Biblia Todo Logo
Bib sou entènèt

- Piblisite -




Nehemiya 13:15 - BIBELE Mahungu Lamanene

15 Enkarhini wolowo ndzi kumile na vanhu va ri karhi va pyaxetela vhinya hi siku ra Savata; van'wana a va hlengeleta tinhulu ta mavele va rhwexa timbhongolo; a va ti rhwexa ni vhinyo, ni mihandzu ya vhinya, ni ya makuwa, ni swin'wana leswi lavaka ku rhwariwa. Swilo leswi a va swi yisa emutini wa Yerusalema. Vanhu lava ndzi va tsundzuxile leswaku va nga tshuki va xavisa swakudya hi siku ra Savata.

Gade chapit la Kopi

Xitsonga (Bibele)

15 Enkarhini wolowo ndzi vona vanhu va kandziya exikhuvutelweni hi Savata, etikweni ra Yuda, ni lava chochaka tinyandza ekaya, va rhwexile timbhongolo, ti rhwele vhinyo, ni mihandzu ya vhinya, ni makuwa, ni mitirho yin'wana ya tinxaka, va neha eYerusalema, hi siku ra Savata; kutani ndzi va holovela hi siku rolero va xavisaka swakudya ha rona.

Gade chapit la Kopi




Nehemiya 13:15
31 Referans Kwoze  

Tlhandlakambirhi, loko vanhu lava va ta ni tinhundzu kumbe mavele va ta swi xavisa hi siku ra Savata kumbe siku rin'wana leri hlawuleriweke Xikwembu, hina a hi nga xavi. Hi lembe rin'wana na rin'wana ra vu-7 hi ta tshika ku rima masimu ya hina, naswona hi ta tshika ku londzana swikweleti.


Kutani ndzi va holovela ndzi ku: “Hikwalaho ka yini mi hamba mi ta tshama laha mahlweni ka rirhangu xana? Loko mo tlhela mi swi endla, ndzi ta mi ba swinene!” Ku sukela siku rero, a va ha tlhelanga va ta hi siku ra Savata.


“Mi ni masiku ya 6 lawa mi faneleke ku tirha ha wona, kambe hi siku ra vu-7 mi ta wisa, hambiloko wu ri nkarhi wa xirimo, kumbe nkarhi wa ntshovelo.


HOSI Xikwembu xi ri: “Mi nga rhendzeleki-rhendzeleki hi siku ra Savata, mi nga endli leswi mi swi rhandzaka esikweni ra mina lero hlawuleka; siku leri, mi fanele ku ri tsakela mi ri xixima, hikuva i siku ra mina lero hlawuleka; ri xiximeni, mi nga yi lomu mi ku tsakelaka, kumbe ku endla leswi mi swi rhandzaka, naswona mi nga vulavuli swo huma ndleleni hi siku leri.


Kambe Vaisraele va tiarisile kwale mananga, va ala ku ndzi yingisa. A va hlayisanga milawu ya mina, va bakanya swiletelo swa mina leswi a va fanele ku kuma ku hanya ha swona, va nyamisa ni masiku ya mina ya Savata. “Kutani ndzi ehleketile ku chululela vukari bya mina ehenhla ka vona, ndzi va herisa loko va ha ri emananga,


Kambe loko mi ala ku ndzi yingisa, mi nga pfumeli ku hlayisa siku ra Savata leswaku ri tshama ri hlawulekile, ni loko mi rhwala swilo mi swi nghenisa etinyangweni ta Yerusalema hi siku rero, vukari bya mina byi ta pfurha byi nga timeki, byi hisa tindlu leto saseka ta Yerusalema.’ ”


“ ‘Kambe mina HOSI ndzi ri, loko mi ndzi yingisa mi nga nghenisi nchumu etinyangweni ta muti lowu hi siku ra Savata, ni loko mi hlayisa siku leri ri tshama ri hlawulekile mi nga tirhi ntirho na wun'we hi siku rero,


Namuntlha ndzi hlambanya leswaku loko mo fularhela HOSI Xikwembu xa n'wina, kutani mi landzelela swikwembu swin'wana mi swi tirhela ni ku swi gandzela, mi ta heriseriwa makumu.


Ku ta tirhiwa hi masiku ya 6, kambe eka n'wina, siku ra vu-7 ri ta va leri hlawulekeke ra ku wisa, siku ra Savata leri hlawuleriweke HOSI Xikwembu; un'wana ni un'wana loyi a nga ta tirha hi siku leri, ú faneriwile hi ku fa.


U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.


Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.


Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.


Ndzi lava ku engeta ndzi tiyisa kambe, eka un'wana ni un'wana la pfumelaka ku yimbisiwa, leswaku ú fanela ku endla hinkwaswo leswi Nawu wu lerisaka swona.


Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.


Petro a tiyisa vumbhoni bya yena hi marito man'wana layo tala, a va khongotela a ku: “Hambanani ni rixaka leri ro homboloka leswaku mi ta pona.”


HOSI Xikwembu xi ri: “N'wina vanhu va mina, xana ndzi mi dyohele yini, xana ndzi tshama ndzi mi tikisela vutomi xana? Ndzi hlamuleni!


Kutani Yeremiya a engeta a ku: “N'wina masalela ya va ka Yuda, HOSI Xikwembu xa mi lerisa xi ri: ‘Mi nga yi etikweni ra Egipta!’ Tivani leswaku namuntlha ndzi mi laya ndzi tiyisile.


HOSI Xikwembu xi ri: “N'wina vanhu va mina, ndzi lava ku vulavula na n'wina; ndzi lava ku mi tshinya n'wina Vaisraele. Mina Xikwembu, ndzi Xikwembu xa n'wina.


HOSI Xikwembu xi ringetile ku va koka va vuyela eka xona hi ku va rhumela vaprofeta, kambe va ka Yuda a va lavanga ku yingisa vumbhoni bya vaprofeta volavo.


Vanhu vo huma eTiri lava a va tshama eYerusalema na vona a va ta ni tinhlampfi ni tinhundzu tin'wana va ta swi xavisa hi siku ra Savata, va xavisela va le Yuda ni va le Yerusalema.


Loko u tlula nawu, u dzunisa lavo homboloka, kasi loko u wu hlayisa, a wu yimi na vona.


Mi byelana mi ku: “Xana nkhuvo wa siku ra ku tshama ka n'weti wu ta hela rini, hi ta kota ku xavisa mavele? Siku ra Savata rona ri ta hundza rini xana, hi ta kota ku xavisa mavele ya maxalana? Hi ta hunguta xisakana, kutani hi tlakusa nxavo wa kona, hi xisa vanhu hi mimpimo leyi nga riki yona;


Kutani HOSI Xikwembu xi ku ka Muxe:


Hikokwalaho Vaisraele va fanele ku hlayisa siku ra ku wisa ra Savata, va ri xixima, wu va ntwanano lowu bohaka ni le ka vatukulu va vona hilaha ku nga heriki.


“Hi tlhela hi tiboha leswaku lembe rin'wana ni rin'wana hi ta humesa nhlengo wa silivhere yo tika 4 g, hi pfuna ku fambisa ntirho endlwini ya Xikwembu xa hina.


U nga languteli tinyarhi ku vuya ni mavele ya wena; ti nge ma hlengeleti exivuyeni!


Swiv nou:

Piblisite


Piblisite