Nehemiya 3:15 - BIBELE Mahungu Lamanene

¹⁵ Xalumi n'wana Kolohoza ndhuna ya xifundzha xa Mispa a a aka nyangwa leyi vuriwaka Nyangwa-ya-Xihlovo; a yi pfuxa, a tlhela a yi fulela, a vekela timbanti ni swo goga hi swona hinkwaswo. A aka ni rirhangu leri nga kusuhi ni xidziva xa Xela le ntangeni wa hosi, a kondza a ya fika eka swikhandziyo leswi rhelelaka swi huma eka Muti-wa-Davhida.

Xitsonga (Bibele)

¹⁵ Nyangwa ya Xihlovo, yona yi lunghisiwa hi Xalumi, n'wana Kolohoza, n'wini wa ntsendzele wa Mispa, a yi aka, a yi fulela, a vehela ni timbanti ta kona, a vehela swilotlela ni tinghole, a aka ni rirhangu ra tiva ra Xihlovo, emahlweni ka nsimu ya hosi, ku ya fika eswikhandziweni swa ku ngirimela, swi suka emutini wa Davhida.

Nehemiya 3:15 Referans Kwoze

Yohane 9:7

kutani a ku ka yena: “Famba u ya hlamba exidziveni xa Silowama (hileswaku ‘Xirhumiwa’).” Kutani a ya a ya hlamba, a vuya a ri karhi a vona.

Esaya 8:6

“Leswi vanhu lava va nyenyaka mati ya xinambyana xa Xilowa lama khulukaka khwatsi, kambe va tsakela Resini ni n'wana Remaliya,

Nehemiya 12:37

Loko va fika enyangweni leyi vuriwaka Nyangwa-ya-Xihlovo, va tlhandluka hi swikhandziyo swa Muti wa Davhida laha rirhangu ri tlakukeke kona, va hundza hi le kusuhi ni Yindlu ya Davhida va ya fika enyangweni leyi vuriwaka Nyangwa-ya-Mati hi tlhelo ra le vuxeni.

Luka 13:4

Ni vanhu va 18 lava xihondzo xa Silowama xi nga va wela henhla, xi va dlaya, xana mi ehleketa leswaku a va ri ni nandzu ku tlula vaaki hinkwavo va Yerusalema xana?

Nehemiya 2:14

Kutani ndzi ya emahlweni ndzi ya fika enyangweni leyi vuriwaka Nyangwa-ya-le-Xihlobyeni, ndzi hundza ndzi ya fika eka Xidziva-xa-Hosi, kambe a ndzi kumanga laha xifuwo lexi a ndzi xi gadile a xi ta hundza ha kona.

Yeremiya 40:6

Hiloko Yeremiya a ya eka Gedaliya n'wana Ahikama le Mispa, a ya tshama na yena exikarhi ka varikwavo lava saleke etikweni.

Nehemiya 3:14

Malikiya n'wana Rekaba, ndhuna ya xifundzha xa Beta-Hakarimi a a aka nyangwa leyi vuriwaka Nyangwa-ya-Vulongo; a yi pfuxa, a tlhela a vekela timbanti ni swo goga hi swona hinkwaswo.

Nehemiya 3:12

Ekusuhi na vona a ku aka Xalumi n'wana Halohexi, yena ndhuna ya hafu leyin'wana ya xifundzha xa Yerusalema, a tirha swin'we ni vana va yena va xisati.

Nehemiya 3:9

Ekusuhi na vona a ku aka Refaya n'wana Huri, yena ndhuna ya hafu yin'wana ya xifundzha xa Yerusalema.

Nehemiya 3:7

Ekusuhi na vona a ku aka Melatiya wa le Gibeyoni, na Yadoni lowa Mumeronoti, ni va le Gibeyoni, ni va le Mispa lava fumiwaka hi ndhunankulu ya xifundzha xa le vupeladyambu bya nambu wa Yufrata.

2 TIKRONIKA 32:30

Hi yena Hezekiya loyi a nga siva mati lama humaka exihlobyeni xa Gihoni, leswaku ma nga khuluki ma ya enkoveni, kambe ma khulukela endzeni ka muti, hi tlhelo ra le vupeladyambu. Kutani Hezekiya a kateka emintirhweni ya yena hinkwayo.

2 TIHOSI 25:4

rirhangu ra muti ri boxiwa. Hambileswi mavuthu ya Vakalediya a ma rhendzerile muti, hosi Sedekiyasi ni masocha ya yena hinkwawo va kotile ku baleka nivusiku, hi le nyangweni leyi a yi ri xikarhi ka makhumbi mambirhi, kusuhi ni ntanga wa hosi, kutani va tsutsuma hi ndlela leyi kongomaka enkoveni wa Yordani.

Vaavanyisi 20:3

(Va ka Benjamini a va swi twile leswaku Vaisraele va hlengeletanile eMispa.) Vaisraele va vutisa va ku: “Hi byeleni, mhaka leyi yo bihisa leswi yi humelerise ku yini xana?”

Vaavanyisi 20:1

Kutani Vaisraele hinkwavo, ku suka eDani ku ya fika eBerexeba, ku katsa ni va le tikweni ra Giliyadi, va hlengeletana emahlweni ka HOSI Xikwembu eMispa, va ri ni xikongomelo xin'we.

Nehemiya 2:17

Kutani ndzi ku ka vona: “Khombo leri ri hi weleke, ma ri vona: Muti wa Yerusalema i marhumbi ntsena, ni tinyangwa ti hisiwile! Kutani ke, a hi pfuxeni rirhangu ra muti wa Yerusalema hi ta wisa ku hlekuriwa.”

Nehemiya 3:19

Ekusuhi na Bavhayi a ku tirha Ezere n'wana Yexuwa ndhuna ya le Mispa. Ezere a a aka xiphemu lexi langutaneke na ndhawu leyi tlhandlukelaka laha ku hlayiseriwaka kona matlhari, kusuhi ni yinhla ya rirhangu.

Eklesiasta 2:6

Ndzi cerile swihlovo swa mati, ndzi endlela ku cheleta mirhi ya mina leyo tala, leswaku yi kula swinene.

2 SAMIELE 5:9

Kutani Davhida a tshama ekhokholweni, a ri thya vito ra “Muti-wa-Davhida”. Kutani a aka muti matlhelo hinkwawo hi le ndzeni, ku sukela laha va nge hi le “Milo”.