka Nyangwa-ya-Yexana; va celela timhandze, va vekela timbanti ni swo goga hi swona hinkwaswo.

Nehemiya 3:4

Ekusuhi na vona a ku aka Meremoto n'wana Uriya wa Hakosi, kutani ku landza Mexulama n'wana Berekiya wa Mexezabele, ku ta Sadoki n'wana Baana.

Pisalema 147:13

Hi xona lexi tiyisaka rirhangu ra wena, xi biyelela lava akeke ka wena.

Ezra 2:35

va le Sena i 3 630.

Nehemiya 7:38

va le Sena i 3 930.