Nehemiya 13:31 - BIBELE Mahungu Lamanene

³¹ Ndzi lulamisa ni leswaku tihunyi to hisa ha tona magandzelo ti hamba ti tisiwa hi nkarhi lowu vekiweke, ni leswaku ku tisiwa leswi vanhu va rhangaka va swi tshovela emasin'wini. We Xikwembu xanga ndzi tsundzuke, u ndzi katekisa!

Xitsonga (Bibele)

³¹ ndzi lunghisa ni timhaka ta nhlengo wa tihunyi hi mikarhi leyi vekiweke, ni ya swirhangana. Oho! Xikwembu xa mina, u ndzi anakanya, u ndzi endlela leswinene!

Nehemiya 13:31 Referans Kwoze

Nehemiya 13:14

We Xikwembu, u nga ndzi rivali; tsundzuka swilo leswinene leswi ndzi swi endleleke yindlu ya wena ni ntirho hinkwawo wa wena.

Nehemiya 13:22

Hiloko ndzi lerisa Valevhi leswaku va tibasisa, va ta va ta rindza tinyangwa, leswaku siku ra Savata ri va leri hlawulekeke. We Xikwembu xanga, ndzi tsundzuke, u ndzi katekisa hikwalaho ka leswi; ndzi hlayise hi rirhandzu ra wena lero tshembeka!

Pisalema 106:4

We HOSI, ndzi anakanye loko u ri karhi u pfuna vanhu va wena, loko u va kutsula, u nga ndzi siyi ehandle,

Pisalema 25:7

U nga anakanyi swidyoho ni swihoxo swa vuntshwa bya mina; ndzi tsundzuke we HOSI, hikwalaho ka rirhandzu ra wena ni vunene bya wena!

Nehemiya 10:34

Hi tlhelo ro yisa tihunyi enkarhini wa minkhuvo leyi vekiweke, leti nga ta hisa magandzelo ehenhla ka alitari ya Xikwembu xa hina hilaha swi tsariweke ha kona enawini, hina ni vaprista ni Valevhi hi ta hamba hi hlawulana hi ku hoxa vuhlolotwana lembe rin'wana na rin'wana; byona byi ta komba ndyangu lowu faneleke ku yisa tihunyi endlwini ya Xikwembu lembe rolero.

Luka 23:42

Xidyohi xi engeta xi ku: “Yesu, ndzi anakanye, loko u nghena eMfun'weni wa wena.”

Nehemiya 5:19

We Xikwembu xanga, ndzi tsundzuke, u ndzi katekisa hikwalaho ka hinkwaswo leswi ndzi swi endlelaka vanhu lava.

Nehemiya 10:35

Naswona hi tiboha leswaku lembe rin'wana na rin'wana hi ta hamba hi yisa endlwini ya HOSI Xikwembu leswi hi rhangaka hi swi tshovela emasin'wini; hi ta yisa ni mihandzu yo sungula ya mirhi hinkwayo ya mihandzu.

Nehemiya 10:38

Loko Valevhi va amukela vukhume, ku ta va ni muprista wa ka Aroni, kutani Valevhi va ta humesa vukhume bya vukhume va byi tisa eTempeleni va ta byi veka etindlwini ta vuhlayiselo.