Nehemiya 2:14 - BIBELE Mahungu Lamanene

¹⁴ Kutani ndzi ya emahlweni ndzi ya fika enyangweni leyi vuriwaka Nyangwa-ya-le-Xihlobyeni, ndzi hundza ndzi ya fika eka Xidziva-xa-Hosi, kambe a ndzi kumanga laha xifuwo lexi a ndzi xi gadile a xi ta hundza ha kona.

Xitsonga (Bibele)

¹⁴ Ndzi hundzela etlhelo ra nyangwa ya Xihlovo, ni le tiveni ra hosi; kambe a ku nga ri na laha xifuwo lexi ndzi xi khandziyeke xi nga hundzaka kona.

Nehemiya 2:14 Referans Kwoze

Nehemiya 3:15

Xalumi n'wana Kolohoza ndhuna ya xifundzha xa Mispa a a aka nyangwa leyi vuriwaka Nyangwa-ya-Xihlovo; a yi pfuxa, a tlhela a yi fulela, a vekela timbanti ni swo goga hi swona hinkwaswo. A aka ni rirhangu leri nga kusuhi ni xidziva xa Xela le ntangeni wa hosi, a kondza a ya fika eka swikhandziyo leswi rhelelaka swi huma eka Muti-wa-Davhida.

2 TIHOSI 20:20

Mintirho leyin'wana ya Hezekiya, ni ta vunhenha bya yena hinkwabyo, ni hilaha a celeke xihlovo hakona, a boxa ni ndlela yo fikisa mati emutini wa Yerusalema, swi tsariwile eka “Buku ya Matimu” ya tihosi ta Yuda.

2 TIKRONIKA 32:30

Hi yena Hezekiya loyi a nga siva mati lama humaka exihlobyeni xa Gihoni, leswaku ma nga khuluki ma ya enkoveni, kambe ma khulukela endzeni ka muti, hi tlhelo ra le vupeladyambu. Kutani Hezekiya a kateka emintirhweni ya yena hinkwayo.

2 TIHOSI 18:17

Kutani hosi ya le Asiriya yi rhuma Tartani mufambisi wa mavuthu, na Rhabi-Sarisi ndhunankulu ya le ntsindza, na Rhabi-Xake xandla xa yona, leswaku va suka emutini wa Lakixi, va kongoma eka hosi Hezekiya emutini wa Yerusalema, va ri ni nyimpi leyikulu. Kutani va tlhandlukela eYerusalema; loko va fikile, va yima etlhelo ka ndlela ya mati leyi boxiweke, yi huma etiveni ra le n'walungwini, egondzweni leri kongomaka Nsimu-ya-Muhlantswi.

Nehemiya 12:37

Loko va fika enyangweni leyi vuriwaka Nyangwa-ya-Xihlovo, va tlhandluka hi swikhandziyo swa Muti wa Davhida laha rirhangu ri tlakukeke kona, va hundza hi le kusuhi ni Yindlu ya Davhida va ya fika enyangweni leyi vuriwaka Nyangwa-ya-Mati hi tlhelo ra le vuxeni.

Eklesiasta 2:6

Ndzi cerile swihlovo swa mati, ndzi endlela ku cheleta mirhi ya mina leyo tala, leswaku yi kula swinene.

Nehemiya 3:16

Ekusuhi na Xalumi, a ku tirha Nehemiya n'wana Azibuku ndhuna ya hafu ya xifundzha xa Beta-Suru, a aka xiphemu lexi langutaneke ni masirha ya ka Davhida, ku ya fika exidziveni lexi ceriweke kunene, ni ku ya fika endlwini ya tinhenha.