Nehemiya 10:37 - BIBELE Mahungu Lamanene

³⁷ Hi ta yisela ni vaprista endlwini ya Xikwembu xa hina mavele lama hi sungulaka ha wona ku kandza; hi ta va yisela ni mihlengo ya hina ya mihandzu ya mirhi hinkwayo, ni ya vhinyo, ni ya mafurha; hi ta yisela ni Valevhi vukhume bya swa le masin'wini, hikuva hi vona va vekiweke ku hlengeleta vukhume eswimitaneni swa hina.

Xitsonga (Bibele)

³⁷ Hi ta tisa leswi hlawuriweke swa mapa ya hina, ni swa tinyiko ta hina, ni swa mihandzu ya mirhi hinkwayo, ni swa vhinyo leyintshwa, ni mafurha, hi swi nehela vaprista emakamareni ya yindlu ya Xikwembu xa hina, swin'we ni ku pambula ka khume ka swa misava, swi nga swa Valevhi; hikuva vona Valevhi va ta teka ku pambula ka khume eka swona emitini hinkwayo leyi nga ni masimu ya tiko ra hina;

Nehemiya 10:37 Referans Kwoze

Levhitika 23:17

Emutini wun'wana ni wun'wana, ku fanele ku huma swinkwa swimbirhi leswi swekiweke hi swintewana swimbirhi swa mapa lamanene lama cheriweke comela, leswaku swi ta va nyiko ya mina leyo hlawuleka eka leswi mi rhangeke hi swona mi tshovela.

Tinhlayo 18:21

“Valevhi vona ndzi va nyika vukhume hinkwabyo lebyi humesiwaka hi Vaisraele, byi va hakelo ya mintirho leyi va yi tirhaka eka Ntsonga lowo Hlawuleka, va ta tihanyisa ha byona.

Nehemiya 13:9

Kutani ndzi lerisa leswaku tindlu ti basisiwa, ku vuyisiwa ni swibya swa yindlu ya Xikwembu, ni mapa ya magandzelo, ni mirhi ya risuna.

Nehemiya 13:5

kutani a rhurhela Tobiya endlwini leyikulu leyi khale a va veka eka yona mapa ya magandzelo, ni mirhi ya risuna, ni swibya, ni vukhume bya mavele, ni bya vhinyo, ni bya mafurha. Swilo leswi hi ku ya hi nawu a swi nyikiwa Valevhi ni vayimbeleri, ni varindzi va le tinyangweni, kasi swin'wana a swi nyikiwa vaprista.

Duteronoma 26:2

mi fanele ku teka swin'wana swa leswi mi nga ta rhanga mi swi tshovela emasin'wini ya kwale tikweni leri HOSI Xikwembu xa n'wina xi nga ta mi nyika rona, mi swi chela exirhundzwini, mi famba na swona endhawini leyi HOSI Xikwembu xi nga ta yi hlawula leswaku vito ra xona ri gandzeleriwa eka yona.

Duteronoma 18:4

Mi ta va nyika ni ntshovelo wo sungula wa mavele, ni wa vhinya, ni mafurha yo sungula, ni voya byo sungula bya tinyimpfu ta n'wina.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.

Malakiya 3:8

Nhlamulo hi leyi: Ku xisa Xikwembu a hi swona! Kambe n'wina mi le ku ndzi xiseni. Kutani mi tlhela mi ndzi vutisa mi ku: ‘Hi ku xisa hi ndlela yihi ke?’ Mina ndzi ri: Ma ndzi xisa eku humeseni ka vukhume ni mihlengo.

2 TIKRONIKA 31:6

Vanhu va Israele lava akeke emitini ya Yuda, swin'we na vona va ka Yuda, va tisa vukhume bya mintlhambi ya vona ya tihomu ni tinyimpfu, va tisa ni swa le masin'wini leswi va tiboheke ku swi nyiketa eka HOSI Xikwembu xa vona, kutani va swi fumba hi tinhulu-nhulu eTempeleni.

Varhoma 11:16

Loko leswo rhanga swa mbila swi humeseriwile Xikwembu, mbila hinkwayo i ya xona; ni loko rimitsu ri nyikiwile Xikwembu, marhavi na wona i ya xona.

Duteronoma 14:22

“Lembe rin'wana ni rin'wana mi fanele ku veka etlhelo vukhume bya swilo hinkwaswo leswi mi nga ta swi tshovela emasin'wini ya n'wina.

Nehemiya 13:10

Ndzi kume ni leswaku Valevhi ni vayimbeleri lava a va ri ntirhweni a va sukile eYerusalema va tlhelela emitini ya vona leyi nga ni masimu, hikuva vanhu a va nga ha va yiseli leswi a va fanele ku hanya ha swona.

Nehemiya 13:12

Vanhu hinkwavo va le Yuda va hamba va tisa vukhume bya mavele, ni bya vhinyo, ni bya mafurha, kutani byi vekiwa endlwini ya vuhlayiselo.

Eksoda 13:2

“U fanele ku hlawula mativula hinkwawo ya vanhu ni ya swifuwo, u ma nyiketa eka mina; hinkwaswo leswi rhangeke ku velekiwa, exikarhi ka Vaisraele kumbe eka swifuwo swa vona, i swa mina.”

Eksoda 13:12

hikokwalaho, mi ta hlawula hinkwaswo leswi rhangeke ku velekiwa, mi swi nyiketa eka HOSI Xikwembu. Mativula hinkwawo ya xinuna ya swifuwo swa n'wina ma ta va ya HOSI Xikwembu.

Tinhlayo 18:15

“Hinkwaswo leswi rhangeke ku velekiwa eka vanhu ni ka swifuwo, leswi Vaisraele va ndzi humeseleke swona mina HOSI, swi ta va swa n'wina. Kambe mi ta fanela ku kutsula mativula ya vanhu ni ya swifuwo leswi nga tengangiki.

Tinhlayo 18:18

Kambe nyama ya kona yi ta va ya n'wina, ku fana ni xifuva ni nenge wa xinene, yi nga nyiko leyo hlawuleka leyi mi lawuriwaka yona.