Nehemiya 10:39 - BIBELE Mahungu Lamanene

³⁹ Vaisraele ni Valevhi va ta humesa nhlengo wa mavele, ni vhinyo, ni mafurha, va wu tisa endlwini laha ku nga ni swibya swa xivandla lexo hlawuleka ni vaprista lava nga ntirhweni, ni varindzi va le nyangweni, ni vayimbeleri. Yindlu ya Xikwembu xa hina, hi ta yi hlayisa!”

Xitsonga (Bibele)

³⁹ Vana va Israele ni vana Valevhi va ta neha nhlengo lowu pamburiweke ka koro ni ka vhinyo leyintshwa, ni ka mafurha emakamareni, laha mitirho ya magandzelo yi nga kona, ni laha ku tshamaka vaprista lava tirhaka mitirho, ni valanguteri va tinyangwa ni vayimbeleri, kutani hi nga fularheli yindlu ya Xikwembu xa hina.”

Nehemiya 10:39 Referans Kwoze

Vaheveru 10:25

Hi nga tshiki ku hlengeletana, kukota leswi van'wana va toloveleke ku endla swona, kambe hi khongotelana, ngopfu-ngopfu leswi mi vonaka leswaku siku ra Hosi ri ya ri tshinela.

2 TIKRONIKA 31:12

Vanhu va veka eka wona mihlengo ya vona ni tinyiko tin'wana ta vona eka Xikwembu, hinkwaswo swi hlayiseka. Mulanguteri wa makamari lawa a a ri Konaniya wa ka Levhi, xandla xa yena a ri makwa wa yena Ximeyi.

Pisalema 122:9

Leswi yindlu ya HOSI Xikwembu xa hina yi nga laha ka wena, ndzi ku navelela minkateko.

Duteronoma 12:17

Mi nga tshuki mi dyela emakaya swa vukhume bya mavele kumbe vhinyo kumbe mafurha; naswona mi nga dyeli kona nyama ya mativula ya swifuwo swa n'wina leswikulu ni leswitsongo, kumbe tinyiko leti mi tiboheke ku ti humesa, kumbe tinyiko leti mi ti humesaka hi ku titwa kumbe mihlengo ya n'wina.

Tinhlayo 18:30

U ta tlhela u ku ka vona: ‘Loko mi ta va mi humesile leswinene ngopfu, leswi saleke swi ta va swa n'wina Valevhi, ku fana ni mavele ni vhinyo leyi vanhu va salaka na yona loko va humesile nhlengo.

2 TIHOSI 7:10

Hiloko va famba, va ya huwelela varindzi va le nyangweni ya muti, va ku: “Hi yile emixaxeni ya Vasiriya. Yingisani! A ku vonaki hambi ku ri ku twakala munhu ni un'we kona. Ko va ni tihanci ni timbhongolo ntsena leti bohiweke; mintsonga ya ha ri sweswi a yi ri swona.”

Tinhlayo 18:26

“U ta byela Valevhi leswaku mina HOSI ndzi ri: ‘Loko mi amukela vukhume lebyi humesiwaka hi Vaisraele, lebyi ndzi mi nyikaka byona byi va ndzhaka ya n'wina, mi fanele ku humesa nhlengo eka byona mi wu nyika mina HOSI; nhlengo lowu wu ta va vukhume bya vukhume lebyi humesiweke hi Vaisraele.

2 TIKRONIKA 31:11

Hezekiya a lerisa leswaku ku lulamisiwa makamari ya vuhlayiselo eTempeleni, kutani ku endliwa sweswo.

Nehemiya 12:47

Enkarhini wa Zerubabele ni le nkarhini wa Nehemiya, Vaisraele hinkwavo a va hamba va humesa leswi vayimbeleri ni Varindzi va le tinyangweni a va fanele ku kuma swona siku rin'wana ni rin'wana, va tlhela va nyika ni Valevhi leswi a va fanele ku kuma swona, kasi Valevhi vona a va fanele ku humesa swin'wana va nyika va ka Aroni.