Nehemiya 11:30 - BIBELE Mahungu Lamanene

³⁰ ni wa Zanowaka, ni wa Adulama, ni le swimitaneni swa yona, ni le mutini wa Lakixi ni le tindhawini leti nga kusuhi na wona, ni le mutini wa Azeka ni le swimitaneni swa wona. Va ka Yuda a va tshama endhawini leyi sukelaka eBerexeba ku ya fika eka Nkova wa Hinomu.

Xitsonga (Bibele)

³⁰ na Zanowaka, na Adulama ni miti ya kona, na Lakixi, ni masimu ya kona, na Azeka ni miti ya kona, va aka ku suka eBerexeba ku fika enkoveni wa Hinomu.

Nehemiya 11:30 Referans Kwoze

Yoxuwa 15:8

Kutani wu tlhandluka wu ta hi le ka Nkova wa Bene-Hinomu, hi tlhelo ra le dzongeni ra swintshabyana swa Vayebusi (hileswaku swa Yerusalema), kutani wu kongoma enhlohlorhini ya ntshava leyi langutaneke ni Nkova wa Hinomu, hi tlhelo ra vupeladyambu, laha nkova wa Refayimi wu helelaka kona hi tlhelo ra n'walungu.

Yoxuwa 10:3

Kavaloko Adoni-Sedeke hosi ya Yerusalema a rhuma vanhu va ya eka Hohamu hosi ya Hebroni, ni le ka Piramu hosi ya Yaramutu, ni le ka Yafiya hosi ya Lakixi, ni le ka Debiri hosi ya Egiloni, va ya ku ka vona:

Mikiya 1:15

N'wina vaaki va le Marexa, HOSI Xikwembu xi ta mi tisela loyi a nga ta mi hlula, varhangeri va Israele va ta ya tumbela ebakweni ra le Adulama.

Yeremiya 32:35

Va lulamisile swivandla leswo hlawuleka swa Baali enkoveni wa va ka Hinomu, kutani va dlayile kona vana va vona va xinuna ni va xisati, va humesa ha vona magandzelo lama hisiwaka, va humesela Moloko xikwembu xa vona. Mhaka leyi, a va lerisiwanga hi mina, ni ku yi ehleketa a ndzi yi ehleketanga ni siku ni rin'we. Kutani manyala lawa va ma endleke, ma va dyohisile.

Yeremiya 19:6

“ ‘Hikokwalaho mina HOSI ndzi ri, yingisani! Nkarhi wa ta lowu ndhawu leyi yi nga ta ka yi nga ha vitaniwi Tofete, kumbe nkova wa va ka Hinomu, kambe yi ta vitaniwa Nkova-wa-Mintsumbu.

Yeremiya 19:2

u huma na vona hi Nyangwa-ya-Swirhengele, mi ya enkoveni wa va ka Hinomu; loko mi fikile kona, u ta va tivisa leswi ndzi nga ta ku byela swona sweswi.

Esaya 37:8

Rhabi-Xake a tlhela, kutani a ya kuma hosi ya Asiriya emutini wa Libina, hikuva a a twile leswaku yi sukile eLakixi, yi ya hlasela muti wa Libina.

Nehemiya 3:13

Hanunu ni vaaki va le Zanowaka a va aka nyangwa leyi vuriwaka Nyangwa-ya-le-Nkoveni; va yi pfuxa, va vekela timbanti ni swo goga hi swona hinkwaswo. Va akile rirhangu mpfhuka wo ringana 500 m, ku kondza va ya fika enyangweni leyi vuriwaka Nyangwa-ya-Vulongo.

2 TIHOSI 23:10

Yosiyasi a nyamisa ndhawu leyi vuriwaka Tofete, ya le nkoveni wa va ka Hinomu, leswaku ku nga ha vi na munhu na un'we loyi a nga ta gandzela Moloko xikwembu xa Vaamoni, hi ku hisela endhawini ya kona n'wana wa yena wa xinuna kumbe wa xisati.

Yoxuwa 18:16

Kutani wu rhelela wu ya ta hi le hansi ka ntshava leyi langutaneke ni Nkova wa Bene-Hinomu, emakumu ka Nkova wa Refayimi hi tlhelo ra le n'walungwini, wu ya emahlweni wu ya ta hi le ka Nkova wa Hinomu edzongeni ra xintshabyana xa Vayebusi, wu kondza wu ya fika le Eni-Rogele.

Yoxuwa 15:39

na Lakixi, na Bosikata, na Egiloni;

Yoxuwa 12:15

ni hosi ya muti wa Libina, ni hosi ya muti wa Adulama;

Genesa 21:14

Hiloko Abrahama a pfuka nimpundzu swinene, a teka xinkwa ni gula ra mati a rhwexa Hagara, a n'wi beburisa ni n'wana, kutani a n'wi hlongola. Hiloko Hagara a suka a famba a ya tsendzeleka emananga ya Berexeba.

Genesa 25:16

Lawa hi wona mavito ya vana va Iximaele, ti nga tona tindhuna ta 12 ta va ka Iximaele hi ku landza swimitana swa vona ni matshamele ya vona etinyimbeni ta ka vona.

Nehemiya 11:29

ni le mutini wa Eni-Rimoni, ni wa Sora, ni wa Yaramutu,

Nehemiya 11:31

Va ka Benjamini vona a va tshama emutini wa Geba, ni wa Mikamasa, ni wa Ayi, ni le mutini wa Betele ni le swimitaneni swa wona,