Nehemiya 13:20 - BIBELE Mahungu Lamanene

²⁰ Kan'we kumbe kambirhi vaxavi na vaxavisi va swilo swo hambana-hambana va fika va gova ehandle ka muti wa Yerusalema.

Xitsonga (Bibele)

²⁰ Hikwalaho vaxavi ni lava xavisaka mitirho ya tinxaka hinkwato, va tshama nivusiku ehandle ka Yerusalema, kan'we kumbe kambirhi.

Nehemiya 13:20 Referans Kwoze

Nehemiya 13:19

Hikokwalaho, ndzi lerisa leswaku loko Savata yi nga si sungula, enkarhini lowu dyambu ri yaka eku peleni, tinyangwa ta muti wa Yerusalema ti fanele ku pfariwa, ti tshamisa sweswo ku kondza Savata yi hundza. Kutani ndzi veka malandza ya mina ya rindza etinyangweni leswaku ku nga vi na nhundzu leyi nghenisiwaka emutini wa Yerusalema hi siku ra Savata.

Nehemiya 13:21

Kutani ndzi va holovela ndzi ku: “Hikwalaho ka yini mi hamba mi ta tshama laha mahlweni ka rirhangu xana? Loko mo tlhela mi swi endla, ndzi ta mi ba swinene!” Ku sukela siku rero, a va ha tlhelanga va ta hi siku ra Savata.