Nehemiya 2:17 - BIBELE Mahungu Lamanene

¹⁷ Kutani ndzi ku ka vona: “Khombo leri ri hi weleke, ma ri vona: Muti wa Yerusalema i marhumbi ntsena, ni tinyangwa ti hisiwile! Kutani ke, a hi pfuxeni rirhangu ra muti wa Yerusalema hi ta wisa ku hlekuriwa.”

Xitsonga (Bibele)

¹⁷ Kutani ndzi ku eka vona: “Ma ri vona khombo leri hi nga eka rona, hilaha Yerusalema, wu onhakeke hakona ni hilaha timbanti ta wona ti tshweke hakona; tanani, a hi pfuxeni rirhangu ra Yerusalema, hi nga ti tshama exisandzwini.”

Nehemiya 2:17 Referans Kwoze

Ezekiele 5:14

We Yerusalema, ndzi ta ku hundzula rhumbi ni xihlekiso eka vaakelani va wena ni ka vahundzi va ndlela hinkwavo.

Nehemiya 1:3

Kutani va ku ka mina: “Lava va nga xifundzheni lexiya, lava vuyeke hi le vukhumbini, va le khombyeni lerikulu; leswi va endliwaka swona swi khomisa tingana; rirhangu ra muti wa Yerusalema ri mbundzumuxiwile, ni tinyangwa ti herisiwile hi ndzilo.”

Pisalema 79:4

Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Swirilo 3:51

Mahlo ya mina ma fehla, loko ndzi vona leswi humelelaka vanhu va muti wa ka hina.

Swirilo 2:2

N'wini wa hinkwaswo a nga tsetselelanga miti ya va ka Yakobo, ú yi mbundzumuxile hinkwayo. Hi vukari lebyikulu bya yena, ú fayile makhokholo ya le Yuda; ú hohlosile ni ku onha vukosi ni vafumi va kona.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Pisalema 79:12

We N'wini wa hinkwaswo, leswi vaakelani va hina va ku hlekuleke, va tlherisele ka-7 leswi va ku endleke swona.

Pisalema 44:13

U hi sorisile hi vaakelani va hina, va hi hlekula ni ku hi sandza.

1 SAMIELE 11:2

Kambe Nahaxi wa Muamoni a va hlamula a ku: “Ndzi ta pfumela ku endla xinakulobye na n'wina, loko ndzi rhange hi ku xokola tihlo ra xinene ra un'wana ni un'wana wa n'wina, kutani hi mukhuva wolowo, ndzi ta va ndzi vangele Vaisraele hinkwavo exisandzo.”

Nehemiya 2:13

Vusiku byebyo ndzi fambile ndzi ya ta hi le nyangweni leyi vuriwaka Nyangwa-ya-le-Nkoveni, ndzi ya hundza hi le ka Xihlovo-xa-Nyoka, ni le nyangweni leyi vuriwaka Nyangwa-ya-Vulongo, ndzi famba ndzi ri karhi ndzi valanga rirhangu ra muti wa Yerusalema leri mbundzumuxiweke, ni tinyangwa leti herisiweke hi ndzilo.

Nehemiya 2:16

Tindhuna a ti nga swi tivi leswaku ndzi yile kun'wana, hambi swi ri leswi a ndzi endla swona a ti nga swi tivi. Enkarhini lowu, a ndzi nga si tivisa vanhu makungu ya mina; hambi va ri Vayuda, kumbe vaprista, kumbe tinganakana, kumbe tindhuna, ni hinkwavo lava a va ta tirha ntirho wa kona, a va nga tivi nchumu.

Nehemiya 3:15

Xalumi n'wana Kolohoza ndhuna ya xifundzha xa Mispa a a aka nyangwa leyi vuriwaka Nyangwa-ya-Xihlovo; a yi pfuxa, a tlhela a yi fulela, a vekela timbanti ni swo goga hi swona hinkwaswo. A aka ni rirhangu leri nga kusuhi ni xidziva xa Xela le ntangeni wa hosi, a kondza a ya fika eka swikhandziyo leswi rhelelaka swi huma eka Muti-wa-Davhida.

Ezra 9:9

Hina, hi mahlonga; kambe wena Xikwembu xa hina a wu hi tshikanga evuhlongeni, u hi kombile tintswalo ta wena leto tshembeka emahlweni ka tihosi ta Vaperesi, kutani ti hi vevukiserile mindzhwalo leswaku hi ya aka yindlu ya Xikwembu xa hina, hi yi pfuxa hi vuntshwa; naswona ti hi sirhelerile eYuda ni le Yerusalema.

Pisalema 44:14

U hi hundzurile xihlambanyiso exikarhi ka vanhu, loko va hi vona, va hlakahla tinhloko.

Pisalema 102:15

Vanhu va matiko hinkwawo va ta chava vito ra HOSI, tihosi hinkwato ta misava ti ta xixima ku dzuneka ka yona,

Mikiya 7:11

N'wina va le Yerusalema, siku ra ta leri rirhangu ra muti wa n'wina ri nga ta pfuxiwa; enkarhini wolowo, tiko ra n'wina ri ta anamisiwa.