Nehemiya 2:13 - BIBELE Mahungu Lamanene

¹³ Vusiku byebyo ndzi fambile ndzi ya ta hi le nyangweni leyi vuriwaka Nyangwa-ya-le-Nkoveni, ndzi ya hundza hi le ka Xihlovo-xa-Nyoka, ni le nyangweni leyi vuriwaka Nyangwa-ya-Vulongo, ndzi famba ndzi ri karhi ndzi valanga rirhangu ra muti wa Yerusalema leri mbundzumuxiweke, ni tinyangwa leti herisiweke hi ndzilo.

Xitsonga (Bibele)

¹³ Ndzi huma nivusiku hi nyangwa ya Nkova, ndzi languta tlhelo ra xihlovo xa Dragona, ni tlhelo ra nyangwa ya Vulongo, ndzi languta rirhangu ra Yerusalema, hilaha ri mbundzuxiweke hakona, ni timbanti ta kona hilaha ti tshameke ti tshwile.

Nehemiya 2:13 Referans Kwoze

Nehemiya 1:3

Kutani va ku ka mina: “Lava va nga xifundzheni lexiya, lava vuyeke hi le vukhumbini, va le khombyeni lerikulu; leswi va endliwaka swona swi khomisa tingana; rirhangu ra muti wa Yerusalema ri mbundzumuxiwile, ni tinyangwa ti herisiwile hi ndzilo.”

Nehemiya 2:17

Kutani ndzi ku ka vona: “Khombo leri ri hi weleke, ma ri vona: Muti wa Yerusalema i marhumbi ntsena, ni tinyangwa ti hisiwile! Kutani ke, a hi pfuxeni rirhangu ra muti wa Yerusalema hi ta wisa ku hlekuriwa.”

Nehemiya 2:3

Ndzi hlamula hosi ndzi ku: “Hosi, hanya hilaha ku nga heriki! Ndzi khunguvanyekile emoyeni, hikuva muti lowu wu nga ni masirha ya va ka hina wu mbundzumuxiwile, ni tinyangwa ta wona ti herisiwile hi ndzilo!”

2 TIKRONIKA 26:9

Uziya a aka swihondzo emutini wa Yerusalema, emahlweni ka Nyangwa-ya-Yinhla, ni le mahlweni ka Nyangwa-ya-le-Nkoveni, ni laha rirhangu ra muti ri jikaka kona, a tiyisa tindhawu ta kona.

Nehemiya 12:31

Kutani ndzi vitana varhangeri va le Yuda va ta ehenhla ka rirhangu. Hiloko ndzi hlawula vanhu lava nga ta famba va longolokile va dzunisa Xikwembu; kutani va avanyisiwa ku huma mintlawa mimbirhi leyikulu. Ntlawa wo sungula a wu famba ehenhla ka rirhangu wu kongoma tlhelo ra nyangwa leyi vuriwaka Nyangwa-ya-Vulongo, hi tlhelo ra voko ra xinene.

Nehemiya 2:15

Hiloko vusiku byebyo ndzi famba ndzi ta hi le nhoveni, ndzi ya emahlweni ni ku valanga rirhangu ra muti wa Yerusalema; kutani ndzi tlhelela ekaya ndzi ya nghena hi le nyangweni leyi vuriwaka Nyangwa-ya-le-Nkoveni.

Yeremiya 5:10

“Nghenani ensin'wini ya vhinya mi tsemelela mirhi ya kona, kambe mi nga yi dlayeli makumu; khutulelani marhavi ya yona hikuva a ma humi eka mina HOSI.

Nehemiya 2:12

ndzi nga byeli munhu leswi Xikwembu xi ndzi leriseke ku swi endlela muti wa Yerusalema. Kutani ndzi pfuka nivusiku, ndzi famba ni vavanuna va nga ri vangani. A hi fambanga na xifuwo xin'wana ehandle ka lexi a ndzi xi gadile.