Nehemiya 12:39 - BIBELE Mahungu Lamanene

³⁹ Kutani hi ya hundza hi le ka nyangwa leyi vuriwaka Nyangwa-ya-Efrayimi ni le ka leyi vuriwaka Nyangwa-ya-Khale ni le ka leyi vuriwaka Nyangwa-ya-Tinhlampfi ni le ka Xihondzo xa Hananele ni lexi vuriwaka Xihondzo-xa-Dzana, hi ya fika ni le ka nyangwa leyi vuriwaka Nyangwa-ya-Tinyimpfu. Kutani lava a va ri ku nkhenseni va fika va yima eka nyangwa leyi vuriwaka Nyangwa-ya-Varindzi.

Xitsonga (Bibele)

³⁹ ni le henhla ka nyangwa ya Efrayimi, ni le nyangweni ya Khale, ni le nyangweni ya Tinhlampfi, ni le khokholweni ra Hananele, ni le khokholweni ra Mea, ku ya fika eNyangweni ya Tinyimpfu, kutani va yima enyangweni ya Khotso.

Nehemiya 12:39 Referans Kwoze

Nehemiya 3:1

Eliyaxibi, Muprista Lonkulu, ni vaprista-kulobye va sungula ntirho wa ku aka, va aka nyangwa leyi vuriwaka Nyangwa-ya-Tinyimpfu, va tlhela va yi hlawulekisa, va vekela ni timbanti. Va ya emahlweni va aka rirhangu va tlhela va ri hlawulekisa ku kondza va ya fika eka Xihondzo-xa-Dzana ni ka Xihondzo-xa-Hananele.

Nehemiya 8:16

Hiloko vanhu va famba va ya vuya ni mahlampfu, va ta tiendlela mintsonga ya vona. Un'wana na un'wana a aka ntsonga ehenhla ka lwangu ra yindlu ya yena, ni le xivaveni xa yena, va aka ni le xivaveni xa yindlu ya Xikwembu, ni le rivaleni leri nga kusuhi ni Nyangwa-ya-Mati, ni le rivaleni leri nga kusuhi ni Nyangwa-ya-Efrayimi.

Nehemiya 3:6

Yoyada n'wana Paseya na Mexulama n'wana Basodeya, vona a va aka nyangwa leyi vuriwaka Nyangwa-ya-Yexana; va celela timhandze, va vekela timbanti ni swo goga hi swona hinkwaswo.

Nehemiya 3:3

Va ka Hasena, vona a va aka nyangwa leyi vuriwaka Nyangwa-ya-Tinhlampfi, va celela timhandze, va vekela timbanti ni swo goga hi swona hinkwaswo.

Nehemiya 3:25

ni laha rirhangu ri jikaka kona. Palala n'wana Uzayi yena a a aka xiphemu lexi langutaneke ni yinhla ya rirhangu, laha ku nga na xihondzo xa yindlu ya le henhla ya hosi, leyi nga xivaveni xa varindzi. Ekusuhi na Palala a ku tirha Pedaya n'wana Paroxi,

2 TIHOSI 14:13

Kavaloko Yowasi hosi ya Israele a khoma Amasiya hosi ya Yuda n'wana Yowasi ntukulu wa Ahaziya, emutini wa Beta-Xemexe, a ta na yena eYerusalema. Kutani a hirimuxa rirhangu ra muti mpfhuka wo ringana 200 m, ku sukela eka Nyangwa-ya-Efrayimi ku ya fika eka Nyangwa-ya-Yinhla.

Yohane 5:2

Le Yerusalema, hi tlhelo ra Nyangwa-ya-Tinyimpfu, ku ni vuhlambelo lebyi hi Xiheveru va nge i Betesda, byi rhendzeriwe hi tinxaxa ta ntlhanu ta timhandze letikulu.

Sofoniya 1:10

HOSI Xikwembu xi vula sweswo, xi ri: “Esikwini rero, huwa yi ta twala eYerusalema hi tlhelo ra Nyangwa-ya-Tinhlampfi; laha ku vuriwaka ‘Ndhawu Leyintshwa’, va ta tlhava mukhosi, eswitsungeni ku ta twala mpfumawulo lowukulu wa tinyimpi.

Yeremiya 32:2

Enkarhini wolowo, muti wa Yerusalema a wu rhendzeriwile hi mavuthu ya hosi ya Babilona; kutani muprofeta Yeremiya a a khomiwile a pfaleriwa exivaveni xa varindzi le ntsindza wa hosi ya Yuda.

Yeremiya 31:38

HOSI Xikwembu xi ri: “Nkarhi wa ta lowu muti wa Yerusalema wu nga ta akiwa hi vuntshwa wu akeriwa mina, ku sukela eka ‘Xihondzo-xa-Hananele’ ku ya fika eka ‘Nyangwa-ya-Yinhla’.

Nehemiya 12:40

Mintlawa hinkwayo leyi a yi ri ku nkhenseni yi fike yi yima endlwini ya Xikwembu, kutani na mina ndzi fika ndzi yima, swin'we ni hafu leyi a ndzi ri na yona ya varhangeri,