Nehemiya 12:43 - BIBELE Mahungu Lamanene

⁴³ Kutani siku rero vanhu va humesa magandzelo layo tala, va tsaka swinene hikuva Xikwembu a xi va nyikile ntsako lowukulu. Vavasati ni vana, na vona a va tsakile swinene. Huwa ya ntsako lowu a wu ri kona eYerusalema a yi fika ekule swinene.

Xitsonga (Bibele)

⁴³ Siku rero Vaisraele va tlhava magandzelo lamakulu va tsaka, hikuva Xikwembu a xi va tsakisile hi ku tsaka lokukulu; swi tsandza ni vavasati ni vana a va tsaka; ku tsaka ka Yerusalema, ku twakala kule.

Nehemiya 12:43 Referans Kwoze

Ezra 3:13

kutani munhu a a nga koti ku hambanyisa huwa ya lava tsakeke ni ya lava rilaka, hikuva a va ba huwa leyikulu leyi a yi twala kule swinene.

Pisalema 92:4

Ntirho wa wena we HOSI, wa ndzi tsakisa, ndzi ba nkulungwana ndzi tlangela mintirho ya mavoko ya wena.

Yeremiya 31:13

Vanhwana ni majaha, ni vakulukumba, va ta cina va tsakile, swirilo swa vona swi hundzuka tinsimu ta ntsako; ndzi ta va khongotela, ndzi va nyika ku rhula ematshan'wini ya maxangu.

Yakobo 5:13

Xana ku ni un'wana wa n'wina loyi a xanisekaka? A a khongele. Xana ku ni loyi a tsakeke? A a yimbelele tinsimu ta ku dzunisa.

Vaefesa 5:19

Khongotelanani hi tipisalema ni tinsimu, mi yimbelela swa Moya; twarisani Hosi hi tinsimu ni tipisalema, mi yi dzunisa hi timbilu ta n'wina hinkwato.

Yohane 16:22

Swi tano na n'wina: Mi twa ku vaviseka sweswi, kambe ndzi ta tlhela ndzi mi vona, kutani timbilu ta n'wina ti ta tsaka, kutani a ku na munhu la nga ta mi tekela ku tsaka ka n'wina.

Matewu 21:15

Kambe vaprista lavakulu ni vatsari va hlundzuka ngopfu loko va vona mahlori lawa a ma endlaka, ni loko va twa vana lava huwelelaka eTempeleni va ku: “Hozana eka N'wana Davhida!”

Matewu 21:9

Mintshungu leyi n'wi rhangeleke emahlweni, ni leyi yi n'wi landzeke hi le ndzhaku, yi huwelela yi ku: “Hozana eka N'wana Davhida! A ku dzunisiwe la taka hi vito ra Hosi! Hozana ematilweni ya le henhla-henhla!”

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Pisalema 28:7

HOSI hi yona matimba ni xitlhangu xanga, ndzi tshemba yona ntsena; sweswi ndzi pfunekile, kutani mbilu ya mina yi tele ntsako, ndzi nkhensa HOSI hi ku yimbelela tinsimu.

Pisalema 27:6

Hikokwalaho, ndzi ta hlula valala va mina lava va ndzi rhendzeleke matlhelo hinkwawo; ndzi ta humesa magandzelo endlwini ya HOSI ndzi ri karhi ndzi ba nkulungwana; ndzi ta yimbelela ndzi dzunisa HOSI.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

2 TIKRONIKA 20:27

Kutani va ka Yuda ni vaaki va le Yerusalema va tlhelela ekaya va rhangeriwe hi Yoxafati, va ri karhi va yimbelela hi ku tsaka, hikuva HOSI Xikwembu a xi va tsakisile ngopfu hi ku va hlulela valala.

2 TIKRONIKA 20:13

Vavanuna hinkwavo va ka Yuda a va yimile emahlweni ka HOSI Xikwembu, va ri ni vasati va vona, ni vana va vona lavakulu ni lavatsongo.

2 TIKRONIKA 7:10

Hi siku ra vu-23 ra n'hweti ya vu-7, Solomoni a hangalasa nkhuvo, vanhu va muka va tsakile ngopfu, va tlangela ku saseka ka hinkwaswo leswi HOSI Xikwembu xi swi kombeke Davhida, na Solomoni, ni Vaisraele vanhu va xona.

1 SAMIELE 4:5

Loko Areka ya Ntwanano wa HOSI yi fika emixaxeni, Vaisraele hinkwavo va khana va ba minkulungwana, misava yi ko yi tsekatseka.

Tinhlayo 10:10

Timhalamhala leti, mi ta ti ba ni le masikwini lawa mi tsakeke, ni le minkhubyeni ya n'wina ya lembe, ni le ku sunguleni ka tin'hweti, mi ti ba mi ri karhi mi humesa magandzelo lama hisiwaka ni magandzelo ya xinakulobye; timhalamhala leti hi tona leti nga ta endla leswaku mina Xikwembu ndzi mi anakanya. Hi mina HOSI Xikwembu xa n'wina.”

Nehemiya 12:42

van'wana hi lava: Maaseya, na Xemaya, na Eliyazara, na Usi, na Yohanani, na Malikiya, na Elamu, na Ezere. Vayimbeleri a va ri karhi va yimbelela va fambisiwa hi Yizirahiya.

Pisalema 9:2

Hikwalaho ka wena, ndza tsaka hi ntsako lowukulu, ndzi yimbelela ndzi dzunisa vito ra wena, wena Xikwembu xa le henhla-henhla.

Nehemiya 12:27

Enkarhini wa ku khanguriwa ka rirhangu ra muti wa Yerusalema, Valevhi va vitaniwile va huma etindhawini ta vona hinkwato, va ta emutini wa Yerusalema ku ta dya nkhuvo wo khangula rirhangu; kutani ku tsakiwa, ku nkhensiwa Xikwembu hi ku yimbelela, va chaya swiphambati swa nsimbhi, ni tiharipa ni switende.