Nehemiya 2:20 - BIBELE Mahungu Lamanene

²⁰ Mina ndzi va hlamurile ndzi ku: “Xikwembu xa matilo, xi ta endla leswaku hi humelela entirhweni wa hina. Hina, hi malandza ya xona, kutani ntirho wo aka, hi ta wu sungula. Loko mi ri n'wina, a mi na nchumu laha Yerusalema, naswona a mi na fanelo ya ku va laha, ni ndzhaka mi hava.”

Xitsonga (Bibele)

²⁰ Ndzi va hlamula ndzi ku eka vona: “Xikwembu xa matilo, hi xona xi nga ta hi pfuna hina, malandza ya xona, hi ta pfuka hi aka. Loko mi ri n'wina, a mi na ku averiwa, ni loko yi ri mfanelo, hambi xitsundzuxo eYerusalema.”

Nehemiya 2:20 Referans Kwoze

Timhaka 8:21

Ntirho lowu a hi wa wena, a wu ngheni eka wona, hikuva mbilu ya wena a yi lulamanga emahlweni ka Xikwembu.

Ezra 4:3

Kambe Zerubabele na Yexuwa ni tinhloko ta mindyangu ya Vaisraele, va va hlamula va ku: “Hina a hi swi lavi leswaku mi aka na hina yindlu ya Xikwembu xa hina. Yindlu ya HOSI Xikwembu, hi ta yi aka hi ri hexe, hilaha Korexe hosi ya Vaperesi a hi leriseke hakona.”

Nehemiya 2:4

Kutani hosi yi ku: “Xana u lava leswaku ndzi ku endlela yini xana?” Hiloko ndzi khongela Xikwembu xa matilo.

Timhaka 10:31

a ku: ‘Korneliyo, ku khongela ka wena ku yingisiwile, ni swihanano swa wena swi anakanyiwile emahlweni ka Xikwembu.

Pisalema 35:27

Kambe lava tsakisiwaka hi ku khana ka mina, a va be nkulungwana va ku: “HOSI Xikwembu xi dzuneka ngopfu, xona xi rhandzeke leswaku nandza wa xona a humelela.”

Esaya 56:5

ndzi ta va nyika leswo saseka ku tlula ku va ni vana va xinuna ni va xisati, ri nga ribye ra xitsundzuxo leri tsariweke mavito ya vona, ri vekiwa endzeni ka Tempele ya mina, kutani va nga ka va nga rivariwi ni siku ni rin'we.

Eklesiasta 7:18

Swa antswa ku hlayisa switsundzuxo leswi, u nga hambani na swona, hikuva lava chavaka Xikwembu, va swi landza hi vumbirhi bya swona.

Pisalema 51:18

Hikwalaho ka tintswalo ta wena, katekisa muti wa Siyoni, u pfuxa rirhangu ra Yerusalema,

Pisalema 20:5

Hi ta ba minkulungwana hi tlangela ku hlula ka wena, hi yimisa mijeko ya hina hi vito ra Xikwembu xa hina. HOSI Xikwembu a xi ku nyike hinkwaswo leswi u swi kombelaka!

Timhaka 10:4

Loko a yi langutile swinene, a khomiwa hi ku chava, kutani a ku: “I ncini, Hosi?” Yi ku ka yena: “Mikhongelo ya wena ni swihanano swa wena swi amukeriwile eka Xikwembu, kutani xi ku anakanyile.

Zakariya 6:14

Kutani harhi ya vuhosi yi ta vekiwa eTempeleni ya HOSI Xikwembu, yi tsundzuxa vanhu mintirho ya Helidayi, na Tobiya, na Yedaya, na Yosiya n'wana Sofoniya.

Pisalema 122:6

Khongelelani muti wa Yerusalema, mi wu kombelela ku rhula mi ku: “Lava va ku rhandzaka a va kume ku tsaka!”

Estere 4:11

“Malandza ya hosi hinkwawo ni vanhu va swifundzha swa yona hinkwaswo va swi tiva leswaku loko wanuna kumbe wansati a nga tshuka a nghena exivaveni xa le ndzeni ka muti wa hosi, a nga vitaniwanga, ku ni nawu wun'we ntsena: Ú fanele ku dlayiwa, ehandle ka loko hosi yi tlakusa nhonga ya yona ya nsuku, yi n'wi komba leswaku a hanya. Sweswi ku hundzile masiku ya 30 hosi yi nga si ndzi vitana.”

2 TIKRONIKA 26:5

A tiyimisela ku lava Xikwembu hi mbilu hinkwayo, a ri karhi a pfuniwa hi Zakariya, munhu loyi a n'wi dyondziseke ku gandzela Xikwembu. Kutani loko Uziya a ha namarhela HOSI Xikwembu, xona a xi n'wi katekisa minkarhi hinkwayo.

Tinhlayo 10:10

Timhalamhala leti, mi ta ti ba ni le masikwini lawa mi tsakeke, ni le minkhubyeni ya n'wina ya lembe, ni le ku sunguleni ka tin'hweti, mi ti ba mi ri karhi mi humesa magandzelo lama hisiwaka ni magandzelo ya xinakulobye; timhalamhala leti hi tona leti nga ta endla leswaku mina Xikwembu ndzi mi anakanya. Hi mina HOSI Xikwembu xa n'wina.”

Eksoda 28:29

Kutani loko Aroni a ta exivandleni lexo hlawuleka, ú ta rhwala mavito ya tinyimba ta Israele ma ri exincekaneni xa le xifuveni lexi ambariwaka loko ku avanyisiwa timhaka; mavito lawa ma ta va henhla ka mbilu ya yena, ku endlela leswaku mina HOSI Xikwembu ndzi tshama ndzi ri karhi ndzi ma tsundzuka.

Levhitika 24:7

Erixaxeni rin'wana ni rin'wana, u ta veka murhi lowu tengeke wa risuna wo suma swinkwa, lowu wu nga ta humeseriwa mina HOSI.

Levhitika 2:2

Kutani a ya na swona eka vaprista, va nga vana va Aroni, a fika a nusa mapa lama nga ni mafurha a tata xandla, kutani muprista ú ta swi hisa alitarini ni murhi hinkwawo wa risuna, swi va swo suma ha swona; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Nehemiya 1:4

Kuteloko ndzi twa marito lawa, ndzi tshama hansi ndzi rila. Ndzi hetile masiku yo tala ndza ha rila, ndzi titsona ni swakudya, ndzi khongela Xikwembu xa matilo,

Pisalema 102:17

yi ta yingisa xikhongelo xa lava tshikeleriwaka, ku khongela ka vona a yi nga ku hunisi.