Nehemiya 11:31 - BIBELE Mahungu Lamanene

³¹ Va ka Benjamini vona a va tshama emutini wa Geba, ni wa Mikamasa, ni wa Ayi, ni le mutini wa Betele ni le swimitaneni swa wona,

Xitsonga (Bibele)

³¹ Loko va ri vana va Benjamini, va ake ku sukela eGeba na Mikamaxa, na Aya, na Betele ni le mitini ya kona,

Nehemiya 11:31 Referans Kwoze

Esaya 10:28

Valala va fikile emutini wa Ayata, va tsemakanyile hi le Migirono, va fike va rhula mindzhwalo eMikamaxa;

1 SAMIELE 13:11

Samiele a n'wi vutisa a ku: “U endle yini xana?” Sawulo a hlamula a ku: “Ndzi vonile leswaku vanhu a va sungula ku hangalaka va ndzi tshika, ni leswaku wena a wu fikanga hi siku leri hi twananeke rona, kasi Vafilista a va hlengeletanile le Mikamaxa.

Yoxuwa 18:24

na Kefara-Amonayi, na Ofini, na Geba. Miti ni swimitana swa yona i 12.

Yoxuwa 18:13

Ku suka kona ndzilekana wu kongoma edzongeni etlhelo ra Luzi, wu ya ta hi le xintshabyaneni xa Luzi (hileswaku Betele), kutani wu rhelela wu kongoma le Ataroti-Adara ehenhla ka ntshava leyi yi nga edzongeni ra muti wa Beta-Horoni-wa-le-nkoveni.

Yoxuwa 8:9

Kutani Yoxuwa a va byela leswaku va famba; kutani va ya endhawini leyi a va fanele ku ya tumbela eka yona, exikarhi ka muti wa Betele ni wa Ayi, hi tlhelo ra vupeladyambu bya muti wa Ayi; kambe vusiku byebyo Yoxuwa a a sele ni vanhu lavan'wana emixaxeni.

Genesa 28:19

Kutani ndhawu leyi a yi thya vito ra Betele (hileswaku: “Yindlu-ya-Xikwembu”). Khale ndhawu leyi a yi tiviwa hi vito ra Luzi.

Genesa 12:8

Kutani Abrama a suka kwalaho a ya entshaveni leyi yi nga vuxeni bya muti wa Betele, a fika a dzima ntsonga kona. Hi tlhelo ra vupeladyambu a ku ri ni muti wa Betele, kasi evuxeni a ku ri ni muti wa Ayi. Kutani Abrama a akela HOSI Xikwembu alitari, a xi gandzela kona.

1 SAMIELE 13:23

Vafilista va rhumela ntlawa wa masocha wu ya rindza xiphandze xa le kusuhi na Mikamaxa.

1 SAMIELE 13:2

Sawulo a hlawula vavanuna va 3 000 exikarhi ka Vaisraele, vavanuna va 2 000 va va na yena emutini wa Mikamaxa ni le magangeni ya Betele, kutani va 1 000 va va na Yonatani emutini wa Gibeya wa Benjamini. Sawulo a tlherisa vanhu lava saleke, un'wana ni un'wana a ya ekaya ka yena.

Nehemiya 11:30

ni wa Zanowaka, ni wa Adulama, ni le swimitaneni swa yona, ni le mutini wa Lakixi ni le tindhawini leti nga kusuhi na wona, ni le mutini wa Azeka ni le swimitaneni swa wona. Va ka Yuda a va tshama endhawini leyi sukelaka eBerexeba ku ya fika eka Nkova wa Hinomu.

Nehemiya 11:32

ni le mutini wa Anatoto, ni wa Nobo, ni wa Ananiya,

Yoxuwa 18:22

na Beta-Araba, na Semarayimi, na Betele;

Nehemiya 12:29

ni le Beta-Giligala, ni le Geba, ni le Azimavhete. Vayimbeleri a va tshama eswimitaneni leswi rhendzeleke muti wa Yerusalema.