Nehemiya 12:44 - BIBELE Mahungu Lamanene

⁴⁴ Hi siku rero ku hlawuriwa vavanuna lava nga ta va valanguteri va yindlu ya vuhlayiselo bya mihlengo, ni leswi rhangaka swi tshoveriwa emasin'wini, ni vukhume. Vavanuna lava a va fanele ku hlengeleta leswi, hi ku ya hi nawu, swi nyikiwaka vaprista ni Valevhi swi huma emasin'wini lama nga kusuhi ni miti. Vanhu va le Yuda a va tsaka swinene hi leswi vaprista ni Valevhi a va tirhisa swona,

Xitsonga (Bibele)

⁴⁴ Siku lero ku vekiwa vakamberi ku kambela makamara ya vuveko bya mihlengo, ni bya swirhangana, ni bya ku pambula ka hi khume va ta hlayisela kona mihlengo leyi humaka emitini ya matlhelo, swi ri leswi averiwaka eka vaprista ni Valevhi hi nawu, hikuva ku tsaka a ku ri kona eka Yuda, hikuva vaprista ni Valevhi va tlherile va yima emahlweni ka Xikwembu,

Nehemiya 12:44 Referans Kwoze

Varhoma 12:7

loko hi ri ni nyiko ya ku tirhela van'wana, a hi va tirheleni. Loyi a nga ni nyiko ya ku dyondzisa, a a dyondzise;

Esaya 40:31

kambe lava tshembaka HOSI Xikwembu, va ta engeteleriwa matimba, va ta haha kukota magama, va ta tsutsuma va nga karhali, va ta famba va nga heleli hi ntamu.

Swivuriso 8:34

Ku katekile munhu loyi a ndzi yingisaka, loyi a tshamaka a langutile enyangweni ya mina, a nghena emutini wa mina minkarhi hinkwayo.

1 TIKRONIKA 23:28

mintirho ya vona i ku pfuna va ka Aroni ku tirha swa le Tempeleni, va kukula swivava ni makamari, va basisa swibya hinkwaswo leswo hlawuleka, va tirha ni yin'wana mintirho ya le Tempeleni;

1 TIKRONIKA 9:26

Varindzi va mune lavakulu va nga va ka Levhi, a va rindza ni makamari ya Tempele ni yindlu ya yona ya vuhlayiselo.

Tinhlayo 3:10

U ta veka Aroni ni vana va yena leswaku va tirha ntirho wa vona wa vuprista; munhu ntsena loyi a nga ta tinghenisa entirhweni wa vuprista, ú ta dlayiwa.”

Duteronoma 18:8

Mulevhi wo tano ú ta kuma swakudya swo ringana ni swa lavan'wana, ehandle ka leswi a nga swi kumaka hi ku xavisa tinhundzu leti a siyeriweke tona hi vatata wa yena.

1 TIKRONIKA 26:20

Van'wana va ka Levhi a va rhwexiwile ntirho wa ku hlayisa xuma xa Tempele, ni wa ku tamela tinyiko leti humeseriwaka HOSI Xikwembu.

Nehemiya 10:36

Na vona vana va hina va mativula hi ta va yisa endlwini ya Xikwembu xa hina, eka vaprista lava tirhaka kona; hi ta yisa ni mativula ya swifuwo swa hina leswikulu ni leswitsongo, hilaha swi tsariweke hakona eNawini.