Nehemiya 13:25 - BIBELE Mahungu Lamanene

²⁵ Kutani ndzi va holovela ni ku va rhuketela, ndzi tlhela ndzi va ba, ndzi va kokakoka hi misisi, ndzi va sindzisa ku tiboha hi ku hlambanya hi vito ra Xikwembu, ndzi ku: “Mi nga pfumeli leswaku vana va n'wina va xisati va tekiwa hi vamatiko, naswona mi nga pfumeli leswaku vana va n'wina va xinuna va teka vasati exikarhi ka vona, hambi a ri n'wina mi nga titekeli vasati exikarhi ka vanhu lava.

Xitsonga (Bibele)

²⁵ Kutani ndzi va holovela, ndzi va rhukana, ndzi va ni van'wana, ndzi va hluva misisi, ndzi va hlambanyela hi Xikwembu, ndzi ku: “Mi nga nyika vana va n'wina eka vana va vona, mi nga teki vana va vona, na n'wina mi nga tekelani na vona.

Nehemiya 13:25 Referans Kwoze

Nehemiya 13:17

Kutani ndzi holovela varhangeri va le Yuda ndzi ku: “Xana a mi swi voni leswaku mhaka leyi mi yi endlaka yi bihile xana? Swilo leswi swi nyamisa siku ra Savata!

Ezra 10:5

Kutani Ezra a suka a yima, a lerisa varhangeri va vaprista ni Vaisraele hinkwavo, leswaku va hlambanya va tiboha ku endla leswi vuriweke. Kutani va tiboha hi ku hlambanya.

Duteronoma 7:3

Vanhu lava, mi nga tshuki mi tekelana na vona; mi nga pfumeli leswaku vana va n'wina va tekiwa hi vana va vona; naswona mi nga pfumeli leswaku vana va n'wina va ya teka vana va vona,

Nehemiya 13:11

Hiloko ndzi holovela varhangeri ndzi ku ka vona: “Hikwalaho ka yini yindlu ya Xikwembu yi nga ha hlayisiwi xana?” Kutani ndzi hlengeleta Valevhi ni vayimbeleri ndzi va tlherisela emintirhweni ya vona.

Esaya 50:6

Ndzi pfumerile ku korhama ndzi biwa hi valala, ni loko va ndzi hlurhulela malebvu, ndzi kangaterile; a ndzi chavanga ku rhuketeriwa ni ku tshwuteriwa marha.

Swivuriso 28:4

Loko u tlula nawu, u dzunisa lavo homboloka, kasi loko u wu hlayisa, a wu yimi na vona.

Pisalema 15:4

Ú sola vanhu lava nga pfuniki nchumu, kambe a xixima lava va tirhelaka HOSI Xikwembu; loko a hlambanyile, a nga hundzuki, hambiloko swi nga n'wi vangela khombo.

Nehemiya 5:13

Kutani ndzi dzudza xinkwamana xa mina xi wela hansi, ndzi ku: “Xikwembu a xi dzudze munhu un'wana ni un'wana a huma endlwini ya yena ni le ntirhweni wa yena, loko a nga hetisisi xitshembiso lexi; a a dzudziwe a sala a nga ha ri na nchumu.” Kutani ntshungu hinkwawo wu ku “Amen!” wu dzunisa HOSI Xikwembu. Vanhu va endlile hilaha va tshembiseke hakona.

Ezra 7:26

Un'wana na un'wana loyi a nga ta ala ku yingisa nawu wa Xikwembu xa wena ni nawu wa tiko, a nga tsetseleriwi, a a avanyisiwe; a nga ha avanyiseriwa rifu, kumbe a hlongoriwa etikweni, kumbe a tekeriwa swilo swa yena, kumbe a pfaleriwa ekhotsweni.”

Duteronoma 6:13

Chavani HOSI Xikwembu xa n'wina, mi tirhela xona ntsena, mi hlambanva hi vito ra xona.

Eksoda 34:16

naswona mi nga tshuki mi lavela majaha ya n'wina evasati exikarhi ka vanhu lava, hikuva vavasati lava va ta ya emahlweni va endla vunghwavava eku gandzeleni ka swikwembu swa vona, va kokela ni vana va n'wina eka swona.

Yoxuwa 23:12

Loko mo fularhela HOSI Xikwembu, mi tihlanganisa ni vamatiko lava va saleke laha xikarhi ka n'wina, mi ya teka vasati exikarhi ka vona, na vona va ta teka vasati exikarhi ka n'wina,

2 TIHOSI 2:24

Elixa a hundzuluka, a languta swifanyetana leswi, a swi holovela hi vito ra HOSI Xikwembu. Hi nomu lo, swinkankanka swimbirhi swa mantswele swi huma hi le xihlahleni, swi kavatlulela swifanyetana swa 42.

Nehemiya 13:24

Kutani hafu ya vana va vona a va vulavula ririmi ra va le Axidodo, kumbe ra vanhu van'wana, kambe ririmi ra Vayuda a va nga ri koti.

Pisalema 119:53

Lavo homboloka va ndzi hlundzukisa ngopfu, hikuva a va na mhaka ni nawu wa wena.

Nehemiya 5:6

Ndzi khunguvanyeke ngopfu loko ndzi twa swivilelo swa vona ni marito lawa a va ma vulavula.