Nehemiya 13:5 - BIBELE Mahungu Lamanene

⁵ kutani a rhurhela Tobiya endlwini leyikulu leyi khale a va veka eka yona mapa ya magandzelo, ni mirhi ya risuna, ni swibya, ni vukhume bya mavele, ni bya vhinyo, ni bya mafurha. Swilo leswi hi ku ya hi nawu a swi nyikiwa Valevhi ni vayimbeleri, ni varindzi va le tinyangweni, kasi swin'wana a swi nyikiwa vaprista.

Xitsonga (Bibele)

⁵ a n'wi lunghiserile kamara leyikulu, laha ku nga hlayisiwa mihlengo ni mirhi ya risuna khale, ni mitirho, ni ku pambula ka vukhume eka koro, ni ka vhinyo leyintshwa, ni mafurha, leswi ngi swi lerisiwile Valevhi ni vayimbeleri, ni valanguteri va tinyangwa, ni mihlengo leyi hlawuleriwaka vaprista.

Nehemiya 13:5 Referans Kwoze

Nehemiya 12:44

Hi siku rero ku hlawuriwa vavanuna lava nga ta va valanguteri va yindlu ya vuhlayiselo bya mihlengo, ni leswi rhangaka swi tshoveriwa emasin'wini, ni vukhume. Vavanuna lava a va fanele ku hlengeleta leswi, hi ku ya hi nawu, swi nyikiwaka vaprista ni Valevhi swi huma emasin'wini lama nga kusuhi ni miti. Vanhu va le Yuda a va tsaka swinene hi leswi vaprista ni Valevhi a va tirhisa swona,

Nehemiya 10:38

Loko Valevhi va amukela vukhume, ku ta va ni muprista wa ka Aroni, kutani Valevhi va ta humesa vukhume bya vukhume va byi tisa eTempeleni va ta byi veka etindlwini ta vuhlayiselo.

2 TIKRONIKA 34:11

va nga vavatli ni vaaki; vatirhi lava va xava ha yona maribye lama vatliweke, ni timhandze to tiyisa khumbi ni to vekela timbanti, etindlwini ta Tempele leti a ti tshikiwile ti hlakala, enkarhini wa tihosi ta Yuda.

Nehemiya 10:37

Hi ta yisela ni vaprista endlwini ya Xikwembu xa hina mavele lama hi sungulaka ha wona ku kandza; hi ta va yisela ni mihlengo ya hina ya mihandzu ya mirhi hinkwayo, ni ya vhinyo, ni ya mafurha; hi ta yisela ni Valevhi vukhume bya swa le masin'wini, hikuva hi vona va vekiweke ku hlengeleta vukhume eswimitaneni swa hina.

Nehemiya 13:7

leswaku ndzi ya eYerusalema. Hiloko ndzi fika ndzi kuma mhaka leyo biha leyi Eliyaxibi a yi endleke hi ku rhurhela Tobiya endlwini leyi nga Tempeleni.

Ezekiele 40:38

Endzeni ka muako wa nyangwa ya le n'walungwini, a ku ri ni kamari leri pfulekelaka erikupakupeni; ekamarini rero, a va hlantswa nyama ya swifuwo swa magandzelo lama hisiwaka.

2 TIKRONIKA 31:11

Hezekiya a lerisa leswaku ku lulamisiwa makamari ya vuhlayiselo eTempeleni, kutani ku endliwa sweswo.

Nehemiya 10:36

Na vona vana va hina va mativula hi ta va yisa endlwini ya Xikwembu xa hina, eka vaprista lava tirhaka kona; hi ta yisa ni mativula ya swifuwo swa hina leswikulu ni leswitsongo, hilaha swi tsariweke hakona eNawini.