Nehemiya 12:24 - BIBELE Mahungu Lamanene

²⁴ Entirhweni wo dzunisa Xikwembu ni ku xi nkhensa, Valevhi a va avanyisiwile hi mintlawa-ntlawa, va rhangeriwa hi Haxabiya, na Xerebiya na Yexuwa n'wana Kadimiele. Mintlawa mimbirhi a yi hlavelelana hi ku landza leswi lerisiweke hi Davhida munhu wa Xikwembu.

Xitsonga (Bibele)

²⁴ Tihosana ta Valevhi a a ri: Haxabiya, na Xerebiya, na Yexuwa, n'wana Kadimiele, ni vamakwavo lava langutaneke na vona, a va ri ni mfanelo ya ku dzunisa Yehovha, hilaha Davhida, munhu wa Xikwembu, a leriseke hakona; ntlawa wu ri karhi wu hlamulana ni ntlawakulobye.

Nehemiya 12:24 Referans Kwoze

Nehemiya 11:17

Naswona a ku ri na Mataniya n'wana Mika wa Zabidi, wa Asafu yena murhangeri loyi a sunguleke xikhongelo xa minkhenso, na Bakibukiya loyi a a ri museketeri wa murhangeri wa va ka vona, na Abida n'wana Xamuwa wa Galala, wa Yedutuni.

Nehemiya 9:4

A ku ri ni mapulangi lawa a ma beleriwile leswaku Valevhi va ta yima eka wona. Ehenhla ka wona a ku ri na Yexuwa, na Bani, na Kadimiele, na Xebaniya, na Buni, na Xerebiya, na Bani, na Kenani. Valevhi lava a va khongela HOSI Xikwembu xa vona hi rito leri tlakukeke.

Nehemiya 8:7

Loko vanhu hinkwavo va ha ri etindhawini ta vona, ku vile ni Valevhi lava va va hlamuseleke Nawu leswaku va ta wu twisisa, va nga lava: Yexuwa, na Bani, na Xerebiya, na Yamini, na Akubu, na Xabetayi, na Hodiya, na Maaseya, na Kelita, na Azariya, na Yozabadi, na Hanani, na Pedaya.

Ezra 2:40

Valevhi hi lava: Va ka Yexuwa, ni va ka Kadimiele, va nga vatukulu va Hodavhiya, i 74.

2 TIKRONIKA 8:14

Hi ku hlayisa nawu wa Davhida tata wa yena, Solomoni a hlawula mintlawa ya vaprista, a yi avela mintirho ya yona, a veka ni Valevhi emintirhweni ya vona ya ku dzunisa Xikwembu ni ku pfunana ni vaprista siku rin'wana ni rin'wana hilaha swi lerisiweke hakona. Solomoni a hlawula ni varindzi va le tinyangweni hi mintlawa ya vona, a va veka enyangweni yin'wana ni yin'wana, hi ku landza swileriso swa Davhida munhu wa Xikwembu.

1 TIHOSI 17:24

Wansati a n'wi hlamula a ku: “Hakunene sweswi ndza swi tiva leswaku wena u munhu wa Xikwembu, ni leswaku rito ra xona leri humaka enon'weni wa wena i rito ra ntiyiso.”

Yoxuwa 14:6

Loko va ha ri eGiligala, va nyimba ya ka Yuda va ya eka Yoxuwa; kutani Kalebe n'wana Yefune lowa Mukenizi a ku ka Yoxuwa: “Ndza tshemba wa ha tsundzuka leswi HOSI Xikwembu xi leriseke Muxe munhu wa xona eKadexe-Bariniya hi tlhelo ra mina na wena.

Duteronoma 33:1

Muxe munhu wa Xikwembu ú vurile marito lawa a nga si fa, a kombelela Vaisraele eminkateko,

2 Timotiya 3:17

leswaku mutirheli wa Xikwembu a va la hetisekeke, a tilulamisela ku endla ntirho wun'wana ni wun'wana lowunene.

1 Timotiya 6:11

Kambe loko a ri wena, munhu wa Xikwembu, fambela kule ni swilo leswi hinkwaswo. Kongoma ku lulama, ni vukhongeri, ni ku pfumela, ni rirhandzu, ni ku tiyisela, ni musa.

Nehemiya 12:23

Va ka Levhi lava veke tinhloko ta mindyangu ku ya fika enkarhini wa Yohanani n'wana Eliyaxibi, a va tsariwile eka Buku ya Matimu.

Nehemiya 12:36

ni va ka vona, va nga va Xemaya, na Asarele, na Milalayi, na Gilalayi, na Maayi, na Netanele, na Yuda, na Hanani. A va ri ni swichaya-chayani swa Davhida munhu wa Xikwembu. Emahlweni a ku rhangile mutsari Ezra.

1 TIKRONIKA 16:4

Kutani Davhida a hlawula van'wana exikarhi ka Valevhi leswaku va tirhela HOSI Xikwembu xa Israele, hi ku xi khongela ni ku xi tlangela ni ku xi twarisa, va ri emahlweni ka Areka ya xona.